ନୂଆଦିଲ୍ଲୀ,୮।୫: ଭାରତରେ ହେବାକୁ ଯାଉଛି ବଡ଼ ଯୁଦ୍ଧ। ଏନେଇ ୧୦ମାସ ପୂର୍ବରୁ ହୋଇଛି ଭବିଷ୍ୟବାଣୀ। ଜଣେ ବିଶିଷ୍ଟ ଜ୍ୟୋତିଷ ଗତ ୧୦ ମାସ ପୂର୍ବେ ଭବିଷ୍ୟବାଣୀ କରିଥିଲେ ଯେ ୨୦୨୫ ମେ ମାସରେ ଏକ ବିରଳ ଗ୍ରହସ୍ଥିତି ଘଟିବ, ଯାହା ମହାଭାରତ ଯୁଗର ଗ୍ରହସଂଯୋଗ ସହ ସମାନ। ଜ୍ୟୋତିଷ ସ୍ବାମୀ ଯୋଗେଶ୍ୱରାନନ୍ଦ ଗିରି ଦାବି କରିଛନ୍ତି ଯେ ମେ ୨୫, ୨୦୨୫ରେ ଛଅଟି ଗ୍ରହର ଏକ ସଂଯୋଗ ବିଶ୍ୱରେ ଏକ ବଡ଼ ଯୁଦ୍ଧର ସୂଚନା ଦେବ। ତେବେ ସେ ଏହା ମଧ୍ୟ କହିଛନ୍ତି ଯେ ଏହି ଘଟଣା ଭାରତ ପାଇଁ ଏକ ସୁବର୍ଣ୍ଣ ଯୁଗର ଆରମ୍ଭ କରିବ, ଯେଉଁଠାରେ ଭାରତ ବିଶ୍ୱ ମଞ୍ଚରେ ନେତୃତ୍ୱ ନେବ।
India Pakistan War ବୈଦିକ ଜ୍ୟୋତିଷ ଉପରେ ଆଧାରିତ ଏହି ଭବିଷ୍ୟବାଣୀ ସୂଚାଇଛି ଯେ ଏହି ଗ୍ରହସଂଯୋଗ ବିଶ୍ୱ ରାଜନୀତିରେ ବଡ଼ ପରିବର୍ତ୍ତନ ଆଣିବ। ଜ୍ୟୋତିଷଙ୍କ ମତରେ, ଏହି ସମୟ ଭାରତର ଅର୍ଥନୀତି ଓ ସାଂସ୍କୃତିକ ପ୍ରଭାବକୁ ବୃଦ୍ଧି କରିବ, ଯାହା ଦେଶକୁ ଏକ ବିଶ୍ୱ ଶକ୍ତି ଭାବେ ପ୍ରତିଷ୍ଠିତ କରିବ। ଏହି ଭବିଷ୍ୟବାଣୀ ସମ୍ପର୍କରେ ବିଶେଷଜ୍ଞମାନେ ମିଶ୍ରିତ ମତ ଦେଇଛନ୍ତି। କେହି ଏହାକୁ ଜ୍ୟୋତିଷ ଶାସ୍ତ୍ରର ଏକ ଗୁରୁତ୍ୱପୂର୍ଣ୍ଣ ଭବିଷ୍ୟବାଣୀ ଭାବେ ଦେଖୁଛନ୍ତି, ଆଉ କେହି ଏହାକୁ ଅନୁମାନଭିତ୍ତିକ ବୋଲି କହୁଛନ୍ତି। ତେବେ ଏହି ଭବିଷ୍ୟବାଣୀ ସାମାଜିକ ଗଣମାଧ୍ୟମରେ ବେଶ ଚହଳ ସୃଷ୍ଟି କରିଛି।