ଫିଲିପାଇନ୍ସର ବାସିନ୍ଦା ଆଲିସା ମେଣ୍ଡୋଜା ପ୍ରତିଦିନ ଭଳି ସକାଳୁ ନିଜ କାମରେ ବାହାରିଥିଲେ। ହଠାତ୍ ତାଙ୍କ ମୋବାଇଲ୍କୁ ଏକ ଇ-ମେଲ ଆସିଥିଲା। ଏହି ଇ-ମେଲଟି ତାଙ୍କ ପିତାଙ୍କଠାରୁ ଆସିଥିଲା। ଯେ କି ୧୦ ମାସ ପୂର୍ବରୁ ମୃତ୍ୟୁବରଣ କରିଥିଲେ। ଏଥିରେ ଆଶ୍ଚର୍ଯ୍ୟ ହୋଇ ଆଲିସା ପ୍ରଥମେ ଇ-ମେଲ ଖୋଲି ପଢିବା ପରେ ତାଙ୍କ ଗୋଡ ତଳୁ ମାଟି ଖସି ପଡିଲା ଭଳି ଲାଗିଥିଲା।
ଏହି ଇ-ମେଲରେ ପିତାଙ୍କ ୨୫ତମ ବିବାହ ବାର୍ଷିକୀ ପାର୍ଟି ଆୟୋଜନ କରିବାକୁ ନିର୍ଦ୍ଦେଶ ଦିଆଯାଇଛି। ୨୦୧୯ରେ କିଡନୀ ରୋଗରେ ମୃତ୍ୟୁବରଣ କରିଥିବା ପିତା ତାଙ୍କ ପତ୍ନୀଙ୍କ ପାଇଁ ୨୫ତମ ବିବାହ ବାର୍ଷିକୀରେ ଏକ ସର୍ପ୍ରାଇଜ୍ ପାର୍ଟି ରଖିବାର ଯୋଜନା କରିଥିଲେ। ବିବାହ ବାର୍ଷିକୀ ଏକ ମାସ ପୂର୍ବରୁ ଏହି ଇ-ମେଲଟିକୁ ଝିଅ ପାଖରେ ପହଞ୍ଚାଇବାକୁ ସିଡ୍ୟୁଲ୍ଡ କରିଥିଲେ ଆଲିସାଙ୍କ ପିତା। ମୋ ମାତାପିତାଙ୍କ ବିବାହ ବାର୍ଷିକୀର ତିନି ସପ୍ତାହ ପୂର୍ବରୁ, ପିତାଙ୍କଠାରୁ ଏକ ଇମେଲ ପାଇଥିଲି। ପ୍ରଥମେ, ମୁଁ ଏହାକୁ ଖୋଲିବାକୁ ଡରୁଥିଲି କାରଣ, ୧୦ମାସ ପୂର୍ବେ ଦେହାନ୍ତ ହୋଇଥିବା ବ୍ୟକ୍ତିଙ୍କଠାରୁ ଏକ ଇମେଲ ପାଇବା ଏବଂ ତାକୁ ଖୋଲିବାକୁ କିଏ ବା ଭୟ ନ କରିବ। କିନ୍ତୁ ପାଇବାର ଦୁଇ ଦିନ ପରେ ମୁଁ ଇ-ମେଲ ଖୋଲିବାକୁ ସ୍ଥିର କଲି। ସମ୍ପୂର୍ଣ୍ଣ ତାକୁ ପଢିବା ପରେ ମୋ ମା’ଙ୍କ ପ୍ରତି ଥିବା ପିତାଙ୍କ ଭଲ ପାଇବା ଦେଖି ଆଶ୍ଚର୍ଯ୍ୟ ହୋଇଯାଇଥିଲି ବୋଲି ଆଲିସା କହିଛନ୍ତି। ମୃତ୍ୟୁ ପୂର୍ବରୁ ୨୫ତମ ବିବାହ ବାର୍ଷିକୀ ପାଳନ ପାଇଁ ଯୋଜନା କରିଥିଲେ ପିତା। ଏଥିପାଇଁ ଇ-ମେଲକୁ ସିଡ୍ୟୁଲ୍ଡ କରିଥିଲେ। ଗତ ଜୁନ୍ ୧୦ ମାତାପିତା ବିିବାହ ବାର୍ଷିକୀ ଖୁବ୍ ଧୂମ୍ଧାମ୍ରେ ପାଳନ କରିଛନ୍ତି ଆାଲିସା। ପ୍ରତ୍ୟେକ ସ୍ବତନ୍ତ୍ ଦିନ ଅର୍ଥାତ୍ ମା’ଙ୍କ ଜନ୍ମଦିନ(ଅଗଷ୍ଟ ୧୦), ଭାଲେଣ୍ଟାଇନ୍ ଡେ’ରେ ତାଙ୍କୁ ପୁଷ୍ପଗୁଚ୍ଛ ଦେବାକୁ ପିତା ଇ-ମେଲରେ କହିଛନ୍ତି। ଆଲିସା ପିତାଙ୍କ ଇ-ମେଲକୁ ନିଜ ସୋସିଆଲ ମିଡିଆରେ ଶେୟାର କରିଛନ୍ତି। ଏହା ଖୁବ୍ ଭାଇରାଲ ହେବାରେ ଲାଗିଛି।
