ନୂଆଦିଲ୍ଲୀ,୨୪-୧୨: ଏୟାର ବସ୍ ଏସିଇ ଏ୩୨୦ ନିଓ ବିମାନ ଇଞ୍ଜିନର ନିରାପତ୍ତାକୁ ନେଇ ସରକାର ଏବେ କାର୍ଯ୍ୟାନୁଷ୍ଠାନ ନେଉଥିବା ଦେଖାଯାଇଛି। ଏହି ଆଧାରରେ ବିମାନ କମ୍ପାନୀଗୁଡିକ ସେମାନଙ୍କ କୌଶଳରେ ପରିବର୍ତ୍ତନ କରିବେ ବୋଲି ବଜାର ବିଶେଷଜ୍ଞମାନେ କହିଛନ୍ତି। ବଜେଟରେ ବିମାନ ସେବା ଯୋଗାଉଥିବା କମ୍ପାନୀ ଇଣ୍ଡିଗୋ ଏହି ଆଧାରରେ ଏହା ନିକଟରେ ଥିବା ଅଧିକ ପୁରୁଣା ବିମାନର ଇଞ୍ଜିନ ବଦଳାଇବ। ପୂର୍ବର ଧାର୍ଯ୍ୟ କାର୍ଯ୍ୟକ୍ରମଠାରୁ ଏହି ଧାରା ଅଧିକ ହେବ ବୋଲି କୁହାଯାଉଛି। ପ୍ରାଟ ଆଣ୍ଡ ହ୍ବିଟନି ଦ୍ୱାରା ନିର୍ମାଣ କରାଯାଇଥିବା ବିମାନ ଇଞ୍ଜିନଗୁଡିକର ନିରାପତ୍ତାକୁ ସରକାର ଏବେ ଗୁରୁତ୍ୱ ସହ ନେଇଛନ୍ତି। ଏହି ବିମାନ ଇଞ୍ଜିନ ମଝି ଆକାରରେ ହୁଏତ କାମ କରିବା ବନ୍ଦ କରିପାରେ। ଯାହା ଯାତ୍ରୀଙ୍କ ନିରାପତ୍ତାକୁ ପ୍ରଭାବିତ କରିବ ବୋଲି ବେସାମରିକ ବିମାନ ଚଳାଚଳ ମୁଖ୍ୟ ଅରୁଣ କୁମାର ଗଣମାଧ୍ୟମକୁ ସୂଚନା ଦେଇଛନ୍ତି। ଇଣ୍ଡିଗୋ ପୂର୍ବରୁ ୧୧୦ ବିମାନର ଇଞ୍ଜିନ ବଦଳାଇବାକୁ କହିଥିଲା ମାତ୍ର ନୂଆ ନିୟମ ଯୋଗୁ ଏହା ୧୩୦ ବିମାନକୁ ବଢାଇଥିବା ସରକାରଙ୍କ ସୂଚନାରୁ ସ୍ପଷ୍ଟ ହୋଇଛି। ପ୍ରଭାବିତ ସ୍ଥିତିରେ ଥିବା ଯାନଗୁଡିକ ଅପଗ୍ରେଡ କରାଇବା ପରେ ପୁଣି ଥରେ ଚାଲୁ କରାଇବା ଲାଗି କମ୍ପାନୀଗୁଡିକୁ କୁହାଯାଇଛି।
