ଓଡ଼ିଶାରେ ୩ଲକ୍ଷ ନିଯୁକ୍ତି ପ୍ରଭାବିତ ହେବ: ପର୍ଯ୍ୟଟନ ଶିଳ୍ପ ହରାଇବ ୭୦% ନିଯୁକ୍ତି

ଭୁବନେଶ୍ୱର,୧୮।୫(ବ୍ୟୁରୋ): ଦେଶ ଓ ରାଜ୍ୟର ପର୍ଯ୍ୟଟନ ମାନଚିତ୍ରକୁ ପୂରାପୂରି ବଦଳାଇ ଦେଇଛି କୋଭିଡ୍‌-୧୯। ପର୍ଯ୍ୟଟନ ଶିଳ୍ପ ସହ ଏହାସହ ଜଡ଼ିତ ମାନବସମ୍ଭଳ କରୋନା ପାଇଁ ସବୁଠାରୁ ଅଧିକ ପ୍ରଭାବିତ ହୋଇଛନ୍ତି। ଦେଶର ୧୨.୭୫ ପ୍ରତିଶତ ନିଯୁକ୍ତି କେବଳ ପର୍ଯ୍ୟଟନ କ୍ଷେତ୍ରରେ ରହିଥିବା ବେଳେ ବିଶ୍ୱବ୍ୟାପୀ ଚାଲିଥିବା ଲକ୍‌ଡାଉନ୍‌ ଯୋଗୁ ଏହି କ୍ଷେତ୍ରରେ ସର୍ବାଧିକ ଲୋକ ନିଯୁକ୍ତି ହରାଇଛନ୍ତି। ପର୍ଯ୍ୟଟନ ମନ୍ତ୍ରଣାଳୟର ତଥ୍ୟ ମୁତାବକ, ୨୦୧୯-୨୦ରେ ପର୍ଯ୍ୟଟନ କ୍ଷେତ୍ର ଉପରେ ପ୍ରତ୍ୟକ୍ଷ ଏବଂ ପରୋକ୍ଷଭାବେ ପ୍ରାୟ ୮.୭ କୋଟି ଲୋକ ନିର୍ଭର କରିଥାନ୍ତି। ଏହାମଧ୍ୟରୁ ୫.୫୬% ପ୍ରତ୍ୟକ୍ଷଭାବେ ନିଯୁକ୍ତ ହୋଇଥିବା ବେଳେ ୭.୧୯% ପରୋକ୍ଷଭାବେ ନିଯୁକ୍ତି ହୋଇଥାନ୍ତି। ଅନ୍ୟ କୌଣସି ସେକ୍ଟରଠାରୁ ଏହା ଢେର୍‌ ଅଧିକ। ତେଣୁ କରୋନା ସଂକ୍ରମଣ ସହ ଲକ୍‌ଡାଉନ୍‌ ପରେ ଲକ୍‌ଡାଉନ୍‌ ଜାରି ରହିଲେ ପର୍ଯ୍ୟଟନ ଶିଳ୍ପରେ ପ୍ରାୟ ୩.୮ କୋଟି ନିଯୁକ୍ତି ହ୍ରାସ ହେବ। ଅର୍ଥାତ୍‌ ଏହି କ୍ଷେତ୍ରରେ ୭୦ ପ୍ରତିଶତ ଲୋକ ନିଯୁକ୍ତି ହରାଇବେ, ଯାହାକି ଜାତୀୟ ନିଯୁକ୍ତି ହାର ଉପରେ ସବୁଠାରୁ ଅଧିକ ପ୍ରଭାବ ପକାଇବ ବୋଲି ଆଶଙ୍କା କରାଯାଇଛି। ସେହିଭଳି ଓଡ଼ିଶାରେ ଟ୍ରାଭେଲ, ଟୁରିଜମ୍‌ ଓ ହସ୍ପିଟାଲିଟି କ୍ଷେତ୍ରରେ ପ୍ରତ୍ୟକ୍ଷ ଓ ପରୋକ୍ଷଭାବେ ପ୍ରାୟ ୫ଲକ୍ଷ ଲୋକ ନିଯୁକ୍ତି ପାଇଥିବା ବେଳେ କରୋନା ସଂକଟ ପାଇଁ ୩ ଲକ୍ଷ ନିଯୁକ୍ତି ପ୍ରଭାବିତ ହେବ ବୋଲି ଫିକି ନ୍ୟାସନାଲ ଟୁରିଜମ୍‌ କାଉନ୍‌ସିଲର ସହ-ଅଧ୍ୟକ୍ଷ ଏବଂ ଏଚ୍‌ଆର୍‌ଏଓ ଅଧ୍ୟକ୍ଷ ଜେ.କେ. ମହାନ୍ତି କହିଛନ୍ତି। ଉଭୟ ହସ୍ପିଟାଲିଟି ଓ ଟ୍ରାଭେଲ ଇଣ୍ଡଷ୍ଟ୍ରୀ ଉପରେ ଏହାର ପ୍ରଭାବ ରହିବ।
ପର୍ଯ୍ୟଟନ ଶିଳ୍ପ ଗତ ଫେବୃୟାରୀ ମାସରୁ ସମ୍ପୂର୍ଣ୍ଣଭାବେ ବନ୍ଦ ପଡ଼ିଥିବା ବେଳେ ଜୁନ୍‌ ମାସ ପର୍ଯ୍ୟନ୍ତ ସମସ୍ତ ବୁକିଂ ବାତିଲ କରି ଦିଆଯାଇଛି। ଆସନ୍ତା କେତେ ଦିନ ଯାଏଁ ଏଭଳି ପରିସ୍ଥିତି ଚାଲିବ ସେ ନେଇ ମଧ୍ୟ ଆଶଙ୍କା ପ୍ରକାଶ ପାଇଛି। ହୋଟେଲ ଆଣ୍ଡ୍‌ ରେଷ୍ଟୁର଼୍ୟାଣ୍ଟ୍‌ ଆସୋସିଏସନ୍‌ ଅଫ୍‌ ଓଡ଼ିଶା(ଏଚ୍‌ଆର୍‌ଏଓ)ର ତଥ୍ୟ ମୁତାବକ, କରୋନା ଲାଗି ଉଭୟ ଇନ୍‌ବାଉଣ୍ଡ ଓ ଆଉଟ୍‌ବାଉଣ୍ଡ, ଡୋମେଷ୍ଟିିକ୍‌, ଲିଜର, ଆଡ୍‌ଭେଞ୍ଚର, ଏମ୍‌ଆଇସିଇ, କ୍ରୁଜ୍‌, ଇକୋ ଟୁରିଜମ୍‌ ସବୁକିଛି ପ୍ରଭାବିତ ହୋଇଛି। ଏହି ମହାମାରୀ ଯେପର୍ଯ୍ୟନ୍ତ ସମ୍ପୂର୍ଣ୍ଣ ଭାବେ ନ ଯାଇଛି କିମ୍ବା ଏହାର ଭ୍ୟାକ୍ସିନ୍‌ ନ ବାହାରିଛି ସେପର୍ଯ୍ୟନ୍ତ ଲୋକଙ୍କ ଘରୁ ବାହାରିବା ମୁସ୍କିଲ ହୋଇଯିବ। ଏଭଳି ସ୍ଥିତିରେ ଅତିକମ୍‌ରେ ଆସନ୍ତା ବର୍ଷେ ପର୍ଯ୍ୟନ୍ତ କୌଣସି ସ୍ଥାନରୁ ପର୍ଯ୍ୟଟକ ଆସିବେନି। ପର୍ଯ୍ୟଟନସ୍ଥଳୀ, ହୋଟେଲ୍‌ ରୁମ୍‌ ସବୁକିଛି ଖାଲିପଡ଼ିବ। ଏଭଳିସ୍ଥଳେ ମାଲିକମାନେ ହୋଟେଲ ମରାମତି, ବ୍ୟାଙ୍କ ଋଣ, ଇଏମ୍‌ଆଇ ଦେବାକଥା ଭାବିବେ ନା କର୍ମଚାରୀଙ୍କ ବେତନ ଦେବେ। ତେଣୁ ବହୁ କର୍ମଚାରୀ ଏହାମଧ୍ୟରେ ନିଯୁକ୍ତି ହରାଇବେ ବୋଲି ମହାନ୍ତି କହିଛନ୍ତି।
ଅନ୍ୟପକ୍ଷରେ ସ୍ପୋର୍ଟସ ଏବଂ ଇକୋ-ଟୁରିଜମ୍‌କୁ ଅସ୍ତ୍ର କରି ଉପରକୁ ଉଠିବାକୁ ଚାହୁଁଥିବା ଓଡ଼ିଶା ପର୍ଯ୍ୟଟନ ଏବେ ପୁଣିଥରେ ଆଣ୍ଠେଇ ପଡ଼ିଛି। ଗତବର୍ଷ ରାଜ୍ୟ ସରକାର ଓଡ଼ିଶା ପର୍ଯ୍ୟଟନ ବିଭବର ପ୍ରଚାର ପ୍ରସାର
ପାଇଁ ବହୁ ପଦକ୍ଷେପ ନେଇଥିଲେ। ଦେଶ ବିଦେଶର ବିଭିନ୍ନ ସହରରେ ଏଥିପାଇଁ କ୍ୟାମ୍ପେନ୍‌ ଓ ରୋଡ ଶୋ’ କରାଯାଇଥିଲା। ରାଜ୍ୟ ଏକାଧିକ ଅନ୍ତର୍ଜାତୀୟ କ୍ରୀଡ଼ା ପ୍ରତିଯୋଗିତାର ଆୟୋଜନ କରି ବିଦେଶୀ ପର୍ଯ୍ୟଟକଙ୍କୁ
ଆକୃଷ୍ଟ କରିଥିଲା। ମାତ୍ର କରୋନା ଏ ସମସ୍ତ ପ୍ରୟାସରେ ପାଣି ମିଶାଇଦେଇଛି। ଇଟାଲୀ, ଇଂଲଣ୍ଡ, ଜର୍ମାନୀ, ନେଦରଲାଣ୍ଡ, ବ୍ରାଜିଲ ଓ ସ୍ପେନ୍‌ ଭଳି ରାଷ୍ଟ୍ରରୁ ଓଡ଼ିଶା ଆସୁଥିବା ବିଦେଶୀ ପର୍ଯ୍ୟଟକଙ୍କ ସଂଖ୍ୟା ଅନେକାଂଶରେ
କମିବ। ୨୦୨୧ ଯାଏଁ ୟୁରୋପୀୟ ରାଷ୍ଟ୍ରରୁ ପର୍ଯ୍ୟଟକ ଆଶା କରିବା ବି ବୃଥା। ତେଣୁ ପୋଷ୍ଟ୍‌ ଲକ୍‌ଡାଉନ୍‌ ସମୟରେ ବିଦେଶୀ ପର୍ଯ୍ୟଟକ ପରିବର୍ତ୍ତେ ଡୋମେଷ୍ଟିକ୍‌ ତଥା ଘରୋଇ ପର୍ଯ୍ୟଟକଙ୍କ ଉପରେ ଅଧିକ ଫୋକସ୍‌ କରିବାକୁ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି। ହେଲେ ବିଦେଶୀ ପର୍ଯ୍ୟଟକଙ୍କ ଆଗମନରେ ଯେତିକି ରାଜସ୍ବ ମିଳୁଥିଲା ଏବଂ ହୋଟେଲ ଓ ପର୍ଯ୍ୟଟନ ଶିଳ୍ପ ଯେଉଁଭଳିଭାବେ ଲାଭବାନ୍‌ ହେଉଥିଲା ତାହା ଆଉ ହେବନାହିଁ ବୋଲି ବିଶେଷଜ୍ଞମାନେ ମତପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ଆଜି ମହାଷଷ୍ଠୀ, ଉତ୍ସବମୁଖର ଅନୁଗୋଳ: ୧୧ ମଣ୍ଡପରେ ପୂଜା ପାଇବେ ଦଶଭୁଜା

ଅନୁଗୋଳ ଅଫିସ, ୪।୧୦- ଦୁର୍ଗାପୂଜା ପାଇଁ ସଜେଇ ହେଉଛି ଅନୁଗୋଳ ସହର। ଚଳିତବର୍ଷ ୧୧ ମଣ୍ଡପରେ ମା’ ଦଶଭୁଜାଙ୍କ ପୂଜାର୍ଚ୍ଚନା କରାଯିବ। ଶୁକ୍ରବାର ମା’ଙ୍କ ଷଷ୍ଠୀପୂଜା...

ଯୁବତୀଙ୍କ ପେଟରୁ ବାହାରିଲା ୫୭ କେଜି ଟ୍ୟୁମର

ଖୋର୍ଦ୍ଧା ଅଫିସ,୨୮ା୧୦: ଦୀର୍ଘ ୧୦ବର୍ଷ ଧରି ଅସହ୍ୟ ଯନ୍ତ୍ରଣା ଭୋଗୁଥିବା ଜଣେ ଯୁବତୀଙ୍କ ପେଟକୁ ସୋମବାର ଅସ୍ତ୍ରୋପଚାର କରାଯାଇ ୫୭କେଜି ଓଜନର ଟ୍ୟୁମର ବାହାର କରାଯାଇଛି।...

