Posted inଖେଳ

ଇଣ୍ଡିଆନ୍‌ ସୁପର ଲିଗ୍‌: ଲଞ୍ଚ୍‌ ହେଲା ରାଜ୍ୟର ନିଜ କ୍ଲବ୍‌ ଓଡ଼ିଶା ଏଫ୍‌ସି

ଭୁବନେଶ୍ୱର,୧।୯(ସ୍ପୋଟର୍‌ସ ବ୍ୟୁରୋ)- ହାଇପ୍ରୋଫାଇଲ ଫୁଟବଲ ଲିଗ୍‌ ଇଣ୍ଡିଆନ ସୁପର ଲିଗ୍‌ (ଆଇଏସ୍‌ଏଲ୍‌)ରେ ଓଡ଼ିଶା ଏଥର ନିଜର କ୍ଲବ୍‌ ଖେଳାଇବ। ଫଳରେ ରାଜ୍ୟର ଫୁଟବଲ ପ୍ରଶଂସକଙ୍କ ପାଇଁ ଏହା ଏକ ଖୁସି ଖବର ସାବ୍ୟସ୍ତ ହୋଇଛି। ରାଜ୍ୟର ଏହି ଫୁଟବଲ କ୍ଲବର ନାମ ‘ଓଡ଼ିଶା ଏଫ୍‌ସି’ ରଖାଯାଇଛି। ଏ ସଂକ୍ରାନ୍ତରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କ୍ରୀଡ଼ାମନ୍ତ୍ରୀ ତୁଷାରକାନ୍ତି ବେହେରାଙ୍କ ଉପସ୍ଥିତିରେ ରାଜ୍ୟ କ୍ରୀଡ଼ା ଓ ଯୁବବ୍ୟାପାର ବିଭାଗ ଏବଂ ଦିଲ୍ଲୀ ସକର ପ୍ରାଇଭେଟ ଲିମିଟେଡ ମଧ୍ୟରେ ଶନିବାର ଏକ ବୁଝାମଣା ପତ୍ର ସ୍ବାକ୍ଷରିତ ହୋଇଛି। ଏହି ଅବସରରେ ନୂଆ ଆଇଏସ୍‌ଏଲ୍‌ କ୍ଲବ୍‌ ‘ଓଡ଼ିଶା ଏଫ୍‌ସି’ ଆନୁଷ୍ଠାନିକ ଭାବେ ଲଞ୍ଚ୍‌ ହୋଇଛି।
ଏହି ନୂଆ କ୍ଲବ ଓଡ଼ିଶାରେ ପର୍ଯ୍ୟବସିତ ହେବ ଓ ଭୁବନେଶ୍ୱରକୁ ଏହି କ୍ଲବ ତା’ର ଘରୋଇ ସହର ରୂପେ ଗ୍ରହଣ କରିବ। ରାଜ୍ୟ ସରକାର ମଧ୍ୟ କ୍ଲବ୍‌କୁ ସବୁ ପ୍ରକାର ସାହାଯ୍ୟ ସହଯୋଗ ଯୋଗାଇଦେବେ। ଭୁବନେଶ୍ୱରରେ ଆଇଏସ୍‌ଏଲ୍‌ରେ ଘରୋଇ ମ୍ୟାଚ୍‌ ଆୟୋଜନ ପାଇଁ ସରକାର କ୍ଲବ୍‌କୁ ବିଶ୍ୱସ୍ତରୀୟ ଭିତ୍ତିଭୂମି ଯୋଗାଇଦେବେ। କେବଳ ସେତିକି ନୁହଁ, ଅଭ୍ୟାସ ପାଇଁ ଓ କ୍ଲବ୍‌ର ସୁପରିଚାଳନାଲାଗି ମଧ୍ୟ ସବୁ ପ୍ରକାର ସୁବିଧାସୁଯୋଗ ଦିଆଯିବ। ରାଜ୍ୟରେ ଫୁଟବଲର ଉନ୍ନତି, ପ୍ରତିଭା ଚିହ୍ନଟ ଓ ବିକାଶ ପାଇଁ ମଧ୍ୟ ସରକାରଙ୍କ ଏହି ପଦକ୍ଷେପ ବେଶ୍‌ ସହାୟ ହେବ।
