କାବୁଲ,୧୯।୧୧: ଆଫଗାନିସ୍ତାନର କୁନ୍ଦୁଜ ଅଞ୍ଚଳରେ ଲୁଚି ରହିଥିବା ତାଲିବାନ ଆତଙ୍କବାଦୀ ସଂଗଠନ ବିରୋଧରେ ଯବାନଙ୍କୁ ଏକ ବଡ଼ ସଫଳତା ମିଳିଛି। କୁନ୍ଦୁଜର ଆର୍ଚି ଜିଲାରେ ତାଲିବାନର ଏକ ଠିକଣା ଉପରେ ସୋମବାର ବିଳମ୍ବିତ ରାତିରେ ଆଫଗାନିସ୍ତାନ ବାୟୁ ସେନା ପକ୍ଷରୁ ଏୟାର ଷ୍ଟ୍ରାଇକ୍ କରାଯାଇଥିଲା। ଏହି ଆକ୍ରମଣରେ ୧୪ଜଣ ତାଲିବାନ ଆତଙ୍କବାଦୀ ନିହତ ହୋଇଛନ୍ତି। ମୃତକଙ୍କ ମଧ୍ୟରେ ଜଣେ ତାଲିବାନ ଆତଙ୍କବାଦୀ କମାଣ୍ଡର ଥିବା ଜଣାପଡ଼ିଛି। ଏହି ଆତଙ୍କବାଦୀମାନେ ସରକାର ବିରୋଧୀ ଗତିବିଧିରେ ସାମିଲ ରହିଥିଲେ। ତେବେ ଆକ୍ରମଣରେ କିଛି ସରକାରୀ କୋଠା ଓ ସାର୍ବଜନିନ ସୁବିଧା କେନ୍ଦ୍ର କ୍ଷତି ହୋଇଥିବା ନେଇ ପୋଲିସ ପକ୍ଷରୁ ସୂଚନା ମିଳିଛି।
