ଦାରିଙ୍ଗବାଡ଼ି/ବ୍ରାହ୍ମଣୀଗାଁ,୨୦ା୨ଅରୁଣ ସାହୁ/ମନୋରଞ୍ଜନ ରଣା): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ବ୍ରାହ୍ମଣୀଗାଁଠାରେ ଶ୍ରୀ ଶ୍ରୀ ମୁକ୍ତେଶ୍ୱର ମହାରୁଦ୍ରଙ୍କ ଜୀର୍ଣ୍ଣୋଦ୍ଧାର ଭବ୍ୟ ମନ୍ଦିର ଓ ହନୁମାନଙ୍କ ବିଗ୍ରହ ପ୍ରତିଷ୍ଠା ମହାସମାରୋହ ଗୁରୁବାରଠାରୁ ଆରମ୍ଭ ହୋଇଛି। ପ୍ରଥମ ଦିନରେ ଦୀକ୍ଷା ଗ୍ରହଣ ଓ ଅଙ୍କୁରରୋପଣ କରାଯାଇଥିବା ବେଳେ ଶୁକ୍ରବାର କଳସ ଯାତ୍ରା ଯଜ୍ଞଆରମ୍ଭ, ମଣ୍ଡଳ ଦେବତା ପୂଜା ହୋମ ଓ ବନଯୋଗ କାର୍ଯ୍ୟକ୍ରମ କରାଯାଉଛି। ପ୍ରଥମେ ସମସ୍ତେ ମୁକ୍ତେଶ୍ୱରଙ୍କ ମନ୍ଦିର ରେ ଶତାଧିକ ମହିଳା ଓ ପୁରୁଷ ଶ୍ରଦ୍ଧାଳୁ ଏକାଠି ହୋଇ ସେଠାରୁ ବିରାଟ ଶୋଭାଯାତ୍ରାରେ ବାହାରି ଝିଞ୍ଜିରୀଗୁଡ଼ାର ଜଳତୁଠରେ ପହଞ୍ଚି ସେଠାରେ ଇନ୍ଦ୍ର ପୂଜନ, ଗଙ୍ଗା ପୂଜନ ପରେ ପୁଣି ବିରାଟ ଶୋଭାଯାତ୍ରାରେ ଯଜ୍ଞ ମଣ୍ଡପକୁ ଫେରିଥିଲେ।
ପ୍ରକାଶ ଯେ, ଏହି କାର୍ଯ୍ୟକ୍ରମ ପାଇଁ ବ୍ରାହ୍ମଣୀଗାଁ ଏବେ ଉତ୍ସବ ମୁଖର ହୋଇଛି। ତୋରଣ ଓ ଆଲୋକମାଳାରେ ବ୍ରାହ୍ମଣୀଗାଁ ଏବେ ଝଲସିଉଠୁଛି। କାର୍ଯ୍ୟକ୍ରମକୁ ମନ୍ଦିର କମିଟି ଓ ଗ୍ରାମବାସୀ ଆୟୋଜନ କରିଥିବା ବେଳେ ଏହାକୁ ପରିଚାଳନା କରୁଛନ୍ତି।
ଏହି କାର୍ଯ୍ୟକ୍ରମ ୫ ଦିନ ଧରି ଚାଲିବ। ଆସନ୍ତା ସୋମବାର ଉଦ୍ଯାପିତ ହେବ। ଏହି ପାଞ୍ଚଦିନ ମଧ୍ୟରେ ବିଭିନ୍ନ କାର୍ଯ୍ୟକ୍ରମ ମଧ୍ୟରେ ଦେବତାମାନଙ୍କ ମହାସ୍ନାନ, ରତ୍ନମୁଦ, ମହାରୁଦ୍ରାଭିଷେକ, ମନ୍ଦିର ପ୍ରବେଶ, ଘୃତ ଯଜ୍ଞ, ନାମଯଜ୍ଞ ଆଦି ପାଳନ କରାଯାଉଛି। କାର୍ଯ୍ୟକ୍ରମରେ କନ୍ଧମାଳ ଜିଲା ସମେତ ପଡ଼ୋଶୀ ଗଞ୍ଜମ, ଗଜପତି, ରାୟଗଡ଼ା ସମେତ ଅନ୍ୟ ଜିଲାର ଶ୍ରଦ୍ଧାଳୁମାନେ ଯୋଗଦେଇ ଦର୍ଶନ କରୁଥିବା ଜଣାପଡ଼ିଛି।