ଭଞ୍ଜନଗର,୨୧।୨(ବାବୁଲା ପ୍ରଧାନ):ଗଞ୍ଜାମ ଜିଲା ଭଞ୍ଜନଗର କବି ସମ୍ରାଟ ଉପେନ୍ଦ୍ର ଭଞ୍ଜ ମହାବିଦ୍ୟାଳୟ ସମ୍ମୁଖରେ ଶନିବାର ସକାଳେ ଏକ ବୁଲେଟ ଗାଡ଼ି ସହ ବାଇକ ମଧ୍ୟରେ ଧକ୍କା ହୋଇଛି। ଏଥିରେ ୨ ଜଣ ଆହତ ହୋଇଛନ୍ତି। ସଂପୃକ୍ତ ଅଞ୍ଚଳବାସୀ ଆହତ ଦ୍ବୟଙ୍କୁ ଉଦ୍ଧାର କରି ଚିକିତ୍ସା ପାଇଁ ଭଞ୍ଜନଗର ହସ୍ପିଟାଲରେ ଭର୍ତ୍ତି କରିଥିଲେ। ସେଥିମଧ୍ୟରୁ ବାଇକ ଚାଳକଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଅଧିକ ଚିକିତ୍ସା ପାଇଁ ବ୍ରହ୍ମପୁର ବଡ ମେଡିକାଲକୁ ପଠାଯାଇଛି।
ଘଟଣାରୁ ପ୍ରକାଶ ଯେ, ଆଜି କବି ସମ୍ରାଟ ଉପେନ୍ଦ୍ର ଭଞ୍ଜ ମହାବିଦ୍ୟାଳୟ ଅର୍ଥନୀତି ବିଭାଗର ଛାତ୍ରୀଛାତ୍ରମାନେ ଷ୍ଟଡିଟୁର ଯାଉଥିଲେ। ତେଣୁ ଜଣେ ଅଭିଭାବକ ତାଙ୍କ ଝିଅକୁ କଲେଜକୁ ଛାଡ଼ିବାକୁ ଆସିଥିଲେ। ଝିଅକୁ ଛାଡ଼ିବା ପରେ ସେ କଲେଜ ମୁଖ୍ୟ ଫାଟକ ଦେଇ ବାହାରକୁ ଆସୁଥିଲେ। ଏହି ସମୟରେ ମୁଖ୍ୟ ସଡକରେ ଏକ ବାଇକ ଆସୁଥିଲା। ଫଳରେ ବୁଲେଟ ଓ ବାଇକ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା।