ଓ୍ବାଶିଂଟନ,୬ା୪: ଇରାନ ଯୁଦ୍ଧ ୩୭ ଦିନରେ ପହଞ୍ଚତ୍ଥିବାବେଳେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ରବିବାର ସୋସିଆଲ ମିଡିଆରେ ଏକ ବିସ୍ଫୋରକ ପୋଷ୍ଟ ଜରିଆରେ ତେହରାନ୍ ତୁରନ୍ତ ଷ୍ଟ୍ରେଟ୍ ଅଫ୍ ହର୍ମୁଜ୍ ଖୋଲିଦେବା ପାଇଁ ଦାବି କରିଛନ୍ତି। ସୋମବାର ସୁଦ୍ଧା ଏହି ଜଳପଥକୁ ନ ଖୋଲିଲେ ମଙ୍ଗଳବାର ତେହରାନ୍ର ପାଓ୍ବାର ପ୍ଲାଣ୍ଟ ଏବଂ ବ୍ରିଜ୍ଗୁ୍ଡ଼ିକୁ ଉଡ଼ାଇ ଦିଆଯିବ ବୋଲି ଟ୍ରମ୍ପ୍ ଚେତାବନୀ ଦେଇଛନ୍ତି। ସେ ଟ୍ରୁଥ୍ ସୋସିଆଲରେ କରିଥିବା ପୋଷ୍ଟରେ ଇରାନ ପ୍ରତି ଅତ୍ୟନ୍ତ ଅପମାନଜନକ ଭାଷା ବ୍ୟବହାର କରିଛନ୍ତି। ମଙ୍ଗଳବାର ଇରାନର ପାଓ୍ବାର ପ୍ଲାଣ୍ଟ ଓ ବ୍ରିଜ୍ଗୁଡ଼ିକ ଉପରେ ଜୋର୍ଦାର ଆକ୍ରମଣ ହେବ ଏବଂ ଏହା ଯୁଦ୍ଧର ଏକ ନିର୍ଣ୍ଣାୟକ ମୁହୂର୍ତ୍ତ ହେବାକୁ ଯାଉଛି।
ଅଫ୍ ହର୍ମୁଜ୍ ବିଶ୍ୱର ସବୁଠୁ ଗୁରୁତ୍ୱପୂର୍ଣ୍ଣ ଶକ୍ତି କରିଡର ହୋଇଥିବାବେଳେ ଆମେରିକା ଏବଂ ଇସ୍ରାଏଲ୍ ଆକ୍ରମଣ କରିବା ପରେ ଇରାନ ଉକ୍ତ ସାମୁଦ୍ରିକ ପଥକୁ ବନ୍ଦ କରିଦେଇଛି। ଫଳରେ ଏହି ପ୍ରଣାଳୀ ଦେଇ ତୈଳ ଓ ଗ୍ୟାସ୍ ପରିବହନ ବାଧାପ୍ରାପ୍ତ ହୋଇଛି। ଷ୍ଟ୍ରେଟ୍ ଅଫ୍ ହର୍ମୁଜ୍କୁ ଜାହାଜ ଚଳାଚଳ ପାଇଁ ଇରାନ ଅବରୋଧ ମୁକ୍ତ କରିବାକୁ ଟ୍ରମ୍ପ୍ ଶନିବାର ୪୮ ଘଣ୍ଟିଆ ମହଲତ ଦେଇଥିଲେ। ଅନ୍ୟଥା ଆମେରିକା ଯେଉଁ କାର୍ଯ୍ୟାନୁଷ୍ଠାନ ନେବାକୁ ଯାଉଛି ତାକୁ ସାମ୍ନା କରିବାକୁ ପଡ଼ିବ ବୋଲି ସେ କହିଥିଲେ। ତେବେ ତେହରାନ୍ ଏଦିଗରେ କୌଣସି ଆଗ୍ରହ ନ ଦେଖାଇ ପଡ଼ୋଶୀ ଆରବ ଦେଶଗୁଡ଼ିକର ଅର୍ଥନୀତି ଓ ଭିତ୍ତିଭୂମିକୁ ଟାର୍ଗେଟ କରି ଆକ୍ରମଣ ଜାରି ରଖିବାରୁ ଟ୍ରମ୍ପ୍ ରବିବାର ପୁନର୍ବାର ଚେତାବନୀକୁ ଦୋହରାଇଛନ୍ତି। ତେହରାନ ସପକ୍ଷବାଦୀ ସଶସ୍ତ୍ର ବାହିନୀ ଇରାକ୍ସ୍ଥିତ ଆମେରିକା କୂଟନୈତିକ ସ୍ଥଳଗୁଡ଼ିକୁ ଟାର୍ଗେଟ କରି ଆକ୍ରମଣ କରିଥିବା ବାଗ୍ଦାଦସ୍ଥିତ ଆମେରିକା ଦୂତାବାସ ପକ୍ଷରୁ କୁହାଯାଇଛି। ଏହାର ଜବାବରେ ଆମେରିକା ଏବଂ ଇସ୍ରାଏଲ୍ ଇରାନର ଏକ ବିମାନବନ୍ଦର ଉପରେ ଆକ୍ରମଣ କରିଛନ୍ତି।
ଶେଷ ହେବା ପୂର୍ବରୁ ସୋମବାର ଇରାନ ସହ ଡିଲ୍ ହେବାର ଭଲ ସୁଯୋଗ ରହିଛି ବୋଲି ଟ୍ରମ୍ପ୍ ବିଶ୍ୱାସ କରୁଛନ୍ତି। ଏଥିପାଇଁ ଏବେ ବୁଝାମଣା ଚାଲିଥିବା ସେ ଫକ୍ସ ନ୍ୟୁଜ୍କୁ କହିଛନ୍ତି।