ନୂଆଦିଲ୍ଲୀ,୨୪।୧୦: ଦେଶର ବିଭିନ୍ନ ଟେଲିଫୋନ୍ କମ୍ପାନୀଗୁଡ଼ିକୁ ସୁପ୍ରିମ୍କୋର୍ଟରେ ବଡ଼ ଝଟ୍କା ମିଳିଛି। ଡିପାର୍ଟମେଣ୍ଟ୍ ଅଫ୍ ଟେଲିକମ୍ୟୁନିକେଶନ (ଡଟ୍) ପକ୍ଷରୁ ବକେୟା ଆଦାୟ ପାଇଁ ଏକ ଆବେଦନ କରାଯାଇଥିଲା। ଏହାର ଶୁଣାଣି କରି ସର୍ବୋଚ୍ଚ ନ୍ୟାୟାଳୟ କହିଛନ୍ତି ଯେ, ସମ୍ପୃକ୍ତ କମ୍ପାନୀଗୁଡ଼ିକୁ ୯୨ ହଜାର କୋଟି ଟଙ୍କାରୁ ଅଧିକ ବକେୟା ପୈଠ କରିବାକୁ ପଡ଼ିବ। ତେବେ ବକେୟା କେତେ ସମୟ ମଧ୍ୟରେ ପୈଠ କରିବାକୁ ପଡ଼ିବ ତାହା ସୁପ୍ରିମ୍କୋର୍ଟ ନିଶ୍ଚିତ କରିବେ। ଆଡ଼ଜଷ୍ଟ୍ମେଣ୍ଟ୍ ଗ୍ରସ୍ ରେଭିନ୍ୟୁ(ଏଜିଆର୍)ରେ ଲାଇସେନ୍ସ୍ ଫି, ସ୍ପେକ୍ଟ୍ରମ୍ ଉପଯୋଗ ସହିତ ଅନ୍ୟାନ୍ୟ ଆୟ ମଧ୍ୟ ଅନ୍ତର୍ଭୁକ୍ତ ହେବ। ତେବେ ବୀମା କ୍ଲେମ୍ ଏଜିଆର୍ରେ ସାମିଲ୍ ହେବ ନାହିଁ ବୋଲି ସର୍ବୋଚ୍ଚ ନ୍ୟାୟାଳୟ ସୂଚିତ କରିଛନ୍ତି।
