ଖଇରା,୨୩ା୨(ଡି.ଏନ୍.ଏ.): ବାଲେଶ୍ବର ଜିଲା ଖଇରା ବ୍ଲକ ସାରୁଗାଁ ପଞ୍ଚାୟତ ଅଧୀନ ମିଟୁଆଣି ୟୁପି ସ୍କୁଲର ଇଂରାଜୀ ଶିକ୍ଷକଙ୍କୁ ଶ୍ରୀରାମପୁର ହାଇସ୍କୁଲକୁ ବଦଳି କରାଯିବା ପରେ ଅଭିଭାବକ ଛାତ୍ରୀଛାତ୍ର ତୀବ୍ର ବିରୋଧ କରିଛନ୍ତି। ପ୍ରତିବାଦରେ କମିଟି ସଭାପତି ନମିତା ବେହେରା ଓ ଉପସଭାପତି ରଙ୍ଗାଧର ସାହୁଙ୍କ ନେତୃତ୍ୱରେ ଅଭିଭାବକ ଛାତ୍ରୀଛାତ୍ର ବିଦ୍ୟାଳୟ ଗେଟ୍ରେ ତାଲା ପକାଇ ଧାରଣାରେ ବସିଛନ୍ତି। ଅତିରିକ୍ତ ଗୋଷ୍ଠୀ ଶିକ୍ଷାଧିକାରୀ ଶ୍ରୀଧର ବେହେରା,ଗୌରାଙ୍ଗ ପାଢ଼ୀ,ହେମନ୍ତ ମିଶ୍ର,ସିଆରସିସି ଲକ୍ଷ୍ମଣ ସେନ୍ ପ୍ରମୁଖ ଧାରଣାକାରୀଙ୍କ ସହ ଆଲୋଚନା କରିଥିଲେ ହେଁ କୌଣସି ସମାଧାନ ବାହାରି ପାରିନାହିଁ।