ତାଳଚେର, ୮।୧୦(ନି.ପ୍ର.)-ତାଳଚେର ରାଇଫଲ କ୍ଲବ୍ ପକ୍ଷରୁ ମଙ୍ଗଳବାରଠାରୁ ଆରମ୍ଭ ହୋଇଛି ୫୫ତମ ବନ୍ଧୁକ ଚାଳନା ପ୍ରତିଯୋଗିତା। ବିଧାୟକ ବ୍ରଜକିଶୋର ପ୍ରଧାନ ଆନୁଷ୍ଠାନିକ ଭାବେ ଏହାକୁ ଉଦ୍ଘାଟନ କରିଛନ୍ତି। ଉଦ୍ଘାଟନୀ ଦିବସରେ ପଏଣ୍ଟ ୨୨ ବୋର୍ ରାଇଫଲ ଷ୍ଟାଣ୍ଡିଂ, ପ୍ରୋନ୍ (୫୦ମିଟର), ୧୭୭ ଏୟାର ରାଇଫଲ, ୧୭୭ ପିପ୍ସାଇଟ ଏୟାର ରାଇଫଲ ବିଭାଗରେ ପ୍ରତିଯୋଗିତା ହେବ। ଏଥିରେ ଭାଗ ନେବାକୁ ବିଭିନ୍ନ ଜିଲାର ପ୍ରତିଯୋଗୀ ଆସି ପହଞ୍ଚତ୍ଛନ୍ତି। ଏହି ପ୍ରତିଯୋଗିତା ୧୦ ତାରିଖ ଯାଏ ଚାଲିବ। ସମ୍ପାଦକ ପ୍ରବୀର ଚନ୍ଦ୍ର ଧୀରଦେବ, ଶରତ ଦେବ, ପ୍ରମୋଦ ସାହୁଙ୍କ ସମେତ କ୍ଲବର ସମସ୍ତ ସଦସ୍ୟ ଉପସ୍ଥିତ ରହି ଖେଳ ପରିଚାଳନା କରୁଛନ୍ତି।
