ନୂଆଦିଲ୍ଲୀ,୨୫।୨: ପାକିସ୍ତାନ ବିପକ୍ଷରେ ହ୍ୟାରି ବ୍ରୁକ ଏକ ଐତିହାସିକ ଶତକ ହାସଲ କରିଥିଲେ। ଫଳରେ ଇଂଲଣ୍ଡକୁ ବିଜୟ ହାସଲ କରିବାରେ ସାହାଯ୍ୟ କରିଥିଲା। ଏହି ବିଜୟ ସହିତ ଇଂଲଣ୍ଡ ୨୦୨୬ ଟି୨୦ ବିଶ୍ୱକପ ସେମିଫାଇନାଲରେ ସ୍ଥାନ ପକ୍କା କରିଥିବା ପ୍ରଥମ ଦଳ ହୋଇଥିଲା। ପ୍ରଥମେ ବ୍ୟାଟିଂ କରି ପାକିସ୍ତାନ ୨୦ ଓଭରରେ ୧୬୪ ରନ କରିଥିଲା। ବ୍ରୁକଙ୍କ ଶତକ ଇଂଲଣ୍ଡକୁ ବିଜୟର ଦ୍ୱାରରେ ପହଞ୍ଚାଇଥିଲା।
ଟି୨୦ ବିଶ୍ୱକପର ପ୍ରଥମ ସଂସ୍କରଣ ୨୦୦୭ରେ ଅନୁଷ୍ଠିତ ହୋଇଥିଲା। ଯାହାକୁ ଏମଏସ ଧୋନୀଙ୍କ ଅଧିନାୟକତ୍ୱରେ ଭାରତୀୟ ଦଳ ଜିତିଥିଲା। ଏହି ଟୁର୍ନାମେଣ୍ଟ ବର୍ତ୍ତମାନ ଏହାର ଦଶମ ସଂସ୍କରଣରେ ଅଛି, କିନ୍ତୁ ବ୍ରୁକଙ୍କ ପୂର୍ବରୁ କୌଣସି ଅଧିନାୟକ ଟୁର୍ନାମେଣ୍ଟରେ କେବେ ଶତକ ହାସଲ କରି ନ ଥିଲେ। ବ୍ରୁକ ଟି୨୦ ବିଶ୍ୱକପରେ ଶତକ ହାସଲ କରିଥିବା ବିଶ୍ୱର ପ୍ରଥମ ଅଧିନାୟକ ହୋଇଛନ୍ତି।
ପ୍ରଥମ ସୁପର ୮ ମ୍ୟାଚରେ ଇଂଲଣ୍ଡ ଶ୍ରୀଲଙ୍କାକୁ ପରାସ୍ତ କରିଥିଲା। ପାକିସ୍ତାନକୁ ପରାସ୍ତ କରି ଇଂଲଣ୍ଡ ୨୦୨୬ ଟି-୨୦ ବିଶ୍ୱକପ ସେମିଫାଇନାଲରେ ପହଞ୍ଚିଥିଲା। ଶେଷ ସୁପର ୮ ମ୍ୟାଚରେ ଇଂଲଣ୍ଡ ନ୍ୟୁଜିଲାଣ୍ଡ ସହିତ ମୁକାବିଲା କରିବ।