ପୁଣେ,୮।୧୨: ଦେଶରେ ମହିଳାଙ୍କ ଉପରେ ଅପରାଧ ବୃଦ୍ଧି ପାଉଥିବା ନେଇ ଉପରାଷ୍ଟ୍ରପତି ଭେଙ୍କିୟା ନାଇଡୁ କ୍ଷୋଭ ପ୍ରକାଶ କରିଛନ୍ତି। ଲୋକଙ୍କ ମଧ୍ୟରେ ସଚେତନତା ଦ୍ୱାରା ହିଁ ଏଭଳି ଆପରାଧୀକ ଘଟଣାର ଅନ୍ତ ଘଟିବ ବୋଲି ପୁଣେଠାରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗଦେଇ ସେ କହିଛନ୍ତି। ଭାରତୀୟ ସମାଜରେ ମହିଳାଙ୍କ ସ୍ଥାନ ଉଚ୍ଚରେ ରହିଥାଏ। ଜଣେ ମହିଳା ମା, ଭଉଣୀ ଆଦି ବିଭିନ୍ନ ରୂପରେ ପୂଜନୀୟା। ଏହା ଭାରତୀୟ ସଂସ୍କୃୃତିର ମୂଳ ଉତ୍ସ। ମାତ୍ର ସମାଜରେ ମହିଳାଙ୍କ ଉପରେ ଅତ୍ୟାଚାର କରାଯିବା ଅତ୍ୟନ୍ତ ଦୁଃଖର ବିଷୟ। ସ୍କୁଲ କଲେଜ ଏବଂ ବିଶ୍ୱବିଦ୍ୟାଳୟରେ ଶିକ୍ଷାଦାନରେ ଭାରତୀୟ ସଂସ୍କୃତି ଏବଂ ମହିଳାଙ୍କ ପ୍ରତି ସମ୍ମାନ ପ୍ରଦର୍ଶନ ସମ୍ପର୍କରେ ସଚେତନା ବାର୍ତ୍ତା ଦିଆଗଲେ ଏହା ଶିକ୍ଷାର୍ଥୀଙ୍କ ମଧ୍ୟରେ ନୂଆ ଚେନତା ଜାଗ୍ରତ କରିବ। ପରବର୍ତ୍ତୀ ସମୟରେ ଏହି ବାର୍ତ୍ତା ସମାଜରେ ପରିବ୍ୟାପ୍ତ ହେବ। ଏହାଦ୍ୱାରା ମହିଳାଙ୍କ ଉପରେ ହେଉଥିବା ନିର୍ଯାତନାର ଅନ୍ତ ଘଟିବ ବୋଲି ସେ କହିଛନ୍ତି।
