ନୂଆଦିଲ୍ଲୀ,୧୯-୯: ଅର୍ଥନୀତିରୁ ମାନ୍ଦାବସ୍ଥାକୁ ଦୂରେଇ ଦେବା ଲକ୍ଷ୍ୟରେ ପାର୍ବଣ ଋତୁ ଆରମ୍ଭରୁ ସରକାର ଟିଭି ବିକ୍ରି ବଢ଼ାଇବା ଯୋଜନା କରିଛନ୍ତି। ଘରୋଇ ଓ ବିନିର୍ମାଣ କ୍ଷେତ୍ରକୁ ପ୍ରୋତ୍ସାହିତ କରିବା ଲକ୍ଷ୍ୟ ଓପନ ସେଲ୍ ଟିଭି ପ୍ୟାନେଲ ଉପରେ ଲାଗୁଥିବା ୫% ଆମଦାନୀ ଶୁଳ୍କକୁ ସରକାର ପ୍ରତ୍ୟାହାର କରିଛନ୍ତି। ସରକାରଙ୍କ ଏହି ଘୋଷଣା ପରେ ଟିଭି ପ୍ୟାନେଲ ମୂଲ୍ୟ ପ୍ରାୟ ୩% କମିବ। ଉଲ୍ଲେଖଥାଉ କି, ୬୦ରୁ ୬୫ ପର୍ଯ୍ୟନ୍ତ ଟିଭି ଦେଶରେ ନିର୍ମାଣ କରାଯାଉଛି। ଟିଭି ନିର୍ମାଣରେ ସବୁଠାରୁ ଗୁରୁତ୍ୱପୂର୍ଣ୍ଣ ଯନ୍ତ୍ରାଂଶ ହୋଇଥାଏ ଟିଭି ପ୍ୟାନେଲ। ଏହା ଟିଭିର ଉତ୍ପାଦନ ମୂଲ୍ୟର ୬୫ରୁ ୭୦ ପ୍ରତିଶତ ହୋଇଥାଏ। ଏଥିଯୋଗୁ ଏବେ ଗ୍ରାହକଙ୍କୁ ଶସ୍ତାରେ ଏଲ୍ଇଡି/ଏଲ୍ସିଡି ଟିଭି ମିଳିବ। ୩୨ ଇଞ୍ଚ ପର୍ଯ୍ୟନ୍ତ ଟିଭି ଉପରେ ୧୮% ଜିଏସ୍ଟି ଆଦାୟ କରାଯାଉଛି। ଏହାଠାରୁ ବଡ଼ ହୋଇଥିଲେ ୨୮% ଜିଏସ୍ଟି ଦେବାକୁ ପଡିଥାଏ।
