ଜଗତ୍ସିଂହପୁର ଅଫିସ୍/ତିର୍ତ୍ତୋଲ,୨୦ା(ଡି.ଏନ.ଏ.): କନକପୁରସ୍ଥିତ ମା’ଶାରଳା ମନ୍ଦିରରେ ରବିବାର ଏକ ଅଭାବନୀୟ ଘଟଣା ଘଟିଛି। କନକପୁର ଦେଉଳୀ ଗ୍ରାମର ତ୍ରିଲୋଚନ ରାଉଳ(ଗୁଲା)ନାମକ ସେବାୟତଙ୍କୁ ୩ଜଣ ମରଣାନ୍ତକ ଆକ୍ରମଣ କରିଛନ୍ତି। ସେମାନେ ହେଲେ ତିର୍ତ୍ତୋଲ ଥାନା ଓକଲାର ସୁଶାନ୍ତ ରାଉଳ, କନକପୁର ଶାସନର ପ୍ରଶାନ୍ତ ରାଉଳ ଓ କୁଟିଲୋ ଗ୍ରାମ ଦୟାନ୍ଦପୁରର ରାକେଶ ନାୟକ (ଶଙ୍କରା)। ସୌଭାଗ୍ୟ ତ୍ରିଲୋଚନ ଜୀବନ ବିକଳରେ ଧାଇଁ ଯାଇ କନକପୁର ଫାଣ୍ଡିରେ ପହଞ୍ଚତ୍ ଯିବାରୁ ଅଳ୍ପକେ ବର୍ତ୍ତି ଯାଇଛନ୍ତି। ଏହାପରେ ତାଙ୍କୁ ମଣିଜଙ୍ଗା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ନିଆଯାଇଥିଲା। ସେଠାରେ ତାଙ୍କ ମୁଣ୍ଡରେ ୬ଟି ଷ୍ଟିଚ୍ ପଡ଼ିବା ସହ ଚିକିତ୍ସା କରାଯାଇଥିଲା। ଏନେଇ ତ୍ରିଲୋଚନ ଥାନାରେ ଅଭିଯୋଗ କରିଛନ୍ତି। ପୋଲିସ ଦଫା ୩୪୧/୩୨୩/୩୨୪/୨୯୪/୩୨୫/୫୦୬/୩୪ ଆଇପିସିରେ ମାମଲା ସଂଖ୍ୟା ୨୨/୨୦ ରୁଜୁ କରିଛି। ଏଥିସହ ପ୍ରଶାନ୍ତ ଗିରଫ ହୋଇଥିବା ଆଇଆଇସି କୃଷ୍ଣପ୍ରସାଦ ମିଶ୍ର କହିଛନ୍ତି।
ପୋଲିସ ସୂଚନା ଅନୁଯାୟୀ, ରବିବାର ଅପରାହ୍ନ ପାୟ ୫ଟା୨୦ରେ ଶୌଚ ହେବା ପାଇଁ ତ୍ରିଲୋଚନ ମନ୍ଦିର ପରିସର ଭୋଗ ଦୋକାନ ପଛ ପଟକୁ ଯାଇଥିଲେ। ଏହି ସମୟରେ ସୁଶାନ୍ତ, ପ୍ରଶାନ୍ତ ଓ ରାକେଶ ମିଳିତଭାବେ ତାଙ୍କ ନିକଟରେ ପହଞ୍ଚତ୍ ଗାଳିଗୁଲଜ କରିବା ସହ ଆକ୍ରମଣ କରିଥିଲେ। ସୁଶାନ୍ତଙ୍କ ହାତରେ ଏକ ଭୁଜାଲି, ପ୍ରଶାନ୍ତଙ୍କ ହାତରେ ବଟକରା ଓ ରାକେଶଙ୍କ ହାତରେ ଏକ ଠେଙ୍ଗା ଥିଲା। ତିନିହେଁ ଗାଳିଗୁଲଜ କରିବା ସହ ଜୁଆ ଖେଳୁଥିବା କଥା ପୋଲିସକୁ କହିଥିବାରୁ ପରିଣତି କ’ଣ ହେଉଛି ଦେଖ୍ ବୋଲି କହିଥିଲେ। ପ୍ରଥମେ ସୁଶାନ୍ତ ଭୂଜାଲିରେ ତ୍ରିଲୋଚନଙ୍କ ମୁଣ୍ଡକୁ ଏକ ଚୋଟ ମାରିଥିଲେ। ଏହି ସମୟରେ ତ୍ରିଲୋଚନ ତଳେ ପଡି ଚିତ୍କାର କରିବା ସହ ଛଟ ଛଟ ହେଉଥିବା ବେଳେ ଅନ୍ୟ ୨ ସହଯୋଗୀ ବଟକରା ଓ ଠେଙ୍ଗାରେ ପିଟିଥିଲେ। ତ୍ରିଲୋଚନ ରକ୍ତ ଜୁଡୁବୁଡୁ ଅବସ୍ଥାରେ ଜୀବନ ବିକଳରେ ନିକଟସ୍ଥ ଫାଣ୍ଡିକୁ ଧାଇଁଥିଲେ। ଏହି ଖବର ତ୍ରିଲୋଚନଙ୍କ ବଡ ଭାଇ ନିରଞ୍ଜନ ପାଇ ସେଠାରେ ପହଞ୍ଚତ୍ଥିଲେ ସୁଦ୍ଧା ଅଭିଯୁକ୍ତମାନେ ତାଙ୍କୁ ମଧ୍ୟ ଛାଡି ନ ଥିଲେ। କିନ୍ତୁ ଉପସ୍ଥିତ ଫାଣ୍ଡି ଅଧିକାରୀଙ୍କ ଯୋଗୁ ଉଭୟ ତ୍ରିଲୋଚନ ଓ ତାଙ୍କ ଭାଇ ସମ୍ଭାବ୍ୟ ପରିସ୍ଥିତିରୁ ମୁକୁଳି ଯାଇଥିଲେ। ସୂଚନାଯୋଗ୍ୟ, ମନ୍ଦିର ପରିସରରେ ଭୋଗ ଦୋକାନ କରିଥିବା ରମେଶ ରାଉଳଙ୍କ ସମେତ ପ୍ରଶାନ୍ତ ଓ ସୁଶାନ୍ତ କିଛି ଦିନ ପୂର୍ବରୁ ଶାରଳା ହାଟରେ ଜୁଆ ଖେଳୁଥିବା ବେଳେ ତିର୍ତ୍ତୋଲ ପୋଲିସ ଦ୍ୱାରା ଗିରଫ ହୋଇଥିଲେ। ତ୍ରିଲୋଚନ ପୋଲିସକୁ ଖବର କରି ସେମାନଙ୍କୁ ଧରାଇ ଦେଇଥିବା ସନ୍ଦେହ କରି ଅଭିଯୁକ୍ତମାନେ ଏଭଳି ଘଟାଇଥିବା କୁହାଯାଇଛି।
