ଅଟୋ ଶିଳ୍ପରେ ଶୀଘ୍ର ଉନ୍ନତି ଆସିବ

ଗ୍ରାହକଙ୍କ ଚାହିଦାକୁ ଅଟୋ କମ୍ପାନୀଗୁଡିକ ସର୍ବଦା ଧ୍ୟାନରେ ରଖିଥାନ୍ତି। ବିଭିନ୍ନ କମ୍ପାନୀ ଏଥି ଲାଗି ବିଭିନ୍ନ ଯୋଜନା ସହ କାମ କରୁଛନ୍ତି। ଗ୍ରାହକଙ୍କ ନିକଟରେ ଅତି ଲୋକପ୍ରିୟ ବ୍ରାଣ୍ଡ ଭାବେ ଫୋର୍ଡର ଏକ ସ୍ବତନ୍ତ୍ର ସ୍ଥାନ ରହିଛି। ଘରୋଇ ଅଟୋଶିଳ୍ପ ବର୍ତ୍ତମାନ ମାନ୍ଦାବସ୍ଥା ଦେଇ ଗତି କରୁଥିବା ବେଳେ କମ୍ପାନୀର ସ୍ଥିତି ଏବଂ ଆଗାମୀ କାର୍ଯ୍ୟପନ୍ଥା ସମ୍ପର୍କରେ ଏହାର ସେଲ୍‌ସ ବିଭାଗ ଉପସଭାପତି ଏସ୍‌. ଲକ୍ଷ୍ମୀ ରାମ କୁମାର ଧରିତ୍ରୀକୁ ଦେଇଥିବା ସହ ସାକ୍ଷାତକାର……
-ମାନ୍ଦାବସ୍ଥା ପ୍ରଭାବରେ ସାରା ଦେଶର ଅଟୋ ଶିଳ୍ପ ପ୍ରଭାବିତ। ଏଭଳି ସ୍ଥିତି ନେଇ କଣ ମତ ରଖିବେ?
ନିଶ୍ଚିତ। ମାନ୍ଦାବସ୍ଥା ଅଟୋ ଉଦ୍ୟୋଗକୁ ବର୍ତ୍ତମାନ ପ୍ରଭାବିତ କରିଛି। ପ୍ରତି ଶିଳ୍ପରେ ବିଭିନ୍ନ ସମୟରେ ଭିନ୍ନ ଭିନ୍ନ ସ୍ଥିତି ଦେଇ ଗତି କରିବାକୁ ହୁଏ। ଏହାକୁ ସାମ୍ନା କରିବାକୁ ହେବ। ଭାରତ ବଜାରର ମୌଳିକ ଢାଞ୍ଚା ବହୁତ ଶକ୍ତିଶାଳୀ। ବଜାର ଉପରେ ଆମର ଭରଷା ଦୃଢ ରହିଛି। ବର୍ତ୍ତମାନର ମାନ୍ଦାବସ୍ଥା କ୍ଷୟସ୍ଥାୟୀ। ଚାହିଦା ଶୀଘ୍ର ବଢିବ। ଶୀଘ୍ର ଶିଳ୍ପରେ ଉନ୍ନତି ଆସିବ ବୋଲି ଆଶାବାଦୀ।
– ଘରୋଇ ବଜାରକୁ ନେଇ ଫୋର୍ଡର ଯୋଜନା ସମ୍ପର୍କରେ କିଛି କହିବେ?
ଭାରତ ବଜାର ଫୋର୍ଡ ଲାଗି ଏକ ଗୁରୁତ୍ୱପୂର୍ଣ୍ଣ ବଜାର। ଏଠାରେ କମ୍ପାନୀ ବୃହତ୍ତ ପରିମାଣର ନିବେଶ କରିଛି। ଚେନ୍ନାଇ ଏବଂ ସାନନ୍ଦଠାରେ ୨ ପ୍ଲାଣ୍ଟରୁ ବର୍ତ୍ତମାନ ଯାନ ଉତ୍ପାଦନ ହେଉଥିବା ବେଳେ ଘରୋଇ ବଜାର ସମେତ ୬୫ରୁ ଅଧିକ ଦେଶକୁ ରପ୍ତାନି କରୁଛୁ। ସାରା ଦେଶରେ ୨୯୨ ସହରରେ ୫୪୧ ଟଚ୍‌ ପଏଣ୍ଟ, ୧୭୪ ଡିଲର ପ୍ରିନ୍ସପାଲ ଏବଂ ୩୬୭ ଶୋ’ରୁମ ଦ୍ୱାରା ପ୍ରଡକ୍ଟ ଏବଂ ସେବା ଯୋଗାଇ ଦେଉଛୁ।
– ଓଡିଶା ବଜାରକୁ କିଭଳି ଦେଖୁଛନ୍ତି। ଏଠାରେ କିଛି ନୂଆ ସମ୍ପ୍ରସାରଣ ଯୋଜନା ରଖିଛନ୍ତି କି?
