ଭୁବନେଶ୍ୱର,୧୮।୧୧:ସ୍ବଳ୍ପ ସମୟ ଭିତରେ ରାଜ୍ୟର ବିଦ୍ୟୁତ୍ ବିତରଣରେ ପ୍ରଶଂସନୀୟ ରୂପାନ୍ତରଣ ହୋଇଥିବାରୁ ଓଡ଼ିଶାର ବିଦ୍ୟୁତ୍ ଗ୍ରାହକମାନେ ଉନ୍ନତ ଓ ଭରସାଯୋଗ୍ୟ ବିଦ୍ୟୁତ୍ ଯୋଗାଣ ଉପଭୋଗ କରିପାରିବେ। ରାଜ୍ୟର ଡିସ୍କମ୍ଗୁଡ଼ିକ କେବଳ ଏଟି ଆଣ୍ଡ ସି କ୍ଷତିକୁ କମାଇବାରେ ସଫଳ ହୋଇନାହାନ୍ତି ବରଂ ଭରସାଯୋଗ୍ୟତା ଓ ଗ୍ରାହକ ସଂଯୋଗରେ ମଧ୍ୟ ଉନ୍ନତି ହୋଇପାରିଛି। ଦୀର୍ଘଦିନ ଧରି ଗ୍ରାହକମାନେ ସାମ୍ନା କରୁଥିବା ବହୁ ସମସ୍ୟାର ସମାଧାନ ହୋଇପାରିଛି। ଟାଟା ପାୱାର ନେତୃତ୍ୱାଧୀନ ଡିସ୍କମ୍ଗୁଡ଼ିକ ଦ୍ୱାରା ପ୍ରାୟ ୨୦ ଲକ୍ଷ କାମ କରୁ ନ ଥିବା ମିଟରକୁ ପରିବର୍ତ୍ତନ କରାଯାଇଛି। ଓଡ଼ିଶାରେ ଚାରିଟି ଡିସ୍କମ୍-ଟିପିସିଓଡିଏଲ୍, ଟିପିଏନ୍ଓଡିଏଲ୍, ଟିପିଏସ୍ଓଡିଏଲ୍ ଏବଂ ଟିପିଡବ୍ଲ୍ୟୁଓଡିଏଲ୍ ୯.୫ ନିୟୁତରୁ ଅଧିକ ଗ୍ରାହକଙ୍କୁ ବିଦ୍ୟୁତ୍ ଶକ୍ତି ଯୋଗାଣ କରୁଛନ୍ତି। ଟାଟା ପାୱାର ପକ୍ଷରୁ ଡିସ୍କମ୍ଗୁଡ଼ିକରେ ସ୍ମାର୍ଟ ଗ୍ରୀଡ୍ ପ୍ରଯୁକ୍ତିର ମୁତୟନ ଏବଂ କାର୍ଯ୍ୟକାରିତା ଯୋଗୁ ସବୁ କ୍ଷେତ୍ରରେ ଗ୍ରାହକ ସନ୍ତୁଷ୍ଟିରେ ଉନ୍ନତି ହୋଇଛି। ବିଦ୍ୟୁତ୍ ସଂଯୋଗ ହାସଲ କରିବାଠାରୁ ମିଟରିଂରୁ ବିଲିଂ ଏବଂ ଅଭିଯୋଗ ସମାଧାନରୁ ସହଜ ବିଲ୍ ପଇଠ ଭଳି ଗ୍ରାହକଙ୍କ ସମ୍ପୂର୍ଣ୍ଣ ଯାତ୍ରା ଉପରେ ଡିସ୍କମ୍ଗୁଡ଼ିକ ଗୁରୁତ୍ୱାରୋପ କରୁଛନ୍ତି। ଗ୍ରାହକମାନଙ୍କୁ ଉତ୍ତମ ସେବା ପ୍ରଦାନ କରିବା ଲାଗି ଡିସ୍କମ୍ଗୁଡ଼ିକ ସେମାନଙ୍କ ସେବା ସହ ପ୍ରଯୁକ୍ତିର ସମନ୍ବୟ କରିଛନ୍ତି।
ଏ ସମ୍ପର୍କରେ ଟାଟା ପାୱାରର ସିଇଓ ଓ ଏମ୍ଡି ଡ. ପ୍ରବୀର ସିହ୍ନା କହିଛନ୍ତି, ଗତ ୨ ବର୍ଷରେ ପ୍ରଗତିଶୀଳ ଭାବେ ଅଧିଗ୍ରହଣ କରିଥିବା ଆମ ବିତରଣ ବ୍ୟବସାୟ ବହୁତ ଭଲ ପ୍ରଦର୍ଶନ କରୁଛି। ଟାଟା ପାୱାରର ସମସ୍ତ ୪ ଡିସ୍କମ୍ ଗ୍ରାହକମାନଙ୍କୁ ଉତ୍କୃଷ୍ଟ ସେବା ପ୍ରଦାନ କରୁଛନ୍ତି। ଘରୋଇ ସରକାରୀ ସହଭାଗିତା (ପିପିପି) ପାଇଁ ଓଡ଼ିଶା ହେଉଛି ଶ୍ରେଷ୍ଠ ମଡେଲ ଯାହା ରାଜ୍ୟର ଗ୍ରାହକମାନଙ୍କ ପାଇଁ ଉତ୍ତମ ଫଳ ପ୍ରଦାନ କରିଛି। ସ୍ବଳ୍ପ ସମୟ ଭିତରେ ଓଡ଼ିଶାର ବିଦ୍ୟୁତ୍ ବିତରଣ କ୍ଷେତ୍ରରେ ପ୍ରଶଂସନୀୟ ରୂପାନ୍ତରଣ ହୋଇପାରିଛି ବୋଲି ସିହ୍ନା ମତ ବ୍ୟକ୍ତ କରିଛନ୍ତିି।
ସେହିପରି ଡିସ୍କମ୍ଗୁଡ଼ିକ ପକ୍ଷରୁ ନେଟ୍ୱର୍କରେ ବଡ଼ଧରଣର ଉନ୍ନତି ଏବଂ ବିଦ୍ୟୁତ୍ ଯୋଗାଣ ନେଟ୍ୱର୍କର ପ୍ରତ୍ୟକ୍ଷ ରକ୍ଷଣାବେକ୍ଷଣ କାର୍ଯ୍ୟ କରାଯାଇଥିବାରୁ ଫିଡର ଟ୍ରିପିଂରେ ୩୦-୪୦% ହ୍ରାସ ହେବା ସହ ଭରସାଯୋଗ୍ୟତାରେ ଉନ୍ନତି ହୋଇପାରିଛି ବୋଲି ଟାଟା ପାଓ୍ବାର ପକ୍ଷରୁ କୁହାଯାଇଛି।
