ମିରଟ, ୫ା୭: ଏକ କାର ଦୁର୍ଘଟଣାରେ ଭାରତର ପୂର୍ବତନ କ୍ରିକେଟର ପ୍ରବୀଣ କୁମାର ଏବଂ ତାଙ୍କର ପୁଅ ଅଳ୍ପକେ ବର୍ତ୍ତି ଯାଇଛନ୍ତି। ଏକ ଏସ୍ୟୁଭି କାର୍ରେ ପ୍ରବୀଣ ପୁଅଙ୍କ ସହିତ ପାଣ୍ଡବ ନଗରରୁ ଫେରୁଥିବା ବେଳେ କମିଶନର ଅଫିସ ସମ୍ମୁଖରେ ପଛ ଆଡୁ ଦ୍ରୁତ ଗତିରେ ଆସୁଥିବା ଏକ ଟ୍ରେଲର ଟ୍ରକ୍ କାରକୁ ଧକା ଦେଇଥିଲା। ଦୁର୍ଘଟଣା ପରେ ସେ ଓ ତାଙ୍କ ପୁଅ ସୁରକ୍ଷିତ ଥିବା ପ୍ରବୀଣ କହିଛନ୍ତି। ଭଗବାନଙ୍କ ଦୟାରୁ ବିଶେଷ କିଛି କ୍ଷତି ହୋଇ ନାହିଁ, କାରଟି ବଡ ଥିବାରୁ ସେମାନେ ବର୍ତ୍ତି ଯାଇଥିବା ପ୍ରବୀଣ କହିଛନ୍ତି। ତେବେ କାର୍ଟି କ୍ଷତିଗ୍ରସ୍ତ ହୋଇଥିବା ପ୍ରବୀଣ ସୂଚନା ଦେଇଛନ୍ତି। ଅନ୍ୟପକ୍ଷେ ପୋଲିସ ଏକ ଦୁର୍ଘଟଣା ମାମଲା ରୁଜୁ କରି ଟ୍ରକ୍ ଡ୍ରାଇଭରଙ୍କୁ ଗିରଫ କରିଥିବା ପୋଲିସ ପକ୍ଷରୁ କୁହାଯାଇଛି। ଏନେଇ ପୋଲିସ ଘଟଣାର ଅଧିକ ତଦନ୍ତ ଚଳାଇଛି।