ନୂଆଦିଲ୍ଲୀ,୪।୯: ସାଧାରଣତଃ UPI ମାଧ୍ୟମରେ ଟଙ୍କା ପଠାଇବାର ସୀମା ୧ ଲକ୍ଷ ଟଙ୍କା ଥାଏ। କିନ୍ତୁ ଏବେ ସେପ୍ଟେମ୍ବର ୧୫, ୨୦୨୫ଠାରୁ, କିଛି କାରବାର ପାଇଁ ଏହି ସୀମାକୁ ଯଥେଷ୍ଟ ବୃଦ୍ଧି କରାଯାଇଛି। NPCI ଏହି ପରିବର୍ତ୍ତନ ଘୋଷଣା କରିଛି। ଏହା ଦାରା ଟିକସ ଦେବା, ବୀମା ପ୍ରିମିୟମ ଦେବା, ଋଣ EMI ଦେବା, ଷ୍ଟକ ବଜାରରେ ନିବେଶ କରିବା ଭଳି କାରବାର ପାଇଁ ଏବେ ୨୪ ଘଣ୍ଟା ମଧ୍ୟରେ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ଦେୟ କରାଯାଇପାରିବ।
ଏହି ବର୍ଷ ଟିକସ ଦେବାର ଶେଷ ତାରିଖ ୧୫ ସେପ୍ଟେମ୍ବର ୨୦୨୫। ଏହି କାରଣରୁ, NPCI ଟିକସ ସମ୍ବନ୍ଧୀୟ UPI କାରବାରର ସୀମା ପ୍ରତି କାରବାର ପାଇଁ ୫ ଲକ୍ଷ ଟଙ୍କା ଏବଂ ପ୍ରତି ୨୪ ଘଣ୍ଟା ପାଇଁ ୧୦ ଲକ୍ଷ ଟଙ୍କାକୁ ବୃଦ୍ଧି କରିଛି। ଯେଉଁମାନେ UPI ମାଧ୍ୟମରେ ବଡ଼ ପରିମାଣର ଦେୟ ଦେବାକୁ ଚାହାଁନ୍ତି, ଏହା ସେମାନଙ୍କୁ ଲାଭ ଦେବ।
ଏହି ପରିବର୍ତ୍ତନଗୁଡ଼ିକ କେବଳ P2M (Person to Merchant) କାରବାର ପାଇଁ ଲାଗୁ ହେବ। ଅର୍ଥାତ୍ ଯେତେବେଳେ ଆପଣ ଏକ ଯାଞ୍ଚ ହୋଇଥିବା ବ୍ୟବସାୟୀ ଯେପରିକି ଏକ ବୀମା କମ୍ପାନୀ, ବ୍ରୋକରେଜ ଫାର୍ମ, ଟ୍ୟାକ୍ସ ପୋର୍ଟାଲ କିମ୍ବା ବ୍ୟାଙ୍କ ଇତ୍ୟାଦିକୁ ପେମେଣ୍ଟ କରନ୍ତି। ସେହି ସମୟରେ, P2P (Person to Person) କାରବାର ପାଇଁ ସୀମା ପ୍ରତିଦିନ ୧ ଲକ୍ଷ ଟଙ୍କା ରହିବ।
ଏହି ପରିବର୍ତ୍ତନ ସିଧାସଳଖ ଭାବରେ UPI ମାଧ୍ୟମରେ ଟିକସ, ବୀମା କିମ୍ବା ନିବେଶ କରୁଥିବା ବଡ଼ ବ୍ୟବସାୟୀ ଏବଂ ବୃତ୍ତିଗତଙ୍କୁ ଲାଭ ଦେବ। ଏହା ସହିତ, EMI, FD କିମ୍ବା ଡିଜିଟାଲ ସେବା ବ୍ୟବହାର କରୁଥିବା ସାଧାରଣ ଗ୍ରାହକମାନେ ମଧ୍ୟ ଲାଭବାନ ହେବେ।