ସବୁ ରେକର୍ଡ ଭାଙ୍ଗିଲା କରୋନା: ରାଜ୍ୟରେ ଆଜି ୧୦,୫୨୧ ସଂକ୍ରମିତ ଚିହ୍ନଟ: ଖୋର୍ଦ୍ଧାରୁ ସର୍ବାଧିକ

ଭୁବନେଶ୍ୱର,୫।୫(ବ୍ୟୁରୋ): ରାଜ୍ୟରେ କରୋନା ମହାମାରୀ ପ୍ରତିଦିନ ରେକର୍ଡ ଭାଙ୍ଗୁଛି। ଗୁରୁବାର ରାଜ୍ୟରେ ୧୦,୫୨୧ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହି ଆକ୍ରାନ୍ତଙ୍କ ମଧ୍ୟରୁ ୫,୯୪୫ ଜଣ...

ବୈତରଣୀକୁ ଧସିଲା ୧୦୦ ଫୁଟ ମାଟି ଅତଡ଼ା

ଆରଡ଼ି, ୧୯।୬ (ଡି.ଏନ.ଏ.): ଭଦ୍ରକ ଜିଲା ଚାନ୍ଦବାଲି ବ୍ଲକର ବୋଡ଼କ ଖେଳପଡ଼ିଆ ନିକଟରେ ବୁଧବାର ସକାଳେ ପ୍ରାୟ ୧୦୦ ଫୁଟ ଲମ୍ବର ମାଟି ଅତଡ଼ା ବୈତରଣୀ...

ଆରମ୍ଭ ହେଲା ଇକୋ ପର୍ଯ୍ୟଟନ ପର୍ବ

ଭୁବନେଶ୍ୱର, (ବ୍ୟୁରୋ)/କୋଣାର୍କ (ଡି.ଏନ୍‌.ଏ.): କୋଭିଡ୍‌-୧୯ ଯୋଗୁ ରାଜ୍ୟରେ ପର୍ଯ୍ୟଟନ ଶିଳ୍ପ ଏକପ୍ରକାର ବିପର୍ଯ୍ୟସ୍ତ ହୋଇପଡ଼ିଥିଲା। ଗତ କିଛିମାସ ହେବ ପର୍ଯ୍ୟଟନ ଶିଳ୍ପ ଚଳଚଞ୍ଚଳ ହେବା ଆରମ୍ଭ...

ଘରୋଇ ହସ୍ପିଟାଲ ନେଇଛନ୍ତି ୩୪୫ କୋଟି

ଭୁବନେଶ୍ୱର,୧୬।୩(ବ୍ୟୁରୋ): କରୋନା ରୋଗୀଙ୍କ ଚିକିତ୍ସା ପାଇଁ ରାଜ୍ୟ ସରକାର ୩୩ଟି କୋଭିଡ୍‌-୧୯ ଘରୋଇ ହସ୍ପିଟାଲକୁ ୩୪୪.୫୫ କୋଟି ଟଙ୍କା ପ୍ରଦାନ କରିଛନ୍ତି। ବିଧାୟକ ଗଣେଶ ରାମ...

CORONAVIRUS UPDATE: ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୧୮୦୦୦ ଟପିଲା, ଆଜି ଚିହ୍ନଟ ହୋଇଛନ୍ତି ୬୭୩

ଭୁବନେଶ୍ୱର,୨୦ା୭(ବ୍ୟୁରୋ) : ସୋମବାର ପୁଣି ୬୭୩ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ୍‌ ଆକ୍ରାନ୍ତଙ୍କ ସଂଖ୍ୟା ୧୮,୧୧୦ରେ ପହଞ୍ଚିଥିବା ରାଜ୍ୟ ସୂଚନା...

ପ୍ରସାର ଭାରତୀର ପୂର୍ବତନ ଏଡିଜି ଅଭୟ ପାଢ଼ୀଙ୍କ ପରଲୋକ

ଭୁବନେଶ୍ୱର,୨୨।୯(ବ୍ୟୁରୋ): ପ୍ରସାର ଭାରତୀର ପୂର୍ବତନ ଅତିରିକ୍ତ ମହାନିର୍ଦ୍ଦେଶକ (ଏଡିଜି) ଅଭୟ କୁମାର ପାଢ଼ୀଙ୍କ ସୋମବାର ପରଲୋକ ଘଟିଛି। ସେ କରୋନାରେ ଆକ୍ରାନ୍ତ ହୋଇ ସପ୍ତାହେ ଧରି...

Advertisement
Archives

Model This Week