ନୂଆଦିଲ୍ଲୀ,୧୦-୯: ଭାରତୀୟ ଷ୍ଟେଟ ବ୍ୟାଙ୍କ(ଏସ୍ବିିଆଇ) ସମସ୍ତ ଅବଧିର ମାର୍ଜିନାଲ କଷ୍ଟ୍ ଅଫ୍ ଲେଣ୍ଡିଂ(ଏମ୍ସିଏଲ୍ଆର୍) ସୁଧ ହ୍ରାରକୁ ୧୦ ବେସିସ୍ ପଏଣ୍ଟ ଅର୍ଥାତ୍ ୦.୧% ହ୍ରାସ କରିଛି। ନୂଆ ସୁଧ ହାର ମଙ୍ଗଳବାରଠାରୁ ଲାଗୁ ହେବ। ତେବେ ବ୍ୟାଙ୍କ ଫିକ୍ସଡ ଡିପୋଜିଟ୍ ବା ସ୍ଥାୟୀ ଜମା ଉପରେ ମଧ୍ୟ ସୁଧ ହାର ୦.୨୦%ରୁ ୦.୨୫% ପର୍ଯ୍ୟନ୍ତ କମାଇଛି। ଗୃହ, ଗାଡ଼ି ସମେତ ସମସ୍ତ ପ୍ରକାର ଋଣ ଉପରେ ଏମ୍ସିଏଲ୍ଆର୍ ସୁଧ ହାର ଏଣିକି ୮.୨୫ ପରିବର୍ତ୍ତେ ୮.୧୫%କୁ ହ୍ରାସ ପାଇଛି। ଏସ୍ବିଆଇ ଚଳିତ ଆର୍ଥିକ ବର୍ଷରେ ୫ଥରରେ ୦.୪୦% ଏମ୍ସିଏଲ୍ଆର୍ ହ୍ରାସ କରିଛି। ଭାରତୀୟ ରିଜର୍ଭ ବ୍ୟାଙ୍କ ରେପୋ ରେଟ ହ୍ରାସ କରିବା ପରେ ଏସ୍ବିଆଇ ସମେତ ସେଣ୍ଟ୍ରାଲ ବ୍ୟାଙ୍କ ଅଫ୍ ଇଣ୍ଡିଆ, ଆକ୍ସିସ୍ ବ୍ୟାଙ୍କ, ଓରିଏଣ୍ଟାଲ ବ୍ୟାଙ୍କ ଅଫ୍ କମର୍ସ, ଆଇଡିବିଆଇ ବ୍ୟାଙ୍କ ଏବଂ ଆଇଡିଏଫ୍ସି ଫାର୍ଷ୍ଟ ବ୍ୟାଙ୍କ ମଧ୍ୟ ଋଣ ଉପରେ ସୁଧ ହାର କମାଇଛି।
