ବାହାନଗା,୧୨ା୯(ଡି.ଏନ.ଏ.)-ବାହାନଗା ବ୍ଲକ କୁଚିଆକୋଇଲି ଗ୍ରାମରେ ବୁଧବାର ଅପରାହ୍ନରେ ଚୋରା ମଦ କାରବାର ବିରୋଧରେ ମହିଳାମାନେ ଅଣ୍ଟା ଭିଡିଛନ୍ତି। ମହିଳାମାନେ ଏକ ସଚେତନତା ଶୋଭାଯାତ୍ରାରେ ବାହାରି ମଦ କାରବାର ରୋକିବା ଲାଗି ଦାବି କରିଛନ୍ତି।
ମହିଳାମାନେ ଅଭିଯୋଗ କରିଛନ୍ତି ଯେ, ଗ୍ରାମରେ ଚୋରାରେ ଦେଶୀ ମଦ ବିକ୍ରି ହେଉଥିବାରୁ ବହୁ ବେକାରୀ ଯୁବକ ଦୈନିକ ସନ୍ଧ୍ୟାରେ ମଦ୍ୟପାନ କରି ବିଶୃଙ୍ଖଳା ସୃଷ୍ଟି କରୁଛନ୍ତି। ଗ୍ରାମର ମା’ ମଙ୍ଗଳା ଏସ୍ଏଚ୍ଜି, ରଘୁନାଥ ଜିୟୁ ଏସ୍ଏଚ୍ଜି, ଗୁରୁକୃପା ଏସ୍ଏଚ୍ଜିର ସଦସ୍ୟା ସମେତ ଗ୍ରାମର ଯୁବକ ସଂଘ ଓ ଗ୍ରାମବାସୀ ଶୋଭାଯାତ୍ରାରେ ସାମିଲ ହୋଇଥିଲେ। ଏହି ଶୋଭାଯାତ୍ରା ଗ୍ରାମର ୩ ନମ୍ବର, ୨ ନମ୍ବର ୱାର୍ଡର ମଙ୍ଗଳା ବଗିଚା ଛକଠାରୁ ବାହାରି ମହାଳିକ ସାହି, ଯେନା ସାହି ଆଦି ଅଞ୍ଚଳ ପର୍ଯ୍ୟନ୍ତ ଯାଇ ଲୋକଙ୍କୁ ସଚେତନ କରାଯାଇଥିଲା। ଏହି ଶୋଭାଯାତ୍ରାରେ ଗ୍ରାମର ସ୍ନେହଲତା ରାଉତ, ଅନିତା ଉପାଧ୍ୟାୟ, ଶୁଷମା ଉପାଧ୍ୟାୟ, ଊର୍ମିଳା ମହାଳିକ, ସାବିତ୍ରୀ ରାଉତ, ଜୟନ୍ତୀ ବେହେରା, ଶ୍ରୀଧର ରାଉଳ, କମଳାକାନ୍ତ ବେହେରା, ମୁକ୍ତିକାନ୍ତ ବେହେରା, ସୁଦାମ ମହାଳିକ, ମନୋରଞ୍ଜନ ଉପାଧ୍ୟାୟ ପ୍ରମୁଖ ୫୦ରୁ ଊର୍ଦ୍ଧ୍ୱ ମହିଳା ଓ ପୁରୁଷ ସାମିଲ ଥିଲେ।
