ଲୋଇସିଂହା,୯।୧(ସୁଶାନ୍ତ ବାରିକ): ଜାତୀୟ ଖାଦ୍ୟ ସୁରକ୍ଷା ଯୋଜନାରେ ପଞ୍ଚାୟତରୁ ପିଡିଏସ ନେବାକୁ ହେଲେ ହିତାଧିକାରୀ କିମ୍ବା ତାଙ୍କ ପରିବାର ସଦସ୍ୟଙ୍କ ଆଖି କିମ୍ବା ଆଙ୍ଗୁଠି ସ୍କାନିଂ ନିଆଯାଇଥାଏ। କିନ୍ତୁ ଆଗଲପୁର ବ୍ଲକର କେତେକ ପଞ୍ଚାୟତରେ ଯୋଗାଣ ନିରୀକ୍ଷକମାନେ କିଛି ହିତାଧିକାରୀଙ୍କ ଆଖି କିମ୍ବା ଆଙ୍ଗୁଠି ସ୍କାନିଂ ସଫଳ ହେବା ସତ୍ତ୍ୱେ ସେମାନଙ୍କୁ ମାସମାସ ଧରି ପିଡିଏସ ଦିଆଯାଉନାହିଁ। କୁଆଡେ ସେମାନେ ପ୍ରଧାନମନ୍ତ୍ରୀ ଆବାସ କାର୍ଯ୍ୟାଦେଶ ପାଇଁ ବର୍ଷବର୍ଷ ହେଲା ଘର ଅଧାପନ୍ତରିଆ କରିଥିବାରୁ ଆଗଲପୁର ବ୍ଲକ ପ୍ରଶାସନ ପକ୍ଷରୁ ଏପରି କଡା ଆଭିମୁଖ୍ୟ ଗ୍ରହଣ କରାଯାଇଛି। ଯାହାଫଳରେ ରୋଗଗ୍ରସ୍ତ ଓ ଦାଦାନ ପରିବାର ସଦସ୍ୟ ପିଡିଏସ ନ ପାଇ ଅର୍ଦ୍ଧାହାରରେ ଦିନ କାଟୁଛନ୍ତି। ଏପରି ଅଭିଯୋଗ ପାଇଁ ଜିଲାପରିଷଦ ଅଧ୍ୟକ୍ଷା ଦେବକୀ ସାହୁ ଜିଲାପାଳ ଓ ଜିଲାକାର୍ଯ୍ୟନିର୍ବାହୀ ଅଧିକାରୀଙ୍କ ଦୃଷ୍ଟି ଆକର୍ଷଣ କରି ବ୍ଲକ ପ୍ରଶାସନର ଏପରି ଆଭିମୁଖ୍ୟକୁ କଡା ଭାଷାରେ ଭସର୍ତ୍ନା କରି ଉଦବେଗ ପ୍ରକାଶ କରିଛନ୍ତି। ଏହି ଘଟଣାର ତଦନ୍ତ କରି ହିତାଧିକାରୀଙ୍କୁ ପିଡିଏସ ବଣ୍ଟନ କରିବା ସହ ମନମାନୀ କରୁଥିବା ଅଧିକାରୀ ଓ କର୍ମଚାରୀଙ୍କ ବିରୋଧରେ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ପାଇଁ ଜିଲା ପରିଷଦ ଅଧ୍ୟକ୍ଷା ଜିଲାପାଳଙ୍କୁ ନିବେଦନ କରିଛନ୍ତି।
