ନ୍ୟୁୟର୍କ,୧୮।୨: ଗତ କିଛି ଦିନ ହେବ ଟେସଲା ଏବଂ ସ୍ପେସଏକ୍ସ ମାଲିକ ଏଲନ ମସ୍କ ତାଙ୍କର ସୋସିଆଲ ପୋଷ୍ଟ ଯୋଗୁ ପ୍ରତିଦିନ ଚର୍ଚ୍ଚାରେ ଥାନ୍ତି। ସେ ପ୍ରାୟତଃ ଏପରି ପୋଷ୍ଟ କରନ୍ତି, ଯାହା ସାରା ବିଶ୍ୱର ଗଣମାଧ୍ୟମରେ ଆଲୋଚନା ହୁଏ। ସେ ଓ୍ବିକିପିଡିଆର ନାମ ସମ୍ପର୍କରେ ସମାନ କିଛି ପୋଷ୍ଟ କରିଛନ୍ତି। ପ୍ରକୃତରେ, ଏଲନ ମସ୍କ ଚାହୁଁଛନ୍ତି ଯେ ୱିକିପିଡିଆ ତାର ନାମ ପରିବର୍ତ୍ତନ କରୁ।
ଏଥିପାଇଁ ସେ ଓ୍ବିକିପିଡିଆକୁ ବିପୁଳ ପରିମାଣର ଟଙ୍କା ପ୍ରଦାନ କରିସାରିଛନ୍ତି। ଏବେ ତାଙ୍କ ବକ୍ତବ୍ୟକୁ ଦୋହରାଇ ମସ୍କ Xରେ ପୋଷ୍ଟ କରିଛନ୍ତି ଯେ, ସେ ପୁଣିଥରେ ଓ୍ବିକିପିଡିଆକୁ ୧ ବିଲିୟନ ଡଲାର ଅଫର କରିଛନ୍ତି , କିନ୍ତୁ ସର୍ତ୍ତ ସମାନ ଯେ ଏହାକୁ ଏହାର ନାମ ପରିବର୍ତ୍ତନ କରିବାକୁ ପଡିବ।
ପ୍ରକୃତରେ ମସ୍କ ଗତ ବର୍ଷ ଅକ୍ଟୋବର୨୦୨୩ରେ ଏକ ମଜାଦାର ପ୍ରସ୍ତାବ ଦେଇଥିଲେ ଯେ ଯଦି ୱିକିପିଡିଆ ଏହାର ନାମ ପରିବର୍ତ୍ତନ କରି ‘ଡିକିପିଡିଆ’ ରଖେ, ତେବେ ସେ ୧ ବିଲିୟନ ଡଲାର ଦେବେ। ନିକଟରେ ଯେତେବେଳେ ଜଣେ ଏକ୍ସ ବ୍ୟବହାରକାରୀ ଜନ୍ ମସ୍କଙ୍କୁ ପଚାରିଥିଲେ, ଏହି ଅଫରଟି ଏବେ ବି ବୈଧ କି?, ମସ୍କ ଉତ୍ତର ଦେଇଥିଲେ, “ହଁ, ଅଫରଟି ଏବେ ବି ବୈଧ।
ମସ୍କ ୱିକିପିଡିଆ ଉପରେ ମଧ୍ୟ କଟାକ୍ଷ କରି କହିଛନ୍ତି ଯେ, ଯେତେବେଳେ ସେ ୱିକିପିଡିଆରେ କୌଣସି ପୃଷ୍ଠା ଖୋଲନ୍ତି, ସାଇଟ ପାଣ୍ଠି ପାଇଁ ଟଙ୍କା ମାଗୁଥାଏ। ଜଣେ ଏକ୍ସ ଉପଭୋକ୍ତା ପିଟ ‘ୱିକିପିଡିଆ’ ପାଇଁ ଏକ ମଜାଦାର ମିମ୍ ଶେୟାର କରିଥିଲେ, ଯେଉଁଥିରେ ଲେଖାଥିଲା, ଯେତେବେଳେ ମୁଁ ତାଙ୍କ ପୃଷ୍ଠା ଖୋଲିବି ସେତେବେଳେ ଉଇକିପିଡିଆ ଟଙ୍କା ମାଗେ। ଏଥିରେ ମସ୍କ ହସି ହସି ଉତ୍ତର ଦେଇଥିଲେ ପ୍ରତ୍ୟେକ ଥର!