ରୋମ,୨୮।୫(ଏଏଫ୍ପି): ନେପେଲ୍ସକୁ ସ୍ଥାନାନ୍ତର ହୋଇଥିବା ରୋମ ଡାଇମଣ୍ଡ ଲିଗ୍ ଘରୋଇ ଭେନ୍ୟୁ ଅର୍ଥାତ ରୋମରେ ଆୟୋଜନ ହେବା ସ୍ପଷ୍ଟ ହୋଇଛି। ଅଲିମ୍ପିକ୍ ଷ୍ଟାଡିୟମରେ ୟୁରୋପିଆ ଫୁଟବଲ ଚାମ୍ପିୟନଶିପ୍ ଆୟୋଜନ ହେବାର କାର୍ଯ୍ୟକ୍ରମ ଥିଲା। ଫଳରେ ଡାଇମଣ୍ଡ ଲିଗ୍କୁ ନେପେଲ୍ସକୁ ସ୍ଥାନାନ୍ତର କରାଯାଇଥିଲା। ତେବେ ଏହା ଏବେ ରାଜଧାନୀ ରୋମ୍ରେ ହିଁ ଆୟୋଜନ ହେବ। କୋଭିଡ-୧୯ କାରଣରୁ ୟୁରୋ ୨୦୨୦କୁ ସ୍ଥଗିତ ରହିବା ପରେ ଏହି ନିଷ୍ପତ୍ତି ନିଆଯାଇଛି। ରୋମ୍ରେ ଏହି ମେଗା ଇଭେଣ୍ଟ ସେପ୍ଟେମ୍ବର ୧୭ ତାରିଖରେ ଆୟୋନ ହେବ। କିନ୍ତୁ ଏହା ଅଲିମ୍ପିକ୍ ଷ୍ଟାଡିୟମରେ ଖେଳାଯିବ ନାହିଁ। ଏହା ମାର୍ବେଲ୍ସ ଷ୍ଟାଡିୟମରେ ଆୟୋଜନ ହେବ ଇଟାଲିୟାନ ଆଥଲେଟିକ୍ସ ଫେଡେରେଶନ ତରଫରୁ ସୂଚନା ଦିଆଯାଇଛି। ଏହି ଇଭେଣ୍ଟରେ ଇଟାଲୀର କ୍ରୀଡ଼ା ପ୍ରେମୀମାନେ ଯୋଗ ଦେବେ। ତେବେ ବିଦେଶୀ ତାରକାମାନେ ମଧ୍ୟ ଯୋଗ ଦେବେ ବୋଲି ଇଟାଲିୟାନ ଆଥଲେଟିକ୍ସ ଫେଡେଶେନ ଅଧ୍ୟକ୍ଷ ଅଲଫିଓ ଗୋମି କହିଛନ୍ତି। ଏହାକୁ ପାଙ୍କା ଷ୍ଟାଡିୟମରେ ଆୟୋଜନ କରିବା ଆମର ଲକ୍ଷ୍ୟ ନୁହେଁ।
