ନୂଆଦିଲ୍ଲୀ,୧୩।୩: ଇଣ୍ଡିଆନ ପ୍ରିମିୟର ଲିଗ ୨୦୨୫ର ପ୍ରଥମ ମ୍ୟାଚ ୨୨ ମାର୍ଚ୍ଚରେ କୋଲକାତା ନାଇଟ ରାଇଡର୍ସ ଏବଂ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ମଧ୍ୟରେ ଖେଳାଯିବ। ଗତ ସିଜିନରେ କୋଲକାତା ଆଇପିଏଲ ଟାଇଟଲ ଜିତିଥିଲା। ରାଜସ୍ଥାନ ରୟାଲ୍ସର ପ୍ରଥମ ମ୍ୟାଚ ୨୩ ମାର୍ଚ୍ଚରେ ହେବ। ରାଜସ୍ଥାନ ସନରାଇଜର୍ସ ହାଇଦ୍ରାବାଦକୁ ଭେଟିବ। ମେଗା ନିଲାମରେ ରାଜସ୍ଥାନ ଜଣେ ୧୩ ବର୍ଷୀୟ ଖେଳାଳି ବୈଭବ ସୂର୍ଯ୍ୟବଂଶୀଙ୍କୁ କିଣିଥିଲା। ବୈଭବ କମ ବୟସରେ ବହୁତ ଭଲ ପ୍ରଦର୍ଶନ କରିଛନ୍ତି।
ବୈଭବ ଅନେକ ଥର ଭାରତୀୟ ୧୯ ବର୍ଷରୁ କମ ଦଳ ପାଇଁ ଚମତ୍କାର ପ୍ରଦର୍ଶନ କରିଛନ୍ତି। ସେ ଅଷ୍ଟ୍ରେଲିଆ ବିପକ୍ଷ ମ୍ୟାଚ୍ରେ ଏକ ଘାତକ ପ୍ରଦର୍ଶନ କରିଥିଲେ। ବୈଭବ ମାତ୍ର ୫୮ ବଲ୍ରେ ଶତକ ହାସଲ କରିଥିଲେ। ବୈଭବ ୨୦୨୪ରେ ଅନୁଷ୍ଠିତ ୧୯ ବର୍ଷରୁ କମ ଏସିଆ କପରେ ମଧ୍ୟ ଚମତ୍କାର ପ୍ରଦର୍ଶନ କରିଥିଲେ। ସେ ଶ୍ରୀଲଙ୍କା ବିପକ୍ଷ ସେମିଫାଇନାଲରେ ଭାରତ ପାଇଁ ଅର୍ଦ୍ଧଶତକ ହାସଲ କରିଥିଲେ। ଏହି ମ୍ୟାଚ୍ରେ ବୈଭବ ୩୬ ବଲ ସାମ୍ନା କରି ୬୭ ରନ କରିଥିଲେ। ତାଙ୍କ ଇନିଂସରେ ୬ ଚୌକା ଏବଂ ୫ ଛକା ସାମିଲ ଥିଲା।
ଆଇପିଏଲ ମେଗା ନିଲାମରେ ବୈଭବ ସୂର୍ଯ୍ୟବଂଶୀ ସବୁଠାରୁ ଯୁବ କୋଟିପତି ହୋଇଥିଲେ। ତାଙ୍କୁ ରାଜସ୍ଥାନ ରୟାଲ୍ସ ୧.୧୦ କୋଟି ଟଙ୍କାରେ କିଣିଥିଲା। ବୈଭବଙ୍କ ମୂଳ ମୂଲ୍ୟ ୩୦ ଲକ୍ଷ ଟଙ୍କା ଥିଲା। ରାଜସ୍ଥାନର ନଜର ବହୁ ଦିନ ଧରି ବୈଭବ ଉପରେ ଥିଲା। ଅଷ୍ଟ୍ରେଲିଆ ବିପକ୍ଷରେ ଶତକ ମାରିବା ବ୍ୟତୀତ ସେ ଅନ୍ୟ ଏକ ମ୍ୟାଚ୍ରେ ତ୍ରିଶତକ ମଧ୍ୟ ମାରିଛନ୍ତି। ବୈଭବ ବିହାରରେ ଅନୁଷ୍ଠିତ ଏକ ୧୯ ବର୍ଷରୁ କମ ଟୁର୍ନାମେଣ୍ଟରେ ଅପରାଜିତ ୩୩୨ ରନ କରିଥିଲେ।