– ଓଡିଶା ଆମ ପାଇଁ ଏକ ପ୍ରମୁଖ ଅଭିବୃଦ୍ଧିଶୀଳ ବଜାର ରହି ଆସିଛି। ବର୍ତ୍ତମାନ ଏଠାରେ ସହରଗୁଡିକର କଳେବର ବଢି ଚାଲିଛି। ଲୋକଙ୍କର ମୋବିଲିଟି ଚାହିଦା ମଧ୍ୟ ବଦଳିଛି। ନୂଆ ନୂଆ ଶୋ’ରୁମର ଆବଶ୍ୟକତା ଉପଲବ୍ଧି କରି ଆଗକୁ ବଢୁଛୁ। ସମ୍ପ୍ରସାରଣ ଦିଗରେ ଯଥା ସମ୍ଭବ ପଦକ୍ଷେପ ନିଆଯାଉଛି। ଓଡ଼ିଶାରେ ମୋଟ ୭ ଆଉଟଲେଟ୍‌ ରହିଛି। ଏଗୁଡିକ ମଧ୍ୟରେ ରାଉରକେଲା, ବାଲେଶ୍ୱର, କଟକ, ଭୁବନେଶ୍ୱର, ବଲାଙ୍ଗୀର ଏବଂ ଅନୁଗୋଳ ଭଳି ସ୍ଥାନ ସାମିଲ ରହିଛି।
– ପରିବର୍ତ୍ତିତ ବଜାର ସ୍ଥିତିକୁ ନେଇ କମ୍ପାନୀ ନିଜକୁ କିଭଳି ପ୍ରସ୍ତୁତ କରୁଛି?
– ପରିବର୍ତ୍ତିତ ସ୍ଥିତିରେ ସବୁ ବେଳେ ଗ୍ରାହକଙ୍କ ଚାହିଦାକୁ ଧ୍ୟାନରେ ରଖିଛୁ। ୟୁଟିଲିଟି ଭେଇକିଲ ବିକ୍ରି ବଢିବାର ଅନେକ ସମ୍ଭାବନା ରହିଛି। ଭାରତୀୟ ଗ୍ରାହକଙ୍କ ଧ୍ୟାନରେ ରଖି ପ୍ରଡକ୍ଟ ଡିଜାଇନ ହେଉଛି। ସର୍ବୋତ୍ତମ ପ୍ରଡକ୍ଟ ପ୍ରଦାନ ଦିଗରେ ଉଦ୍ୟମ ଜାରି ରଖିଛୁ। ଅନ୍ୟ କମ୍ପାନୀ ତୁଳନାରେ ଆମର ଏଣ୍ଟ୍ରିଲେଭଲ ଭାରିଆଣ୍ଟଗୁଡିକରେ ଏବିଏସ୍‌, ଏବିଡି, ଏୟାରବ୍ୟାଗ ଭଳି ଅତ୍ୟାଧୁନିକ ଫିଚର ପ୍ରଦାନ କରୁଛୁ। ନୂଆ ଟେକ୍ନୋଲୋଜିକୁ ଅଗ୍ରାଧିକାର ଦିଆଯାଉଛି। ଏହାବାଦ ପାଓ୍ବାର ଏବଂ ମାଇଲେଜର ମିଶ୍ରଣକୁ ଫୋର୍ଡ ପ୍ରାଥମିକତା ଦେଉଛି। ଏହାବାଦ ନଏଜ କ୍ୟାନସଲେଶନ, ଇଣ୍ଡଷ୍ଟ୍ରି ଫାଷ୍ଟ ଫିଚରକୁ ମଧ୍ୟ ସାମିଲ କରାଯାଇଛି। ଏଣ୍ଟ୍ରିଲେଭଲ ଫିଗୋ, କମ୍ପାକ୍ଟ ୟୁଟିଲିଟି ଯାନ ଫ୍ରି ଷ୍ଟାଇଲ, କମ୍ପାକ୍ଟ ସେଡାନ ଆସ୍ପାୟାର, ଏଣ୍ଡେଭର ଏବଂ ମଷ୍ଟାଙ୍ଗ ଭଳି ପ୍ରିମିୟମ କାର ସହ ଗ୍ରାହକଙ୍କୁ ସମ୍ପୂର୍ଣ୍ଣ ରେଞ୍ଜରେ ପ୍ରଡକ୍ଟ ପ୍ରଦାନ କରୁଛୁ। ଆମେ ଶୀଘ୍ର ଆମର ସବୁ କାରକୁ ଷ୍ଟେଜ ୬ ମାନକ ଇଞ୍ଜିନ ସହ ଆଣିବା ନେଇ ପ୍ରସ୍ତୁତ ରହିଛୁ।
– ମହିନ୍ଦ୍ରା ସହ ଫୋର୍ଡ ସହଭାଗିତା ସମ୍ପର୍କରେ କହିବେ?
– ମହିନ୍ଦ୍ରା ସହ ମିଳିତ ହୋଇ ଆଗାମି ଦିନରେ ସି- ଏସ୍‌ୟୁଭି ଆଣିବୁ। ଏହା ମଧ୍ୟମ ବର୍ଗରେ ଆସିବ। ଏହାବାଦ ମିଳିତ ହୋଇ ଇ-ଯାନ, କମ୍ପାକ୍ଟ କାର୍‌, ପାଓ୍ବାରଟ୍ରେନ କନେକ୍ଟେଡ କାର୍‌ ଆଣିବା ଦିଗରେ ଯୋଜନା ରହିଛି। ଇ-ଯାନ କ୍ଷେତ୍ରରେ ସମ୍ଭାବନା ଥିବାରୁ ଆଗକୁ ଏ କ୍ଷେତ୍ରରେ କାମ କରିବାର ଯୋଜନା ରହିଛି।


