ଭୁବନେଶ୍ୱର,୨୪।୮: ନନ୍ଦନକାନନ ପ୍ରାଣୀଉଦ୍ୟାନ (ଏନଜେଡପି)ରେ ଏକ ଧଳା ବାଘ ଶାବକର ମୃତ୍ୟୁ ହୋଇଛି ବୋଲି ନନ୍ଦନକାନନ କର୍ତ୍ତୃପକ୍ଷ ରବିବାର ସୂଚନା ଦେଇଛନ୍ତି।
ଏହି ଶାବକ ଜୁନ ୭ ତାରିଖରେ ବାଘୁଣୀ ମୌସୁମୀ ଓ ବାଘ ରାଜେଶଙ୍କ ମିଳନରୁ ଜନ୍ମ ହୋଇଥିଲା। ରିପୋର୍ଟ ଅନୁସାରେ, ଶାବକଟି ଜନ୍ମରୁ ଅସୁସ୍ଥ ଥିଲା। ଏହାକୁ ମା’ଠାରୁ ଅଲଗା ରଖି ନନ୍ଦନକାନନର ପଶୁ ଚିକିତ୍ସା ଘରେ ବିଶେଷ ଯତ୍ନରେ ରଖାଯାଇଥିଲା। ତଥାପି, ଶନିବାର ରାତିରେ ଶାବକଟିର ମୃତ୍ୟୁ ହୋଇଛି।
ଏହି ମୃତ୍ୟୁ ସହ ନନ୍ଦନକାନନରେ ଧଳା ବାଘଙ୍କ ସଂଖ୍ୟା ଘଟି ୫କୁ ହ୍ରାସ ପାଇଛି, ଯେତେବେଳେ ମୋଟ ବାଘ ସଂଖ୍ୟା ୨୮ରେ ରହିଛି।