ଭୁବନେଶ୍ୱର, ୨୯ା୫(ବ୍ୟୁରୋ): ଆମେରିକାର କାନାଡ଼ାସ୍ଥିତ ଭାଙ୍କୋଭରଠାରେ ହେବାକୁ ଥିବା ‘ମହିଳା ସୁରକ୍ଷା ସମ୍ମିଳନୀ’ରେ ଅଂଶଗ୍ରହଣ କରିବା ପାଇଁ ଓଡ଼ିଶାର ସୋନାକ୍ଷୀ ମଲ୍ଲ ମନୋନୀତ ହୋଇଛନ୍ତି। ଆସନ୍ତା ୩୧ରୁ ଜୁନ୍ ୬ତାରିଖ ପର୍ଯ୍ୟନ୍ତ ଏହି ସମ୍ମିଳନୀ ଅନୁଷ୍ଠିତ ହେବ। ଏଥିରେ ସୋନାକ୍ଷୀ ଭାରତରୁ ଏକମାତ୍ର ସଦସ୍ୟା ଭାବେ ପ୍ରତିନିଧିତ୍ୱ କରିବା ପାଇଁ ମନୋନୀତ ହୋଇଛନ୍ତି। କଟକ ରେଭେନ୍ସା ଜୁନିୟର ମହାବିଦ୍ୟାଳୟରେ ଅଧ୍ୟୟନରତ ସୋନାକ୍ଷୀ ହେଉଛନ୍ତି ଓଡ଼ିିଶା ରାଜ୍ୟ ଭାରତ ସ୍କାଉଟସ୍ ଏବଂ ଗାଇଡସ୍ ସଙ୍ଗଠନର ରେଞ୍ଜର (ସିନିୟର ଗାଇଡ୍)। ଏହି ପରିପ୍ରେକ୍ଷୀରେ ମଙ୍ଗଳବାର ରାଜ୍ୟ ମୁଖ୍ୟାଳୟଠାରେ ସୋନାକ୍ଷୀଙ୍କୁ ଅଭିନନ୍ଦନ ଜ୍ଞାପନ କରାଯାଇଥିଲା। ପରେ ସଚିବାଳୟରେ ଉଚ୍ଚଶିକ୍ଷା ବିଭାଗର ବରିଷ୍ଠ ଅଧିକାରୀଙ୍କୁ ସେ ଭେଟିଥିଲେ। ସେଠାରେ ମଧ୍ୟ ତାଙ୍କୁ ବିଭାଗ ତରଫରୁ ଶୁଭେଚ୍ଛା ପ୍ରଦାନ କରାଯାଇଥିଲା। ଆସନ୍ତା ୨୯ତାରିଖରେ ସୋନାକ୍ଷୀ ଆମେରିକା ଯାତ୍ରା କରିବେ।
