ବିବାହ-ପାର୍ଟି ହେଉ ଅବା ଅନ୍ୟ କେଣସି ଭୋଜି, ପନିପରିବା ହେଉ କିମ୍ବା ଡାଲି, ଗରମ ମସଲା ହେଉଛି ଏମିତି ଏକ ଜିନିଷ ଯାହା ଆମ ଖାଦ୍ୟର ସ୍ବାଦକୁ ବଢାଇଥାଏ । ଭାରତୀୟ ଖାଦ୍ୟରେ ତ ଗରମ ସମଲା ହେଉଛି ଏମିତି ଏକ ବିଶେଷ ମସଲା, ଯାହା ଯେକୌଣସି ଖାଦ୍ୟର ସ୍ବାଦ ଏବଂ ସୁଗନ୍ଧ ବଢାଇଥାଏ । ଏମିତି ଏକ ସମୟ ଥିଲା, ଯେତେବେଳେ ଜେଜେମା’ କିମ୍ବା ଘରର ରୋଷୟାମାନେ ପ୍ରାୟତଃ ରୋଷଇରେ ବ୍ୟବହାର କରିବା ପାଇଁ ସବୁ ତାଜା ମସଲାକୁ ମିଶାଇ ଏକ ସ୍ବତନ୍ତ୍ର ଗରମ ମସଲା ବ୍ୟବହାର କରୁଥିଲେ । କିନ୍ତୁ ଆଜିର ବଜାରରେ ଅନେକ ପ୍ରକାର ବ୍ରାଣ୍ଡ Garam Masala ବିକ୍ରି ହେଉଛି ।
ସାଧାରଣତଃ ଖାଦ୍ୟ ଯିଏ ଯେତେ ଭଲ ପ୍ରସ୍ତୁତ କରିଥାଉ ନା କାହିଁକି Garam Masala ବିନା ଏହା ଅଧୁରା ପରି ଲାଗେ । କିନ୍ତୁ କେବେ ଭାବିଛନ୍ତି କି ଏହି ମସଲାକୁ ‘ଗରମ ମସଲା’ କାହିଁକି କୁହାଯାଏ? ବର୍ଷ ବର୍ଷ ଧରି ରୋଷେଇରେ ବ୍ୟବହୃତ ହେଉଥିବା ଏହି ମସଲାର ନାଁ ଏପରି କାହିଁକି ହେଲା? ଆସନ୍ତୁ ଜାଣିବା…
ଏହାକୁ Garam Masala କାହିଁକି କୁହାଯାଏ? ଯଦି ଆପଣ ଭାବୁଛନ୍ତି, ଏହି ମସଲା ଆପଣଙ୍କ ଥଣ୍ଡା ଖାଦ୍ୟର ସୱାଦକୁ ଗରମ କରେ କିମ୍ବା ଏହାକୁ ପ୍ୟାନରେ ଗରମ କରି ତିଆରି କରାଯାଏ, ତେଣୁ ଏହାକୁ ଗରମ ମସଲା କୁହାଯାଏ। ତେବେ ଆପଣ ସମ୍ପୂର୍ଣ୍ଣ ଭୁଲ। ପ୍ରସିଦ୍ଧ ରୋଷେୟା ରଣବୀର ବରାର୍ ଚମତ୍କାର ଭାବରେ ଖାଦ୍ୟ ପଛର ଇତିହାସକୁ ବ୍ୟାଖ୍ୟା କରିଛନ୍ତି।
ସେ କୁହନ୍ତି ଯେ, ପ୍ରକୃତରେ ଗରମ ମସଲାର ଏହି ନାମ ଏଥିପାଇଁ ହୋଇଛି କାରଣ ଏଥିରେ ବ୍ୟବହୃତ ମସଲାର ପ୍ରକୃତି ଗରମ। ଏଗୁଡ଼ିକ ହେଉଛି ସେହି ମସଲା ଯାହା ଆପଣଙ୍କ ଶରୀରକୁ ଉଷ୍ମତା ପ୍ରଦାନ କରେ। ପ୍ରାରମ୍ଭରେ ଏହି ମସଲାଗୁଡ଼ିକ ଶୀତଦିନେ ବ୍ୟବହାର କରାଯାଉଥିଲା। ଆୟୁର୍ବେଦ ଅନୁସାରେ, ଗରମ ମସଲାରେ ଏପରି ମସଲା ଥାଏ ଯାହା ଶରୀରର ଆଭ୍ୟନ୍ତରୀଣ ଉତ୍ତାପ ବୃଦ୍ଧି କରେ, ପାଚନ ପ୍ରକ୍ରିୟାକୁ ଉନ୍ନତ କରେ ଏବଂ ମେଟାବୋଲିଜିମକୁ ତ୍ୱରାନୱିତ କରେ। ଏଥିରେ ଥିବା ଲବଙ୍ଗ, କଳା ଗୋଲମରିଚ, ଡାଲଚିନି, ତେଜପତ୍ର ଏବଂ କଞ୍ଚାଲଙ୍କା ଭଳି ମସଲା ଶରୀରରେ ଉତ୍ତାପ ସୃଷ୍ଟି କରେ, ଯାହା ଏହାକୁ ଥଣ୍ଡା ପାଗରେ ଲାଭଦାୟକ କରିଥାଏ। କିନ୍ତୁ ଧୀରେ ଧୀରେ ଲୋକମାନେ ନିଜ ସୁବିଧା ଅନୁସାରେ ଏହାକୁ ପରିବର୍ତ୍ତନ କଲେ ଏବଂ ଲୋକମାନେ ଯେକୌଣସି ମସଲା ମିଶ୍ରଣକୁ ଗରମ ମସଲା ବୋଲି କହିବା ଆରମ୍ଭ କଲେ। ସେଥିପାଇଁ ପ୍ରତ୍ୟେକ ଘରେ ନିଜସୱ ଗରମ ମସଲା ରହିବା ଆରମ୍ଭ ହେଲା।
Garam Masala କେଉଁ କେଉଁ ମସଲାର ମିଶ୍ରଣରୁ ତିଆରି ହୁଏ? ୧ କପ ଧନିଆ, ୩ ଚାମଚ ଜିରା, ୧ ଚାମଚ ଶାହି ଜିରା, ୨-୩ଟି ବଡ଼ ଅଳେଇଚ, ୨ ଚାମଚ କଳା ଗୋଲମରିଚ, ୨ ଇଞ୍ଚ ଡାଲଚିନି ଖଣ୍ଡ, ୮ ରୁ ୧୦ ଟି ସବୁଜ ଅଳେଇଚ, ୮ଟି ଲବଙ୍ଗ, ୧ତାରା ଆନିସ, ୨ଟି ଯାବିତ୍ରୀ, ୨ଟି ମଧ୍ୟମ ତେଜପତ୍ର, ୩-୪ଟି ଲାଲ ଲଙ୍କା ଓ ଅଧ ଚାମଚ ଲୁଣ । ଶୀତଦିନ ପାଇଁ ଗରମ ମସଲା ତିଆରି କରିବା ସମୟରେ ଏଥିରେ ଅଧା ବଡ଼ ଜାଇଫଳ ମିଶାନ୍ତୁ। ଶୀତଦିନ ପାଇଁ ଗରମ ମସଲା ତିଆରି କରିବା ସମୟରେ, ଏଥିରେ ଅଧ ଚାମଚ ପାନମହୁରି ମଞ୍ଜି ମିଶାନ୍ତୁ।