ଓଡ଼ିଶା ଏଫ୍‌ସି ଓ ଆଇଏସ୍‌ଏଲ୍‌କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଅବସରରେ ଅଭିନନ୍ଦନ ଜଣାଇଛନ୍ତି। ରାଜ୍ୟରେ ଫୁଟବଲର ବିକାଶ ପାଇଁ ଏହି ବୁଝାମଣା ବେଶ୍‌ ସହାୟ ହେବ। ଏହା ଦ୍ୱାରା ରାଜ୍ୟର ଫୁଟବଲ ପ୍ରତିଭା ପ୍ରେରଣା ପାଇବେ ଓ ଅଧିକ ଉତ୍ସର୍ଗୀକୃତ ମନୋଭାବ ସହ ଫୁଟବଲ ଖେଳିବାକୁ ଓ ଫୁଟବଲ୍‌କୁ ନେଇ କ୍ୟାରିୟର କରିବାକୁ ଆଗେଇ ଆସିବେ ବୋଲି ସେ କହିଛନ୍ତି। ସେହିପରି ରାଜ୍ୟ ନିଜର ଏକ ଫୁଟବଲ କ୍ଲବ୍‌ ପାଇଥିବାରୁ ଆମେ ଗର୍ବିତ ବୋଲି କ୍ରୀଡ଼ାମନ୍ତ୍ରୀ କହିଛନ୍ତି। ରାଜ୍ୟରେ ଫୁଟବଲର ବିକାଶକୁ ଆମେ ସବୁଠାରୁ ଅଧିକ ଗୁରୁତ୍ୱ ଦେଉଛୁ। ଚଳିତ ସପ୍ତାହ ପ୍ରାରମ୍ଭରେ ଆମେ ୧୭ ବର୍ଷରୁ କମ୍‌ ମହିଳା ଫୁଟବଲ ବିଶ୍ୱକପ ୨୦୨୦ର କେତୋଟି ମ୍ୟାଚ୍‌ ଭୁବନେଶ୍ୱରରେ ଆୟୋଜନ କରିବାକୁ ଅନୁମତି ପାଇଛୁ। ଭାରତ ୧୬ ଓ ୧୯ ବର୍ଷରୁ କମ୍‌ ଦଳ ପାଇଁ ଭୁବନେଶ୍ୱର ଘରୋଇ ସହରର ମାନ୍ୟତା ପାଇଛି। ଅଲ୍‌ ଇଣ୍ଡିଆ ଫୁଟବଲ ଫେଡେରେଶନ (ଏଆଇଏଫ୍‌ଏଫ୍‌) ସହ ଭାଗୀଦାରି କ୍ରମେ ଆମେ ଏହି ଅଧିକାର ହାସଲ କରିଛୁ। ଏହା ଦ୍ୱାରା ରାଜ୍ୟରେ ଫୁଟବଲ ପ୍ରତିଭାର ବିକାଶ ସମ୍ଭବ ହେବ ବୋଲି କ୍ରୀଡ଼ାମନ୍ତ୍ରୀ କହିଛନ୍ତି।
ରାଜ୍ୟ ଫୁଟବଲ୍‌ରେ ଏକ ନୂଆ ଯୁଗ ଆରମ୍ଭ: ଅନିଲ
ନୂଆ କ୍ଲବ୍‌ ଓଡ଼ିଶା ଏଫ୍‌ସି ମାଲିକ ଅନିଲ ଶର୍ମା ଏହି ବୁଝାମଣା ନେଇ ବେଶ୍‌ ଉତ୍ସାହିତ ଅଛନ୍ତି। ଫୁଟବଲ ଓ ଅନ୍ୟ କ୍ରୀଡ଼ାର ବିକାଶ ପାଇଁ ଓଡ଼ିଶା ଏଫ୍‌ସି ବେଶ୍‌ ସହାୟ ହେବ। କୀଡ଼ା ପ୍ରତି ଅଙ୍ଗୀକାରବଦ୍ଧତାକୁ ଓଡ଼ିଶା ପୁଣି ଥରେ ପ୍ରମାଣ କରିଛି। ରାଜ୍ୟ ନିଜର ଏକ ଫୁଟବଲ କ୍ଲବ ହାସଲ କରିଥିବାରୁ ଆମେ ଗର୍ବିତ। ଦେଶର ଶ୍ରେଷ୍ଠ ଫୁଟବଲ ଲିଗ୍‌ ଆଇଏସ୍‌ଏଲ୍‌ରେ ଓଡ଼ିଶା ଏଫ୍‌ସି ସାମିଲ୍‌ ହୋଇ ରାଜ୍ୟ ଫୁଟବଲ ଇତିହାସରେ ଏକ ନୂଆ ଯୁଗ ଆରମ୍ଭ କରିବ। ଅକୁଣ୍ଠିତ ସାହାଯ୍ୟ ସମର୍ଥନ ପାଇଁ ଆମେ ଓଡ଼ିଶା ସରକାରଙ୍କୁ କୃତଜ୍ଞତା ଜଣାଉଛୁ। କେବଳ ଓଡ଼ିଶା ନୁହଁ , ସାରା ଦେଶରେ ଫୁଟବଲର ଉନ୍ନତି ପାଇଁ ଆମେ କାର୍ଯ୍ୟ କରିବୁ। ଭାରତକୁ ଏକ ବିଶ୍ୱସ୍ତରୀୟ ଫୁଟବଲ ସୁପରପାଓ୍ବାର କରାଇବାରେ ଓଡ଼ିଶା ଏଫ୍‌ସି ଉଲ୍ଲେଖନୀୟ ଭୂମିକା ଗ୍ରହଣ କରିବ ବୋଲି ଅନିଲ କହିଛନ୍ତି।
ଉଲ୍ଲେଖଥାଉ କି, ଓଡ଼ିଶା ପୂର୍ବରୁ ଏଆଇଏଫ୍‌ଏଫ୍‌ ଓ ଅନ୍ୟ ଫୁଟବଲ କ୍ଲବ୍‌ ସହ ଅଙ୍ଗାଙ୍ଗୀ ଭାବେ ଜଡିତ ରହିଆସିଛି। ପୂର୍ବରୁ କଳିଙ୍ଗ ଷ୍ଟାଡିୟମରେ ଆଇଏସ୍‌ଏଲ୍‌ ପାଇଁ ଜାମ୍‌ସେଦପୁର ଏଫ୍‌ସିର ଏକ ଘରୋଇ ମ୍ୟାଚ୍‌ ମଧ୍ୟ ଆୟୋଜନ ହୋଇଛି। ସେହିପରି ଆଇ- ଲିଗ୍‌ ପାଇଁ ଇଣ୍ଡିଆନ ଆରୋଜ୍‌ର କେତୋଟି ଘରୋଇ ମ୍ୟାଚ୍‌ ମଧ୍ୟ ସଫଳତାର ସହ ଏଠାରେ ଆୟୋଜନ ହୋଇଛି। ହିରୋ ସୁପର କପ୍‌ର ଦୁଇଟି ସଂସ୍କରଣ, ଭାରତର ପ୍ରଥମ ଚତୁଃରାଷ୍ଟ୍ରୀୟ ଅନ୍ତର୍ଜାତୀୟ ସିନିୟର ଫୁଟବଲ ଟୁର୍ନାମେଣ୍ଟ ‘ହିରୋ ଗୋଲ୍ଡ କପ୍‌’ ମଧ୍ୟ ଏଠାରେ ସଫଳତାର ସହ ଆୟୋଜନ ହୋଇଛି। ଏହା ବ୍ୟତୀତ କଳିଙ୍ଗ ଷ୍ଟାଡିୟମ ହକି କମ୍ପ୍ଲେକ୍ସରେ ପୁରୁଷ ହକି ବିଶ୍ୱକପ୍‌ ସହ ବିଭିନ୍ନ ବିଶ୍ୱସ୍ତରୀୟ ଟୁର୍ନାମେଣ୍ଟ, ଏସିଆନ୍‌ ଆଥଲେଟିକ ଚାମ୍ପିୟନଶିପ୍‌ ଏବଂ ଅନ୍ୟାନ୍ୟ ବିଶ୍ୱସ୍ତରୀୟ ଆଥଲେଟିକ ଇଭେଣ୍ଟ ମଧ୍ୟ ଏଠାରେ ସଫଳତାର ସହ ଆୟୋଜନ ହୋଇପାରିଛି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ହାତକୁ ଦି’ ହାତ ହେଲେ ଏହି ଦକ୍ଷିଣ ଆଫ୍ରିକା କ୍ରିକେଟର୍‌, ଆଇପିଏଲ ନିଲାମରେ ହୋଇପାରନ୍ତି କୋଟିପତି

