ଚେନ୍ନାଇ,୨୪।୧୨: ତାମିଲନାଡୁର ଡିଏମ୍କେ ମୁଖ୍ୟ ଏମ୍କେ ଷ୍ଟାଲିନ ଓ ଅନ୍ୟ ୮ ହଜାର ବ୍ୟକ୍ତିଙ୍କ ନାଁରେ ମାମଲା ରୁଜୁ ହୋଇଥିବା ଜଣାପଡିଛି। ସୂଚନାଯୋଗ୍ୟ, ସୋମବାର ପୋଲିସର ବିନା ଅନୁମତିରେ ଷ୍ଟାଲିନ ଓ ତାଙ୍କ କର୍ମୀମାନେ ନାଗରିକତ୍ୱ ସଂଶୋଧନ ଆଇନ(ସିଏଏ)କୁ ନେଇ ବିରୋଧ ପ୍ରଦର୍ଶନ କରିବା ସହ ଏକ ରାଲିର ଆୟୋଜନ କରିଥିଲେ। ପୋଲିସର ଅନୁମତି ନ ନେଇଥିବାରୁ ଏବେ ଏମାନଙ୍କ ନାଁରେ ଅଭିଯୋଗ ଆସିଥିବା ଜଣାପଡିଛି। ଏବେ ଦେଶରେ ସିଏଏର ତାତି ଥମି ନ ଥିବା ବେଳେ ଅଧିକାଂଶ ଲୋକ ଏହାକୁ ନେଇ ବିରୋଧ ପ୍ରଦର୍ଶନ କରିବା ସହ ଏବେ ଏହାକୁ ନେଇ ରାଜନୀତି ମଧ୍ୟ ଆରମ୍ଭ ହୋଇଯାଇଛି। କିନ୍ତୁ କେତେକ ସ୍ଥଳେ ଏହାକୁ ସପୋର୍ଟ ମଧ୍ୟ କରାଯାଉଛି।
