ମୁମ୍ବାଇ: ପ୍ରଥମେ ବନ୍ଧୁତା ତା’ ପରେ ପ୍ରେମ, ଆଉ ଏବେ ବିବାହ। ଏଭଳି କିଛି ଘଟିଛି ଟେଲି ଅଭିନେତ୍ରୀ ନୀତି ଟେଲରଙ୍କ ଜୀବନରେ। ଟେଲିଭିଜନ ଜଗତରେ ଜଣେ ଚୁଲବୁଲି ନାୟିକା ଭାବେ ନୀତିଙ୍କୁ ସମସ୍ତେ ଜାଣନ୍ତି। ଏବେ ସେ ହାତକୁ ଦୁଇ ହାତ ହେବାକୁ ଯାଉଛନ୍ତି। ମଙ୍ଗଳବାର ପ୍ରେମିକ ପରିକ୍ଷୀତ ବାବାଙ୍କ ସହ ନୀତିଙ୍କ ନିର୍ବନ୍ଧ ଶେଷ ହୋଇଛି। ଚଳିତ ବର୍ଷ ଶେଷ ସୁଦ୍ଧା ଉଭୟେ ବିବାହ ବନ୍ଧନରେ ଆବଦ୍ଧ ହୋଇପାରନ୍ତି ବୋଲି କୁହାଯାଉଛି।
ନୀତିଙ୍କ ଅଭିନୟ ଜୀବନକୁ ଯଦି ଦେଖାଯାଏ ତେବେ ସେ ୨୦୦୯ରେ ‘ପ୍ୟାର କା ବନ୍ଧନ’ ଧାରାବାହିକରୁ ଡେବ୍ୟୁ କରିଥିଲେ। ଏହାପରେ ତାଙ୍କୁ ‘ୟେ ହେ ଆଶିକି’, ‘ଓ୍ବେବ୍ଡ’, ‘ପ୍ୟାର ତୁନେ କ୍ୟା କିୟା’, ‘କୌସି ହେ ୟାରିୟାଁ’ ଭଳି ଶୋ’ରେ ନାୟିକା ଭାବେ ଦେଖିବାକୁ ମିଳିଛି। ନିଜର ଅଭିନୟ ଚାତୁରୀକୁ ନେଇ ତାଙ୍କର ପ୍ରଶଂସକ ମଧ୍ୟ ଅଧିକ।
