ମୁମ୍ବାଇ,୧୮।୪: ମୁମ୍ବାଇର ପ୍ରମୁଖ ରେଳ ଷ୍ଟେସନଗୁଡ଼ିକରେ ଭିଡ଼ ନିୟନ୍ତ୍ରଣ କରିବା ପାଇଁ ପଶ୍ଚିମ ରେଳବାଇ ଏକ ବଡ଼ ନିଷ୍ପତ୍ତି ନେଇଛି। ଚର୍ଚଗେଟ, ମରିନ ଲାଇନ୍ସ ସମେତ ଚାରୋଟି ଷ୍ଟେସନରେ ପ୍ଲାଟଫର୍ମ ଟିକେଟ ବିକ୍ରି ଉପରେ ଅସ୍ଥାୟୀ ରୋକ ଲଗାଯାଇଛି। ଏହି ନିଷ୍ପତ୍ତି ନୂଆବର୍ଷ ଏବଂ ଉତ୍ସବ ଋତୁରେ ଷ୍ଟେସନଗୁଡ଼ିକରେ ବଢ଼ୁଥିବା ଲୋକଙ୍କ ଭିଡ଼କୁ ଦୃଷ୍ଟିରେ ରଖି ନିଆଯାଇଛି।
ରେଳବାଇ ସୂତ୍ରରୁ ମିଳିଥିବା ଖବର ଅନୁସାରେ, ଏହି ପଦକ୍ଷେପ ଯାତ୍ରୀଙ୍କ ସୁରକ୍ଷା ଏବଂ ଷ୍ଟେସନରେ ସୁଗମ ପରିଚାଳନା ପାଇଁ ନିଆଯାଇଛି। ତେବେ, ବୟସ୍କ, ଅସୁସ୍ଥ, ମହିଳା ଏବଂ ଶିଶୁଙ୍କ ପାଇଁ ର୍ନିଦ୍ଦିଷ୍ଟ ମାମଲାରେ ଏହି ନିୟମରୁ ଛାଡ଼ ଦିଆଯାଇପାରେ। ଏହାସହ, ଚର୍ଚଗେଟ-ମରିନ ଲାଇନ୍ସ ମଧ୍ୟରେ ବ୍ଲକ ହେବା କାରଣରୁ କିଛି ଟ୍ରେନରେ ସମୟ ମଧ୍ୟ ବଦଳାଯାଇଛି।
ଏହି ନିଷ୍ପତ୍ତି ଯାତ୍ରୀଙ୍କ ମଧ୍ୟରେ ମିଶ୍ରିତ ପ୍ରତିକ୍ରିୟା ସୃଷ୍ଟି କରିଛି। କିଛି ଲୋକ ଏହାକୁ ସୁରକ୍ଷା ଦୃଷ୍ଟିରୁ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି କହୁଥିବା ବେଳେ, ଅନ୍ୟମାନେ ଏହା ଦ୍ୱାରା ସାମାନ୍ୟ ଅସୁବିଧା ହେବ ବୋଲି ମତ ଦେଇଛନ୍ତି। ରେଳବାଇ ପକ୍ଷରୁ ଯାତ୍ରୀମାନଙ୍କୁ ଆଗୁଆ ଟିକେଟ ବୁକ କରିବାକୁ ଏବଂ ନିର୍ଦ୍ଧାରିତ ସମୟରେ ଷ୍ଟେସନରେ ପହଞ୍ଚିବାକୁ ପରାମର୍ଶ ଦିଆଯାଇଛି।