Enter your email to get our daily news in your inbox.

All Right Reserved By Dharitri.Com

ଅର୍ଥ ବ୍ୟବସ୍ଥା ଲାଗି ଆଂଶିକ ଲକ୍‌ଡାଉନ ଯୋଜନା

ନୂଆଦିଲ୍ଲୀ,୧୬ା୪: ଲକ୍‌ଡାଉନ ପାଇଁ ବନ୍ଦ ପଡିଥିବା ଅର୍ଥ ବ୍ୟବସ୍ଥାକୁୁ ଗତିଶୀଳ କରାଇବା ଲାଗି ସରକାର ଆଶିଂକ ଲକ୍‌ଡାଉନ ନେଇ ଯୋଜନା ରଖିଛନ୍ତି। ବର୍ତ୍ତମାନ ସୂଚନା ଏବଂ...

୧୩୭୫ ପଏଣ୍ଟ ଖସିଲା ସେନ୍‌ସେକ୍ସ

  ମୁମ୍ବାଇ,୩୧। ୩: ବମ୍ବେ ଷ୍ଟକ୍‌ ଏକ୍ସଚେଞ୍ଜର ସେନ୍‌ସେକ୍ସ ସୋମବାର ୧୩୭୫ ପଏଣ୍ଟ ଖସିଛି। କରୋନା ଯୋଗୁ ବଜାର ସ୍ଥିତି ଏବେ ଠିକ୍‌ ନ ଥିବାରୁ...

୨୭୦କର୍ମଚାରୀଙ୍କୁ ଛଟେଇ କଲା ବୁକ୍‌ ମାଇଁ ସୋ

ମୁମ୍ବାଇ,୨୯।୫: ଦେଶର ଅଗ୍ରଣୀ ଅନଲାଇନ ଟିକେଟ ବୁକିଂ ପ୍ଲାଟଫର୍ମ ବୁକ୍‌ ମାଇଁ ସୋ ତା’ର ୨୭୦ ନିୟମିତ କର୍ମଚାରୀଙ୍କୁ ଛଟେଇ କରିଛି। କରୋନା ମହାମାରୀ କାରଣରୁ...

