ବାହାନଗା, ୪। ୩(ଅରୂପ କୁମାର ଦାସ): ହୋଲିରେ ଅଘଟଣ। ବୁଧବାର ବାଲେଶ୍ୱର ଜିଲା ଗୋପାଳପୁର ପଞ୍ଚାୟତ ଆପିତିର ଗ୍ରାମର ଏକ ଟ୍ରାକ୍ଟର ପୋଖରୀକୁ ଖସି ପଡିବାରୁ ପଙ୍କରେ ଚାପି ହୋଇ ଡ୍ରାଇଭରର ମୃତ୍ୟୁ। ଫତେପୁର ଗ୍ରାମର ଉମା ପାତ୍ରଙ୍କ ଘର ଟ୍ରାକ୍ଟରକୁ ସେହି ଗ୍ରାମର ପଞ୍ଚାନନ ପାତ୍ର ପୁଅ ରାଧାକୃଷ୍ଣ ପାତ୍ର (୨୪) ଚଳାଉ ଥିଲେ। ଧାନ ଆଣିବା ପାଇଁ ଆପିତିରା ଗ୍ରାମକୁ ଆସୁଥିବା ବେଳେ ନୂଆ ଗଢିଆ ଆଡି ରାସ୍ତାରେ ଟ୍ରାକ୍ଟରକୁ ପଛାଉ ଥିବାବେଳେ ପୋଖରୀ ତକକୁ ଖସି ଯାଇଥିଲା। ଟ୍ରାକ୍ଟରରେ ବସିଥିବା ଅନ୍ୟ ୩ ଜଣ ଡେଇଁ ପଡିଥିବାବେଳେ ରାଧାକୃଷ୍ଣ ଟ୍ରାକ୍ଟର ତଳେ ପାଣି ଓ ପଙ୍କରେ ଚାପି ହୋଇ ରହିଯାଇଥିଲେ। ଗ୍ରାମର ଯୁବକମାନେ ଟ୍ରାକ୍ଟର ତଳୁ ରାଧାକୃଷ୍ଣକୁ ଉଦ୍ଧାର କରି ମେଡିକାଲକୁ ପଠାଇଥିଲେ। ସେଠାରେ ଡାକ୍ତର ମୃତ ଘୋଷଣା କରିଥିଲେ। ଖବର ପାଇ ଷଠୀ ଦମକଳ ବାହିନୀ ଓ ଗୋପାଳପୁର ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି।