ବରଗଡ଼,୧୬।୯(ପ୍ରେମାନନ୍ଦ ଖମାରୀ)- ବରଗଡ଼ ଜିଲା କ୍ରୀଡ଼ା ସଂସଦ ଆନୁକୁଲ୍ୟରେ ମଙ୍ଗଳବାର ସ୍ଥାନୀୟ ଲେଙ୍ଗୁ ମିଶ୍ର ଷ୍ଟାଡିୟମରେ ସୁପ୍ରିୟା ସ୍ମାରକୀ ଜିଲା ଆନ୍ତଃ କ୍ଲବ ନକ ଆଉଟ ଫୁଟବଲ ପ୍ରତିଯୋଗିତା ଉଦଘାଟିତ ହୋଇଯାଇଅଛି । ଜିଲା କ୍ରୀଡ଼ା ସଂସଦ ଉପ ସଭାପତି ଯୁଗଳ ପ୍ରସାଦ ସିଂଙ୍କ ସଭାପତିତ୍ୱରେ ଓ ବରିଷ୍ଠ କ୍ରୀଡା ଶିକ୍ଷକ ତଥା ପ୍ରତିଯୋଗିତାର ମ୍ୟାଚ କମିଶନର ସଚ୍ଚିଦାନନ୍ଦ ପଣ୍ଡାଙ୍କ ସଂଯୋଜନାରେ ଅନୁଷ୍ଠିତ ଉଦଘାଟନୀ ଉତ୍ସବରେ ପ୍ରାକ୍ତନ ସାଧାରଣ ସମ୍ପାଦକ ଅରୁଣ କୁମାର ମହାନ୍ତି ପ୍ରତିଯୋଗିତାକୁ ଉଦଘାଟନ କରିଥିଲେ । ଏହି ସମୟରେ ଅନ୍ୟତମ ପ୍ରାକ୍ତନ ସାଧାରଣ ସମ୍ପାଦକ ପ୍ରଭାତାଦିତ୍ୟ ମିଶ୍ର, ସାଧାରଣ ସମ୍ପାଦକ କିଶୋର କୁମାର ମିଶ୍ର , ଯୁଗ୍ମ ସମ୍ପାଦକ ତଥା ଜିଲା କ୍ରୀଡ଼ା ଅଧିକାରୀ ଅଭୟ କୁମାର ପଟ୍ଟନାୟକ, ଫୁଟବଲ ସମ୍ପାଦକ ସେକ ସବଦର, କ୍ରୀଡା ସମ୍ପାଦକ ହରଦୀପ ସିଂ, କୋଷାଧ୍ୟକ୍ଷ ଡଃଶୁଭ୍ରାଂଶୁ ଶେଖର ମହାପାତ୍ର, କ୍ରିକେଟ ସମ୍ପାଦକ ଅମିୟ ଭୂଷଣ ସାହୁ, ଆଉଟ ଡୋର ଗେମ୍ସ ସମ୍ପାଦକ ସୁରେଶ ଦାଶ, ପ୍ରାକ୍ତନ ଖେଳାଳି ପ୍ରେମନାଥ ଗିରି, ପ୍ରଦୀପ ନନ୍ଦ, ଅତିଶ ପଣ୍ଡା, ଜ୍ଞାନ ରଞ୍ଜନ ପୂଜାରୀ ପ୍ରମୁଖ ଉପସ୍ଥିତ ଥିଲେ। ଉଦଘାଟନୀ ଦିବସର ଏକମାତ୍ର ମ୍ୟାଚଟି ସାଧୀନ କ୍ଳବ, ଡୁମେୱରପାଲି ଏବଂ ଏସ.ସି କୁଶନପୁରୀ ମଧ୍ୟରେ ହେବାର ଥିଲା । ପ୍ରବଳ ବର୍ଷା ଯୋଗୁଁ ମ୍ୟା କୁ ସ୍ଥଗିତ ରଖାଯାଇଛି । ଏହି ମ୍ୟାଚ୍ଟି ଆସନ୍ତା ୧୯ ତାରିଖରେ ସକାଳରେ ଖେଳା ଯିବାକୁ ନିଷ୍ପତ୍ତି ନିଆଯାଇଛି । ସମସ୍ତ କାର୍ଯ୍ୟକ୍ରମ ସଂଯୋଜନାରେ ରମାକାନ୍ତ (ବବଲୁ) ଦାଶ ଓ ବିକାଶ ବିଶ୍ୱାଳ ସହଯୋଗ କରିଥିଲେ । ବୁଧବାର ପ୍ରଥମ ମ୍ୟାଚ ସୁପ୍ରିମ ଏଥେଲେଟିକ ଏସୋସିଏସନ, ଚିଚିଣ୍ଡା ଓ ପଞ୍ଚାୟତ କଲେଜ, ବରଗଡ଼ ଏବଂ ଦିତୀୟ ମ୍ୟାଚ ଡୁଙ୍ଗୁରି ଓ ୟୁଥ ଆଥେଲେଟିକ ଆସୋସିଏସନ , ବରଡୋଲ ମଧ୍ୟରେ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି ।