ନୂଆଦିଲ୍ଲୀ,୬।୬: କରୋନା ପାଇଁ ଦେଶର ଅର୍ଥ ବ୍ୟବସ୍ଥା ବର୍ତ୍ତମାନ କ୍ଷତିଗ୍ରସ୍ତ ହୋଇଛି। ଏହି ମହାମାରୀ ଖାଉଟିଙ୍କ ଆତ୍ମବିଶ୍ୱାସକୁ ଦୋହଲାଇ ଦେଇଥିବା ଜଣାପଡିଛି। ଏଥିଲାଗି ଚଳିତ ଆର୍ଥତ୍କ ବର୍ଷରେ ଜିଡିପି ୧.୫% ଖସିବ ବୋଲି ରିଜର୍ଭ ବ୍ୟାଙ୍କ ପକ୍ଷରୁ ଶୁକ୍ରବାର ଜାରି କରାଯାଇଥିବା ରିପୋର୍ଟରୁ ଏହା ସାମ୍ନାକୁ ଆସିଛି।
ଖାଉଟିଙ୍କ ଆତ୍ମବିଶ୍ୱାସ ଖସିଥିବାରୁ କରେଣ୍ଟ ସିଚୁଏଶନ ଇଣ୍ଡେକ୍ସ(ସିଏସ୍ଆଇ) ରେକର୍ଡ ନିମ୍ନ ସ୍ତରରେ ରହିଛି। ସେହିଭଳି ଫ୍ୟୁଚର ଏକ୍ସପେକ୍ଟେଶନ ଇଣ୍ଡେକ୍ସ (ଏଫ୍ଇଆଇ) ଐତିହାସିକ ନିମ୍ନ ସ୍ତରକୁ ଖସିଛି। ଫଳରେ ସ୍ଥିତି ନୈରାଶ୍ୟଜନକ ରହିଥିବା ଆର୍ବିଆଇ ଏହାର କଞ୍ଜ୍ୟୁମର କନ୍ଫିଡେନ୍ସ ସର୍ଭେରେ ପ୍ରକାଶ କରିଛି। ଚଳିତ ଆର୍ଥତ୍କ ବର୍ଷ ଜିଡିପି ଖସିବ। ଆସନ୍ତା ଆର୍ଥତ୍କ ବର୍ଷ ଉନ୍ନତ ସ୍ଥିତିରେ ରହିବ ବୋଲି ରିପୋର୍ଟରେ କୁହାଯାଇଛି। ଆସନ୍ତା ଆର୍ଥତ୍କ ବର୍ଷରେ ଜିଡିପି ୭.୨% ରହିବ ବୋଲି ଆର୍ବିଆଇର ପ୍ରଫେସନାଲ ଫୋରକାଷ୍ଟରମାନେ ପୂର୍ବାନୁମାନ କରିଛନ୍ତି।
ରିୟଲ ପ୍ରାଇଭେଟ ଫାଇନାଲ କଞ୍ଜମ୍ପସନ ଏକ୍ସପେଣ୍ଡିଚର(ପିଏଫ୍ସିଇ) ୦.୫% ଖସିବା ନେଇ ଆକଳନ କରାଯାଇଛି। ଏହା ୨୦୨୦-୨୧ରେ ୬.୯% ରହିବ ବୋଲି କୁହାଯାଇଛି। ଗ୍ରସ୍ ଫିକ୍ସଡ କ୍ୟାପିଟାଲ ଇନ୍ଫରମେଶନ( ଜିଏଫ୍ସିଏଫ୍ରେ) ନକାରାତ୍ମକ ଅଭିବୃଦ୍ଧି ସହ ୬.୪% ରହିବ। ୨୦୨୧-୨୨ରେ ଏହା ୫.୬% ରହିପାରେ। ରିୟଲ ଗ୍ରସ୍ ଭାଲ୍ୟୁ ଆଡେଡ୍ ୧.୭% ଖସିବ ବୋଲି ଆକଳନ ହୋଇଛି। ୨୦୨୦-୨୧ରେ ଏହା ୬.୮% ରହିପାରେ। ଦେଶର ଆର୍ଥତ୍କ ସ୍ଥିତି, ନିଯୁକ୍ତି ଆଶା ଏବଂ ପାରିପାରିକ ଆୟକୁ ନେଇ ଲୋକଙ୍କ ମଧ୍ୟରେ ନିରାଶା ରହିଛି। ଅସୁବିଧା ସ୍ଥିତି ଲାଗି ରହିବ ବୋଲି ଲୋକମାନେ ଆଶଙ୍କା ରହିଛନ୍ତି। କେବଳ ଅତ୍ୟାବଶ୍ୟକ ଖର୍ଚ୍ଚକୁ ଛାଡି ଦେଲେ ଲୋକମାନେ ଅନ୍ୟ କୌଣସି ଖର୍ଚ୍ଚ କରୁ ନାହାନ୍ତି। ଆସନ୍ତା ବର୍ଷ ସ୍ଥିତରେ ଉନ୍ନତି ଆସିବା ନେଇ ରିପୋର୍ଟରେ ଉଲ୍ଲେଖ କରାଯାଇଛି। ଆର୍ବିଆଇର ଏହି ସର୍ଭେରେ ଅହମ୍ମଦାବାଦ, ବାଙ୍ଗାଲୋର, ଚେନ୍ନାଇ, ଦିଲ୍ଲୀ, ହାଇଦ୍ରାବାଦ, କୋଲକାତା, ଲକ୍ଷ୍ନୌ,ମୁମ୍ବାଇ, ପାଟନା ଭଳି ସହରକୁ ସାମିଲ କରାଯାଇଥିଲା।
