ତେହରାନ୍, ୩ା୩: ଆମେରିକା ଓ ଇସ୍ରାଏଲ୍ର ମିଳିତ ଆକ୍ରମଣରେ ଶନିବାର ଇରାନ ସୁପ୍ରିମ ଲିଡର ଆୟାତୋଲ୍ଲା ଅଲୀ ଖାମେନେଇ ନିହତ ହୋଇଥିଲେ। ଏଥିସହିତ ସୁପ୍ରିମ ଲିଡରଙ୍କ ଉତ୍ତରାଧିକାରୀ ହେବାର ସମ୍ଭାବନା ଥିବା ୨ ନେତାଙ୍କର ମଧ୍ୟ ଆକ୍ରମଣରେ ମୃତ୍ୟୁ ଘଟିଥିବା ଆମେରିକା ଚିହ୍ନଟ କରିଛି ବୋଲି ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ କହିଛନ୍ତି। ଫଳରେ ଇସ୍ଲାମିକ୍ ରିପବ୍ଲିକ୍ର ପରବର୍ତ୍ତୀ ନେତୃତ୍ୱ କିଏ ନେବେ ସ୍ପଷ୍ଟ ଚିତ୍ର ଜଣାପଡ଼ୁନାହିଁ। ଆମେରିକାର ଚ୍ୟାନେଲ୍ ଏବିସି ନ୍ୟୁଜ୍ର ମୁଖ୍ୟ ଓ୍ବାଶିଂଟନ ଖବରଦାତା ଜୋନାଥନ କାନର୍ଲଙ୍କୁ ରବିବାର ରାତିରେ ଟେଲିଫୋନ୍ ଯୋଗେ ସାକ୍ଷାତ୍କାର ଦେଇ ଟ୍ରମ୍ପ୍ ଏହା କହିଛନ୍ତି। ଆକ୍ରମଣ ଏତେ ସଫଳ ଥିଲା ଯେ, ଏହା ଅଧିକାଂଶ ପ୍ରାର୍ଥୀଙ୍କୁ ମାଡ଼ କରିଥିଲା। ଖାମେନେଇଙ୍କ ପରେ ଦ୍ୱିତୀୟ ଓ ତୃତୀୟ ସ୍ଥାନରେ ଥିବା ନେତା ନିହତ ହୋଇଥିବା ଟ୍ରମ୍ପ୍ କହିଛନ୍ତି।