ଓ୍ବାଶିଂଟନ, ୮ା୮(ପି.ଟି.): ଜମ୍ମୁ-କଶ୍ମୀରକୁ ନେଇ ଦେଖାଦେଇଥିବା ଅଶାନ୍ତି ଦୂର କରିବା ଲାଗି ଶୀଘ୍ର ଆଲୋଚନା ଆରମ୍ଭ କରିବାକୁ ଆମେରିକା ପରାମର୍ଶ ଦେଇଛି। ପାକିସ୍ତାନ ଭାରତ ସହ ବୁଧବାର କୂଟନୈତିକ ସମ୍ପର୍କ ଛିନ୍ନ କରିବା ଓ ଭାରତର ଉଚ୍ଚାୟୁକ୍ତ ଅଜୟ ବିସାରିଆଙ୍କୁ ହଟାଇବାର ଘଣ୍ଟାକ ପରେ ଆମେରିକାର ଦକ୍ଷିଣ-କେନ୍ଦ୍ରୀୟ ବ୍ୟାପାରର କାର୍ଯ୍ୟକାରୀ ସଚିବ ଏ.ଜି. ଓ୍ବେଲ୍ସ ଏଭଳି ମତ ରଖିଛନ୍ତି। ଦକ୍ଷିଣ ଏସିଆରେ ଅଶାନ୍ତି ଓ ସାମରିକ ଉତ୍ତେଜନା କମାଇବା ଲାଗି ଆଲୋଚନାକୁ ଆମେରିକା ଗୁରୁତ୍ୱ ଦେଇଛି। ଜମ୍ମୁ-କଶ୍ମୀର ଉପରେ ସାମ୍ବିଧାନିକ ପଦକ୍ଷେପ ଗ୍ରହଣ କରିବା ପୂର୍ବରୁ ଆମେରିକାକୁ ଭାରତ ଏ ସମ୍ପର୍କରେ କିଛି ଜଣାଇ ନ ଥିଲା ବୋଲି ହ୍ବାଇଟ୍ ହାଉସ୍ର ଜଣେ ବରିଷ୍ଠ ଅଧିକାରୀ କହିଛନ୍ତି।
