ଆସନ୍ତାକାଲି ଅର୍ଥାତ ୨୦୨୬ ଏପ୍ରିଲ ୧୦ ତାରିଖ ସକାଳ ୪ଟା ୩୯ ମିନିଟ୍ରେ ମହାକାଶରେ ଏକ ବିରଳ ଜ୍ୟୋତିଷୀୟ ଘଟଣା ଘଟିବାକୁ ଯାଉଛି। ଶୁକ୍ର ଏବଂ ଶନି ପରସ୍ପରଠାରୁ ୩୬ ଡିଗ୍ରୀ ଦୂରତାରେ ରହିବା ଫଳରେ ‘ଦଶାଙ୍କ ଯୋଗ’ (Dashank Yoga) ସୃଷ୍ଟି ହେବ। ଜ୍ୟୋତିଷ ଶାସ୍ତ୍ର ଅନୁଯାୟୀ, ଏହି ଯୋଗ ଧୌର୍ଯ୍ୟ ଓ ପରିଶ୍ରମର ସହ ସ୍ଥାୟୀ ସଫଳତା ପ୍ରଦାନ କରିଥାଏ। ଏହା ହଠାତ ଲାଭ ଦେବା ପରିବର୍ତ୍ତେ ବ୍ୟକ୍ତିଙ୍କୁ ଦୀର୍ଘକାଳୀନ ଭାବେ ଆର୍ଥିକସ୍ତରରେ ମଜବୁତ କରିବାରେ ସହାୟକ ହୋଇଥାଏ।
୫ଟି ରାଶି ପାଇଁ ଶୁଭ ସମୟ:
ଏହି ଦଶାଙ୍କ ଯୋଗ ବିଶେଷ କରି ବୃଷ, ତୁଳା, ମକର, କୁମ୍ଭ ଏବଂ ମୀନ ରାଶିର ବ୍ୟକ୍ତିଙ୍କ ପାଇଁ ବେଶ ଫଳଦାୟୀ ହେବ।
ବୃଷ ରାଶି: ଶୁକ୍ର ଏହି ରାଶିର ଅଧିପତି ହୋଇଥିବାରୁ ଆର୍ଥିକ ସ୍ଥିତି ସୁଦୃଢ଼ ହେବ। ବ୍ୟବସାୟରେ ସ୍ଥିରତା ଆସିବ ଏବଂ ନୂତନ ଆୟର ପନ୍ଥା ଉନ୍ମୁକ୍ତ ହେବ। ଚାକିରି କ୍ଷେତ୍ରରେ ପଦୋନ୍ନତିର ସୁଯୋଗ ରହିଛି।
ତୁଳା ରାଶି: କ୍ୟାରିୟର ଓ ବ୍ୟବସାୟରେ ନୂତନ ସୁଯୋଗ ମିଳିବ। ବ୍ୟକ୍ତିତ୍ୱରେ ଆକର୍ଷଣ ବଢ଼ିବ ଏବଂ ଅର୍ଥ ସଞ୍ଚୟ କରିବାରେ ସଫଳ ହେବେ।
ମକର ରାଶି: ଶନିଙ୍କ ଶୁଭ ଦୃଷ୍ଟି ଯୋଗୁ କଠିନ ପରିଶ୍ରମର ମିଠା ଫଳ ମିଳିବ। ଦୀର୍ଘ ଦିନର ସଂଘର୍ଷର ଅନ୍ତ ଘଟିବ ଏବଂ ଭବିଷ୍ୟତ ପାଇଁ ଭଲ ଯୋଜନା କରିପାରିବେ।
କୁମ୍ଭ ରାଶି:ଆୟ ବୃଦ୍ଧି ହେବା ସହ କର୍ମକ୍ଷେତ୍ରରେ ଆପଣଙ୍କ ସ୍ଥିତି ମଜବୁତ ହେବ। ପରିବାରର ସହଯୋଗ ମିଳିବ ଏବଂ ବ୍ୟବସାୟ ସମ୍ପ୍ରସାରଣର ଯୋଗ ରହିଛି।
ମୀନ ରାଶି: କ୍ରିଏଟିଭ କାମରେ ସଫଳତା ମିଳିବ। ଶୁକ୍ର ଓ ଶନିଙ୍କ ସନ୍ତୁଳନ ଆପଣଙ୍କୁ ବାସ୍ତବବାଦୀ ଚିନ୍ତାଧାରା ସହ ଆଗକୁ ବଢ଼ିବାରେ ସାହାଯ୍ୟ କରିବ।
ଶୁକ୍ର ସୁଖ ଓ ସମ୍ପଦର କାରକ ହୋଇଥିବା ବେଳେ ଶନି ଶୃଙ୍ଖଳା ଓ କର୍ମଫଳର ପ୍ରତିନିଧି। ଏହି ଦୁଇ ଗ୍ରହଙ୍କ ମିଳନ ବ୍ୟକ୍ତିକୁ ଅନୁଶାସନ ସହ ସ୍ଥାୟୀ ସଫଳତା ଦେଇଥାଏ। ଯେଉଁମାନେ ରଣନୀତିର ସହ କାମ କରନ୍ତି, ସେମାନଙ୍କ ପାଇଁ ଏହି ସମୟ ଅତ୍ୟନ୍ତ ଭାଗ୍ୟଶାଳୀ ସାବ୍ୟସ୍ତ ହେବ।