ଭୁବନେଶ୍ୱର,୨୦।୨(ବ୍ୟୁରୋ): ଭୁବନେଶ୍ୱର ମହାନଗର ନିଗମ(ବିଏମ୍ସି) ପ୍ଲାନର ଉଲ୍ଲଂଘନ କରିବାକୁ ନେଇ ଗୁରୁବାର ପଟିଆସ୍ଥିତ ବିଗ୍ ବଜାର ବିଲ୍ଡିଂକୁ ସିଲ୍ କରାଯାଇଛି। ବିଏମ୍ସି କମିଶନର ଓ ବରିଷ୍ଠ ଅଧିକାରୀଙ୍କ ଉପସ୍ଥିତିରେ ଏହି ଶପିଂ ମଲ୍ ଥିବା ବିଲ୍ଡିଂ ସିଲ୍ ହୋଇଛି। ତେବେ ମଲ୍ ଚାଲିଥିବା ବିଲ୍ଡିଂରେ ପରିମଳ, ଅଗ୍ନି ନିର୍ବାପନ ବ୍ୟବସ୍ଥା ନ ଥିବା ଓ ପାର୍କି ସମସ୍ୟା ଉପୁଜୁଥିବା ଅଭିଯୋଗ ହୋଇଥିଲା। ପରେ ବିଏମ୍ସି ଅଧିକାରୀମାନେ ସେଠାରେ ପହଞ୍ଚି ମୋବାଇଲ୍ କୋର୍ଟ ଜରିଆରେ ବିଲ୍ଡିଂ ସିଲ୍ କରିବାକୁ ନିଷ୍ପତ୍ତି ନେଇଛନ୍ତି। ବିଲ୍ଡିର ମାଲିକ ଜିତେନ୍ଦ୍ର ପ୍ରସାଦ ସିଂଙ୍କ ନାମରେ ନୋଟିସ ଜାରି କରାଯାଇଛି। ଅପରପକ୍ଷେ ଉକ୍ତ ବିଲ୍ଡିଂରେ ଥିବା ପାର୍କି ସ୍ଥଳକୁ ଗୋଦାମ ଭାବେ ବ୍ୟବହାର କରାଯାଉଥିଲା। ଏପରିକି ସେଠାରେ ଅଗ୍ନି ନିର୍ବାପକ ବ୍ୟବସ୍ଥା ନ ଥିବା ଜଣାପଡ଼ିଥିଲା। ଏସବୁ ଜଣାପଡ଼ିବା ପରେ ଅଧିକାରୀମାନେ ତାକୁ ସିଲ୍ କରିଥିବା ଜଣାପଡ଼ିଛି।
