ମୁମ୍ବାଇ: ବଲିଉଡ୍ ଅଭିନେତ୍ରୀ ତାରା ସୁତାରିଆ ଏବଂ ବୀର ପାହାରିଆ କିଛି ମାସର ଡେଟିଂ ପରେ ଅଲଗା ହେବାକୁ ନିଷ୍ପତ୍ତି ନେଇଛନ୍ତି। ସେମାନଙ୍କ ସମ୍ପର୍କ ‘ଏପି ଢିଲୋନ୍ କନ୍ସର୍ଟ ବିବାଦ’ ପରେ ସର୍ବସାଧାରଣରେ ଚର୍ଚ୍ଚାର ବିଷୟ ପାଲଟିଥିଲା।
ତାରା ଓ ବୀର ୨୦୨୫ ପ୍ରାରମ୍ଭରେ ଡେଟିଂ ଆରମ୍ଭ କରିଥିଲେ ଏବଂ ମଧ୍ୟଭାଗରେ ଏକ ଫ୍ୟାସନ୍ ଇଭେଣ୍ଟରେ ଏକାଠି ଉପସ୍ଥିତ ହୋଇ ତଥା ଗଣେଶ ଚତୁର୍ଥୀ ପାଳନ କରି ସେମାନେ ସମ୍ପର୍କକୁ ଅଫିସିଆଲ୍ କରିଥିଲେ।
କିଛି ସପ୍ତାହ ପୂର୍ବରୁ ଏପି ଢିଲୋନ୍ଙ୍କ ମୁମ୍ବାଇ କନ୍ସର୍ଟରେ ତାରା ମଞ୍ଚ ଉପରେ ଦେଖାଯିବା ପରେ ବିବାଦ ଦେଖାଦେଇଥିଲା। ସେତେବେଳେ ତାରା ତାଙ୍କ ଇନ୍ଷ୍ଟାଗ୍ରାମରେ ‘ମିଛ କଥା’ ଏବଂ ‘ଏଡିଟିଂ ହୋଇଥିବା ଭିଡିଓ’କୁ ଖଣ୍ଡନ କରି ବୀରଙ୍କୁ ସମର୍ଥନ କରିଥିଲେ। ତେବେ, ଏହି ଘଟଣାର କିଛି ଦିନ ପରେ ହିଁ ଉଭୟ ଅଲଗା ହୋଇଯାଇଥିବା ଫିଲ୍ମଫେୟାର ରିପୋର୍ଟ କରିଛି।
ଉଭୟ ତାରା କିମ୍ବା ବୀର ଏପର୍ଯ୍ୟନ୍ତ ସେମାନଙ୍କ ସମ୍ପର୍କ ଭାଙ୍ଗିବାର କାରଣ ନେଇ କୌଣସି ଔପଚାରିକ ବୟାନ ଦେଇନାହାଁନ୍ତି। ଉଭୟ ପୂର୍ବରୁ ପରସ୍ପର ସହ ଦୃଢ଼ ବନ୍ଧନ ଥିବା କଥା କହିଥିଲେ।