ନୂଆଦିଲ୍ଲୀ,୨୮।୨: ବରିଷ୍ଠ କଂଗ୍ରେସ ନେତା ଅଧିର ରଞ୍ଜନ ଚୌଧୁରୀ ଶୁକ୍ରବାର ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଟାର୍ଗେଟ କରିଛନ୍ତି। କଂଗ୍ରେସ ନେତା କହିଛନ୍ତି ଯେ ମୁଖ୍ୟମନ୍ତ୍ରୀ ମମତା ପଶ୍ଚିମବଙ୍ଗ ରାଜନୀତିରେ ବିଶ୍ୱାସଘାତକର ଏକ ଜ୍ୱଳନ୍ତ ଉଦାହରଣ।
ଗଣମାଧ୍ୟମ ସହିତ କଥାବାର୍ତ୍ତା ସମୟରେ ଅଧିର ରଞ୍ଜନ ଚୌଧୁରୀ କହିଛନ୍ତି ଯେ କଂଗ୍ରେସର ଅନୁଗ୍ରହ ଯୋଗୁଁ ୨୦୧୧ ମସିହାରେ ପଶ୍ଚିମବଙ୍ଗରେ ତ୍ରୁଣମୂଳ ସରକାର ଗଠନ ହୋଇଥିଲା ଯାହାକୁ ନମକ ହରାମ ବା ବିଶ୍ୱାସଘାତକ କୁହାଯାଏ। ଯିଏ ବ୍ୟକ୍ତିଗତ ଲାଭ ପାଇଁ ପରିସ୍ଥିତିର ସୁଯୋଗ ନେଇଥାଏ, କିନ୍ତୁ ପରେ ସେମାନଙ୍କୁ ସାହାଯ୍ୟ କରିଥିବା ଲୋକଙ୍କୁ ପରିତ୍ୟାଗ କରିଥାଏ। ଆମେ ଏହାକୁ ନମକ ହାରାମ ଗିରି ବୋଲି କହିଥାଉ।
କଂଗ୍ରେସ ନେତା ଆହୁରି କହିଛନ୍ତି ଯେ ମୁଁ ଏହା ଭୁଲ ଭାଷାରେ କହୁନାହିଁ; ମୁଁ ଏହା ଶୁଦ୍ଧ ଭାଷାରେ କହୁଛି। ମମତା ବାନାର୍ଜୀ ବଙ୍ଗଳା ରାଜନୀତିରେ ବିଶ୍ୱାସଘାତକର ଏକ ଜ୍ୱଳନ୍ତ ଉଦାହରଣ। ସୋନିଆ ଗାନ୍ଧୀଙ୍କ ଅନୁମୋଦନ ଏବଂ ପ୍ରଣବ ମୁଖାର୍ଜୀଙ୍କ ଭଳି ଜଣେ ବଡ ବ୍ୟକ୍ତିଙ୍କ ସମର୍ଥନ ବିନା, ସେ ୨୦୧୧ରେ କ୍ଷମତାକୁ ଆସିପାରି ନଥାନ୍ତେ। ଆମେ ତାଙ୍କୁ କ୍ଷମତାକୁ ଆଣିବାକୁ ଚାହୁଁଥିଲୁ, ତେଣୁ କଂଗ୍ରେସ ତାଙ୍କୁ ସେହି ଆସନ ଦେଇଥିଲା ଯାହା ସେ ଚାହୁଁଥିଲେ। ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ବିଶ୍ୱାସଘାତକ ରାଜନୀତି କରୁଛନ୍ତି।
ସୂଚନାଯୋଗ୍ୟ, ଅଧିର ରଞ୍ଜନ ଚୌଧୁରୀ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଖୁବ୍ ଟାର୍ଗେଟ କରୁଛନ୍ତି। ବରିଷ୍ଠ କଂଗ୍ରେସ ନେତା ୨୦୨୪ ଲୋକ ସଭା ନିର୍ବାଚନ ସମୟରେ କହିଥିଲେ ଯେ ମୁଁ ମୁଖ୍ୟମନ୍ତ୍ରୀ ମମତାଙ୍କ ଉପରେ ବିଶ୍ୱାସ କରେ ନାହିଁ। ସେ ମେଣ୍ଟ ଛାଡି ପଳାଇ ଆସିଥିଲେ। ସେ ମେଣ୍ଟ ଭାଙ୍ଗି ଦେଇଥିଲେ। ଏବେ କଂଗ୍ରେସ କ୍ଷମତାକୁ ଆସୁଛି, ତେଣୁ ମମତା ଲାଇନ ଲଗାଇବା ଆରମ୍ଭ କରିଛନ୍ତି।