ଯାଁଳା,୩ା୧(ଡି.ଏନ.ଏ.): ରାଜଧାନୀ ଉପକଣ୍ଠ ଜଟଣୀ ବ୍ଲକ ୧୬ ନଂ. ଜାତୀୟ ରାଚପଥ କଡ ଯାଁଳା ଗାଁର ଶ୍ରୀରାଧାମାଧବ କ୍ଲବ ଖେଳପଡିଆରୁ କ୍ଲବର ପିଲାମାନଙ୍କ ଦ୍ୱାରା ଏକ ଗାଡ ଭାଲୁ ଗୁରୁବାର ରାତିରେ ଉଦ୍ଧାର ହୋଇଛି। ରାତି ୮ଟାରେ କ୍ଲବର ଖେଳପଡିଆ ନିକଟସ୍ଥ ନଳକୂପକୁ ପାଣି ଆଣିବାକୁ କ୍ଲବର ଜଣେ ପିଲା ଯାଇଥିଲେ। ସେଠାରେ ଜମା ହୋଇଥିବା ପାଣିକୁ ୨ଟି ଜୀବ ପିଉଥିବା ଦେଖି କ୍ଲବର ପିଲାକୁ ଡାକିଥିଲେ। ପିଲାମାନେ ପହଞ୍ଚତ୍ ପାଟି କରିବାରୁ ଜୀବଟି ପଳାଇ ଯାଉଥିଲା। ଛୁଆଟିକୁ କ୍ଲବର ପିଲାମାନେ ପିନ୍ଧିଥିବା ଜ୍ୟାକେଟ ସାହାର୍ଯ୍ୟରେ ଧରିଥିଲେ। ପରେ ଖୋର୍ଦ୍ଧା ବନ ବିଭାଗ କର୍ମଚାରୀଙ୍କୁ ଡାକି ହସ୍ତାନ୍ତର କରିଥିଲେ। ଖୋର୍ଦ୍ଧା ବନ ବିଭାଗ ରେଞ୍ଜର ଉତ୍ତମ ଗଡନାୟକଙ୍କୁ ଏ ସମ୍ପର୍କରେ ପଚାରିବାରୁ ଏହା ଏକ ଗାଡ ଭାଲୁ (ହନି ବାଡଜର) ବୋଲି କହିଥିଲେ। ଉଦ୍ଧାର ଗାଡ ଭାଲୁର ଓଜନ ପ୍ରାୟ ୫ କିଲୋ ହୋଇଥିବା ବେଳେ ଲମ୍ବା ୨.୫ ଫୁଟ ଓ ଉଚ୍ଚତା ୧ ଫୁଟରୁ ଊର୍ଦ୍ଧ୍ୱ ବୋଲି ଅନୁମାନ କରାଯାଉଛି।