୫୦% ଭତ୍ତା କାଟିବ ଏୟାର ଇଣ୍ଡିଆ

ନୂଆଦିଲ୍ଳୀ,୨୪।୭: ଅନ୍ୟ ବିମାନ କମ୍ପାନୀଙ୍କ ଭଳି ରାଷ୍ଟ୍ରାୟତ୍ତ ଏୟାର ଇଣ୍ଡିଆ ଏହାର କର୍ମଚାରୀଙ୍କୁ ଛଟେଇ କରିବ ନାହିଁ। କମ୍ପାନୀ ପକ୍ଷରୁ ଗୁରୁବାର ଏ ନେଇ ସ୍ପଷ୍ଟ...

ଆମେରିକାରୁ ଆମଦାନୀ ହେବ ବାର୍ଷିକ ୫୦ ଲକ୍ଷ ଟନ ଏଲ୍‌ଏନ୍‌ଜି

ହ୍ୟୁଷ୍ଟନ,୨୩-୯: ଆମେରିକାର ପ୍ରାକୃତିକ ଗ୍ୟାସ୍‌ ଯୋଗାଣକାରୀ କମ୍ପାନୀ ଟେଲ୍ୟୁରିୟନ ଇଙ୍କ୍‌ ଓ ଭାରତର ପେଟ୍ରୋନେଟ୍‌ ଏଲ୍‌ଏନ୍‌ଜି କମ୍ପାନୀ ଲିମିଟେଡ ମଧ୍ୟରେ ରବିବାର ଏକ ମେମୋରାଣ୍ଡମ ଅଫ୍‌...

ସାମ୍‌ସଙ୍ଗ୍‌ର ଷ୍ଟାର ସ୍କଲାରଶିପ ଘୋଷଣା

ଭୁବନେଶ୍ୱର : ସାମ୍‌ସଙ୍ଗ୍‌ ଷ୍ଟାର ସ୍କଲାର କାର୍ଯ୍ୟକ୍ରମ ଅନ୍ତର୍ଗତ ସାମ୍‌ସଙ୍ଗ୍‌ ପକ୍ଷରୁ ଇଣ୍ଡିଆନ ଇନ୍‌ଷ୍ଟିଚ୍ୟୁଟ ଅଫ୍‌ ଟେକ୍ନୋଲୋଜି ଓ ନ୍ୟାଶନାଲ ଇନ୍‌ଷ୍ଟିଚ୍ୟୁଟ ଅଫ୍‌ ଟେକ୍ନୋଲୋଜିର ୫୧୭...

ଡିଭିଜ ଲ୍ୟାବ୍‌ ଅଧ୍ୟକ୍ଷଙ୍କୁ ସର୍ବାଧିକ ବେତନ; ଭାରତୀୟ ଔଷଧ ଶିଳ୍ପରେ ସର୍ବାଧିକ

ହାଇଦ୍ରାବାଦ,୧୨-୮: ଡିଭିଜ ଲ୍ୟାବ୍‌ରେଟୋରିଜ ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ(ସିଏମ୍‌ଡି) ମୁରଲୀ କେ.ଡିଭିଙ୍କୁ ୨୦୧୮-୧୯ରେ ବେତନ ଓ କମିଶନ ବାବଦରେ ମୋଟ ୫୮.୮୦ ଟଙ୍କା ପ୍ରଦାନ କରାଯାଇଛି।...

ପାର୍ଲାମେଣ୍ଟରେ ଆଗତ ହୋଇଛି ବିଲ୍‌;ଓଭରଟାଇମ୍‌ ପାଇଁ ଲିଖିତ ଅନୁମତି ଆବଶ୍ୟକ

ନୂଆଦିଲ୍ଲୀ,୩୦-୭: ମୋଦି ସରକାରଙ୍କ ପ୍ରସ୍ତାବ ଲାଗୁ ହେଲେ ସମସ୍ତ କମ୍ପାନୀ ଓ ପ୍ରତିଷ୍ଠାନର କର୍ମଚାରୀଙ୍କ ଉପରେ ନିଯୁକ୍ତିଦାତା ଆଉ ହାକିମାତି ଦେଖାଇପାରିବେ ନାହିଁ। କାମ ଶେଷ...

Advertisement


Archives

Model This Week