କେପ୍‌ଟାଉନ୍‌,୫।୧୨: ଦକ୍ଷିଣ ଆଫ୍ରିକାର ଯୁବ ଦ୍ରୁତ ବୋଲର ଜେରାଲ୍ଡ କୋଟଜି ଡିସେମ୍ବର ୧୦ରୁ ଭାରତ ବିପକ୍ଷ ଟି-୨୦ ସିରିଜ ପୂର୍ବରୁ ବିବାହ କରିଛନ୍ତି। ସେ ତାଙ୍କ...

ଆଇପିଏଲ୍‌ରୁ ଓହରିଯିବାକୁ ଏହି ବୋଲରଙ୍କୁ ନିର୍ଦ୍ଦେଶ

ଲଣ୍ଡନ, ୫ା୧୨: ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌)ରୁ ଓହରିଯିବା ଲାଗି ଇଂଲଣ୍ଡ ଓ ଓ୍ବେଲ୍ସ କ୍ରିକେଟ ବୋର୍ଡ (ଇସିବି) ଜୋଫ୍ରା ଆର୍ଚରଙ୍କୁ ନିର୍ଦ୍ଦେଶ ଦେଇଛି। ବାରମ୍ବାର...

ବାଇଜୁସ୍‌କୁ ଏନ୍‌ସିଏଲ୍‌ଟି ନୋଟିସ୍‌

ନୂଆଦିଲ୍ଳୀ, ୫ା୧୨: ଭାରତୀୟ କ୍ରିକେଟ ବୋର୍ଡ(ବିସିସିଆଇ)ର ୧୫୮ କୋଟି ଟଙ୍କା ବାକି ରଖିବା ପ୍ରସଙ୍ଗରେ ବାଇଜୁସ୍‌କୁ ନୋଟିସ୍‌ ପ୍ରେରଣ କରିଛି ଏନ୍‌ସିଏଲ୍‌ଟି। ଅର୍ଥ ପରିଶୋଧ ହୋଇ...

ଇଂଲଣ୍ଡକୁ ହରାଇଲା ଓ୍ବେଷ୍ଟଇଣ୍ଡିଜ୍‌

ନର୍ଥ ସାଉଣ୍ଡ,୫ା୧୨: ଅଧିନାୟକ ତଥା ଉଇକେଟ କିପର ଶାଇ ହୋପଙ୍କ ଶତକ ଓ ରୋମାରିଓ ଶେଫର୍ଡଙ୍କ ଦ୍ରୁତ ୪୯ ରନ୍‌ ବଳରେ ପ୍ରଥମ ଦିନିକିଆରେ ଇଂଲଣ୍ଡକୁ...

ସୁଖରାମ ଅଧିନାୟକ

ଭୁବନେଶ୍ୱର, ୫।୧୨ (ତପନ ସ୍ବାଇଁ):ଜାତୀୟ ଦୃଷ୍ଟିବାଧିତ କ୍ରିକେଟ ଟୁର୍ନାମେଣ୍ଟ ନଗେଶ ଟ୍ରଫି ପାଇଁ ସୋମବାର ଓଡ଼ିଶା ଦଳ ଘୋଷଣା କରାଯାଇଛି। ଏହି ସମ୍ମାନଜନକ ଟୁର୍ନାମେଣ୍ଟ ପାଇଁ...

କ୍ରୀଡ଼ା ଭିତ୍ତିଭୂମି ପାଇଁ କିଟ୍‌ ପୁରସ୍କୃତ

ଭୁବନେଶ୍ୱର, ୫।୧୨(ତପନ ସ୍ବାଇଁ): ଭାରତୀୟ ଶିଳ୍ପ ମହାସଂଘ (ସିଆଇଆଇ) ପକ୍ଷରୁ ନୂଆଦିଲ୍ଲୀରେ ଆୟୋଜିତ ଏକ ସ୍ବତନ୍ତ୍ର କାର୍ଯ୍ୟକ୍ରମରେ  କିଟ୍‌କୁ ସମ୍ମାନଜନକ ସିଆଇଆଇ ସ୍ପୋଟର୍‌ସ ବିଜନେସ ପୁରସ୍କାର-୨୦୨୩...

ଶୁଟିଂ ରେଞ୍ଜରେ ଅଭ୍ୟାସ କରୁଥିବା ବେଳେ ଅଘଟଣ: ବୁଢ଼ା ଆଙ୍ଗୁଠି ହରାଇଲେ ଶୁଟର

ନୂଆଦିଲ୍ଳୀ,୫ା୧୨: କାର୍ନି ସିଂ ଶୁଟିଂ ରେଞ୍ଜରେ ଅଭ୍ୟାସ କରୁଥିବା ସମୟରେ ପିସ୍ତଲରେ ଥିବା ଗ୍ୟାସ୍‌ ସିଲିଣ୍ଡର ବିସ୍ଫୋରଣ କାରଣରୁ ଜଣେ ଶୁଟର ନିଜର ବାମହାତର ବୁଢା...

ବୁମ୍‌ରାଙ୍କୁ ଉପଦେଶ ଦେଲେ ନୀରଜ ଚୋପ୍ରା

ନୂଆଦିଲ୍ଲୀ,୫।୧୨: ଭାରତର ଜାଭେଲିନ ତାରକା ନୀରଜ ଚୋପ୍ରା ମଧ୍ୟ କ୍ରିକେଟ ଦେଖିବାକୁ ପସନ୍ଦ କରନ୍ତି। ନିକଟରେ ଅନୁଷ୍ଠିତ ବିଶ୍ୱକପ ଫାଇନାଲ ଦେଖିବା ପାଇଁ ସେ ଅହମ୍ମଦାବାଦର...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri