ବ୍ରହ୍ମପୁର ଅଫିସ,୨୭ା୨ – ଭଞ୍ଜବିହାରରେ ୬ ଛାତ୍ରାବାସ ରହିଛି। ସେଗୁଡିକ ହେଲୋ ଋଷିକୁଲ୍ୟା, ବଂଶଧାରା, ନାଗାବଳୀ, ଇନ୍ଦ୍ରାବତୀ, ବାହୁଦା ଓ ଯୋଗେନ୍ଦ୍ର । ଏହା ସବୁ ଛାତ୍ରାବାସରେ ପିଲାମାନେ ନାହିଁ ନ ଥିବା ଅସୁବିଧାର ସମ୍ମୁଖୀନ ଦେଉଛନ୍ତି । ମୌଳିକ ସୁବିଧା ସେମାନଙ୍କୁ ମିଳିପାରୁ ନ ଥିବା କହିଛନ୍ତି ଅନ୍ତେବାସୀ । ସେମାନଙ୍କ କହିବା କଥା ବିଦ୍ୟୁତ୍ ଓ ପାଣି ଭଳି ଦୁଇଟି ମୁଖ୍ୟ ଆବଶ୍ୟକତା ମିଳିପାରୁ ନାହିଁ । ତା’ସହ ଗାଧୁଆ ଘର ଅବସ୍ଥା ବହୁତ ଶୋଚନୀୟ। ଛାତରୁ ପାଣି ଗଳିବା ଦ୍ୱାରା ତାହା ବ୍ୟବହାର ଉପଯୋଗୀ ହୋଇପାରୁ ନାହିଁ। ପାଣି ଟାଙ୍କି ସଫା ନ ହେବାରୁ ବ୍ୟବହାର ସମୟରେ ପୋକ ବାହାରୁଛି । ଗାଧୁଆ ଘରେ କବାଟ ନ ଥିବାରୁ ଗାଧୋଇବା ବେଳେ ଅସୁବିଧାର ସମ୍ମୁଖୀନ ହେବାକୁ ପଡୁଛି। ଲାଟ୍ରିନ୍ଗୁଡିକ ମାସମାସ ଧରି ସଫା ହେଉନାହିଁ । ଉପାୟ ନ ପାଇ ଛାତ୍ରମାନେ ବାଧ୍ୟହୋଇ ଏହାକୁ ବ୍ୟବହାର କରୁଛନ୍ତି। କେତେକ କୋଠା ଅବସ୍ଥା ଏତେ ଖରାପ ଯେ ସେଠାରେ ରହିବା ପାଇଁ ଛାତ୍ରମାନେ ସୁରକ୍ଷିତ ମଣୁନାହାନ୍ତି ା ସେଥିପାଇଁ କେତେକ ଛାତ୍ର ଅନ୍ୟ ସାଙ୍ଗମାନଙ୍କ ପାଖରେ ରହୁଛନ୍ତି ା ଅନେକ ଛାତ୍ରାବାସ ମାସ ମାସ ଧରି ସଫା ହେଉ ନ ଥିବା ଦେଖିବାକୁ ମିଳୁଛି ା ଛାତ୍ରମାନଙ୍କ କହିବା କଥା ପିଇବା ପାଇଁ ଶୁଦ୍ଧ ପାଣି ମଧ୍ୟ ମିଳେ ନାହିଁ ା ଦିନେ ଆକ୍ୱାଗାର୍ଡ଼ ଚାଲିଲେ ୧୦ ଦିନ ବନ୍ଦ ରହୁଛି। ଫଳରେ ବାହାରୁ ପାଣି ଆଣି ପିଇବାକୁ ପଡ଼ୁଛି ା
ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ପିଲାଙ୍କ ପାଇଁ ଜିମ୍ ସେଣ୍ଟର ଖୋଲିଥିଲେ। କିନ୍ତୁ ତାହା ଏବେ ଅଚଳ ହୋଇପଡ଼ିଛି ା ଅନେକ ଜାଗାରେ ଛାତଗୁଡ଼ିକ ଏପରି ଅବସ୍ଥାରେ ରହିଛି ତାହା କେଉଁ ମୁହୂର୍ତ୍ତରେ ଭୁଶୁଡ଼ିପଡ଼ିବ କହି ହେବ ନାହିଁ ା ଏ ସମ୍ପର୍କରେ ଛାତ୍ରାବାସ ୱାଡେନ୍ ପ୍ରଫେସର ଭାଗୀରଥି ପାଣିଗ୍ରାହୀଙ୍କୁ ପଚାରିବାରୁ ଛାତ୍ରାବାସ ମରାମତି କାମ ଚାଲୁ ରହିଛି । ଖୁବ୍ଶୀଘ୍ର ସମସ୍ୟାର ସାମଧାନ ହେବ ।
