ନୂଆଦିଲ୍ଲୀ,୩୦।୪: ଜମ୍ମୁ-କଶ୍ମୀରର ପହଲଗାମରେ ଘଟିଥିବା ଭୟଙ୍କର ଆତଙ୍କୀ ଆକ୍ରମଣରେ ୨୬ ଜଣ ନିରୀହ ବ୍ୟକ୍ତିଙ୍କ ଜୀବନ ହରାଇଥିବା ଘଟଣାର ମୁଖ୍ୟ ମାଷ୍ଟରମାଇଣ୍ଡ ଭାବେ ହାସିମ ମୂଷାଙ୍କୁ ଚିହ୍ନଟ କରାଯାଇଛି। ଏହି ଆତଙ୍କୀ ଆକ୍ରମଣ ପଛରେ ପାକିସ୍ତାନର ସମ୍ପୃକ୍ତିର ପ୍ରମାଣ ମିଳିଥିବା ବେଳେ ହାସିମ ମୂଷା ସମ୍ପର୍କରେ ନୂଆ ତଥ୍ୟ ସାମ୍ନାକୁ ଆସିଛି।
Pahalgam Mastermind ଗୁଇନ୍ଦା ତଥ୍ୟ ଅନୁସାରେ ହମଲା ପରେ ଦକ୍ଷିଣ କାଶ୍ମୀର ଜଙ୍ଗଲରେ ଲୁଚିଛି ଆତଙ୍କୀ ମୂଷା। ମୂଷାକୁ ଜୀବନ୍ତ ଧରିବାକୁ ସେନା ଚଳାଇଛି ବଡ଼ ଧରଣର ସର୍ଚ୍ଚ ଅପରେଶନ। କୌଣସି ପ୍ରକାର ପାକିସ୍ତାନକୁ ଖସିଯିବାକୁ ଚେଷ୍ଟା ଚଳାଇଛନ୍ତି ମୂଷା। ତେବେ ମୂଷାଙ୍କ ସୁରାକ ଦେଲେ ୨୦ ଲକ୍ଷ ଟଙ୍କା ପୁରସ୍କାର ଦେବାକୁ ସେନା ଘୋଷଣା କରିଛି।
Pahalgam Mastermind ସୂଚନା ଅନୁଯାୟୀ, ହାସିମ ମୂଷା ପାକିସ୍ତାନ ସେନାର ସ୍ପେଶାଲ ସର୍ଭିସ ଗ୍ରୁପ (ଏସଏସଜି)ରେ ପାରା-କମାଣ୍ଡୋ ଭାବେ ଉଚ୍ଚସ୍ତରୀୟ ତାଲିମ ଗ୍ରହଣ କରିଛି। ଏହି ତାଲିମରେ ଅସାଧାରଣ ଯୁଦ୍ଧ କୌଶଳ, ପର୍ବତୀୟ ଯୁଦ୍ଧ, ଗୁପ୍ତ ଅଭିଯାନ ଏବଂ ଅତ୍ୟାଧୁନିକ ଅସ୍ତ୍ର ନିୟନ୍ତ୍ରଣ କୌଶଳ ଶିକ୍ଷା ଦିଆଯାଇଥିଲା। ପହଲଗାମ ଆକ୍ରମଣରେ ବ୍ୟବହୃତ ଏମ୪ କାର୍ବାଇନ ଭଳି ଅସ୍ତ୍ର ଏହାର ପ୍ରମାଣ ବୋଲି ସୁରକ୍ଷା ଏଜେନ୍ସି ଦାବି କରିଛି। ଏହି ତାଲିମ ତାକୁ ଅତ୍ୟନ୍ତ ବିପଜ୍ଜନକ ଏବଂ ଧୂର୍ତ୍ତ ଆତଙ୍କୀ ଭାବେ ଗଢ଼ି ତୋଳିଛି।
Pahalgam Mastermind ଏଜେନ୍ସିଙ୍କ ଅନୁସାରେ, ହାସିମ ମୂଷା ବର୍ତ୍ତମାନ ଜମ୍ମୁ-କଶ୍ମୀରର ଦକ୍ଷିଣ କାଶ୍ମୀର ଅଞ୍ଚଳର ଜଙ୍ଗଲୀ ଓ ପର୍ବତୀୟ ଅଞ୍ଚଳରେ ଲୁଚି ରହିଛନ୍ତି। ସେ ପାକିସ୍ତାନକୁ ଖସି ଯିବାର ଚେଷ୍ଟା କରୁଥିବା ସନ୍ଦେହ କରାଯାଉଛି। ହାସିମ ମୂଷା ଲସ୍କର-ଏ-ତୋଇବା (ଏଲଇଟି) ଓ ଟିଆରଏଫ ସହ ଜଡ଼ିତ ଏକ ହାର୍ଡକୋର ଆତଙ୍କୀ। ସେ କଥୁଆ ଓ ସମ୍ବା ସେକ୍ଟର ଦେଇ ଭାରତୀୟ ସୀମାରେ ଅନୁପ୍ରବେଶ କରି ରାଜୋରୀ-ପୁଞ୍ଚ ଅଞ୍ଚଳରେ ସକ୍ରିୟ ଥିଲା। ଗତ ବର୍ଷ ସେ ଅନେକ ଆତଙ୍କୀ ଆକ୍ରମଣରେ ଜଡ଼ିତ ଥିବା ସନ୍ଦେହ କରାଯାଉଛି। ତାଙ୍କର ଉଚ୍ଚସ୍ତରୀୟ ସାମରିକ ତାଲିମ, ଅତ୍ୟାଧୁନିକ ଅସ୍ତ୍ର ବ୍ୟବହାର କୌଶଳ ଏବଂ ଗୁପ୍ତ ଅଭିଯାନ ଚଳାଇବାର ଦକ୍ଷତା ତାଙ୍କୁ ଅତ୍ୟନ୍ତ ବିପଜ୍ଜନକ କରିଛି। ସୁରକ୍ଷା ଏଜେନ୍ସି ଅନୁସାରେ, ତାଙ୍କ ନେଟୱାର୍କକୁ ନିଷ୍କ୍ରିୟ କରିବା ଅତ୍ୟନ୍ତ କଷ୍ଟସାଧ୍ୟ। ସେ ଅନ୍ତତଃ ଛଅଟି ଆତଙ୍କୀ ଆକ୍ରମଣରେ ଜଡ଼ିତ ଥିବା ଜଣାପଡ଼ିଛି।