ନୂଆଦିଲ୍ଲୀ, ୧୨।୭:ଭାରତୀୟ ମହାକାଶ ଗବେଷଣା କେନ୍ଦ୍ର (ଇସ୍ରୋ)ରେ କାର୍ଯ୍ୟରତ ବୈଜ୍ଞାନିକ ଏବଂ ଇଞ୍ଜିନିୟରଙ୍କ ଦରମା କାଟିଦେଇଛନ୍ତି କେନ୍ଦ୍ର ସରକାର। ୨୦୧୯, ଜୁନ୍ ୧୨ରେ ସରକାରଙ୍କ ପକ୍ଷରୁ ଦିଆଯାଇଥିବା ଏକ ନିର୍ଦ୍ଦେଶରେ କୁହାଯାଇଛି କି ୧୯୯୬ର ମସିହାରୁ ବୈଜ୍ଞାନିକ ଏବଂ ଇଞ୍ଜିନିୟରଙ୍କୁ ମିଳୁଥିବା ଦୁଇଟି ଅତିିରିକ୍ତ ପ୍ରୋତ୍ସାହନ ରାଶି ବନ୍ଦ କରିଦିଆଯିବ। ସରକାରଙ୍କ ଏହି ଆଦେଶ ପରେ ଡି, ଇ, ଏଫ ଏବଂ ଜି ଶ୍ରେଣୀରେ କାର୍ଯ୍ୟରତ ୮୫ରୁ ୯୦ ପ୍ରତିଶତ ବୈଜ୍ଞାନିକ ଏବଂ ଇଞ୍ଜିନିୟରଙ୍କ ଦରମା ଏବେ ୮-୯ହଜାର କମ ମିଳିବ। ସୂଚନାଯୋଗ୍ୟ, ଇସ୍ରୋରେ ଏବେ ପାଖାପାଖି ୧୬ ହଜାର ବୈଜ୍ଞାନିକ ଏବଂ ଇଞ୍ଜିନିୟର କାର୍ଯ୍ୟରତ ଅଛନ୍ତି।