ମିଳିଥିବା ଅଭିଯୋଗ ଅନୁଯାୟୀ, ଆଗଲପୁର ବ୍ଲକ ନଅଗାଁ(କ) ପଞ୍ଚାୟତର କବିତା ଛତର, ମଲ୍ଲୀଫୁଲ ସାହୁ, ଟଙ୍କଧର ସାହୁ, ସୁମୁଖୀ ସାହୁ, ରମା ସାହୁ, ବୀରେନ୍ଦ୍ର ସାହୁ, ସସ୍ମିତା ଗଡତ୍ୟା ସଂଯୁକ୍ତ, ରାଉତକନକ ଦଣ୍ଡସେନା, ରୋହିତ ଭୋଇ ପ୍ରମୁଖଙ୍କ ଗତ ୩ ମାସର ହେଲା ଜାତୀୟ ଖାଦ୍ୟ ସୁରକ୍ଷା ଯୋଜନାରେ ପିଡିଏସ ପାଇବା ପାଇଁ ପଞ୍ଚାୟତରେ ପିଏସଓଅଥନିକେସନ ସଫଳ ହୋଇଛି ା କିନ୍ତୁ ସେମାନଙ୍କୁ ପିଡିଏସ ଦିଆଯାଇନାହିଁ ବୋଲି ୮ ଜାନୁଆରୀରେ ଜିଲାପାଳଙ୍କ ଦୃଷ୍ଟି ଆକର୍ଷଣ କରିଛନ୍ତି। ସେହିପରି ଭାବେ ସେହିପରି ଭାବେ ବୁଦଲା ପଞ୍ଚାୟତର ଗୋପାଳ ସାହୁ, ଅମ୍ରିତା ସେଠ, କଇଁରୁ ବିଶ୍ୱାଳ, ଜଗଦାନନନ୍ଦ ପଧାନ ବାବୁଫାସଡ ଗ୍ରାମର ବନିତା ପଧାନ,ବନମାଳୀ କୁମ୍ଭାର। ସେହିପରି ଭାବେ ବନିତା ତ୍ରିପାଠୀ, ବନମାଳୀ କୁମ୍ଭାର କହିଛନ୍ତି ତାଙ୍କୁ ଏକ ପ୍ରଧାନମନ୍ତ୍ରୀ ଆବାସ ଘର ମିଳିଛି। ସମସ୍ୟାରେ ପଡିବାରୁ ଘର ସମ୍ପୂର୍ଣ୍ଣ ପରିପାରିନାହିଁ। କିନ୍ତୁ ଘର ସାରି ନ ଥିବାରୁ ୪ ମାସ ହେଲା ବାର୍ଦ୍ଦକ୍ୟ ଭତ୍ତା ବନ୍ଦ କରିଦିଆଯାଇଥିବା ସେ ଏକ ଭଡିିଓ ବାର୍ତ୍ତା ଜରିଆରେ ଅଭିଯୋଗ କରିଛନ୍ତି। ୨ ଜଣ କୁନି ଝିଅଙ୍କ ଅଭିଯୋଗ ହେଲା ଯେ, ତାଙ୍କ ମା’ ଜ୍ୟୋସ୍ନା ସେଠ,ବାପା ନରେଶ ସେଠ ତାମିଲନାଡକୁ ଦାଦନ ଯାଇଛନ୍ତି। ଘରେ ଅଜାଆଇଙ୍କ ପାଖରେ ରହୁଛନ୍ତି। ବୁଦୁଲା ପଞ୍ଚାୟତରୁ ମିଳୁଥିବା ପିଡିଏସ ତାଙ୍କ ବନ୍ଦ କରିଦିଆଯାଇଛି। ଏଣୁ ସେମାନ ଭୋକରେ ଦିନ କାଟୁଛନ୍ତି ା ସରକାର ଆଉକୁ ପିଡିଏସ ଚାଉଳ ଦିଅନ୍ତୁ ବୋଲି ନିବେଦନ କରିଛନ୍ତି। ଏସମ୍ପର୍କରେ ବିଡିଓ ମହାପାତ୍ର କୁଲଦୀପଙ୍କୁ ସହିତ ଯୋଗାଯୋଗ ସମ୍ଭବ ନ ହେବାରୁ ପ୍ରତିକ୍ରିୟା ମିଳିପାରିନାହିଁ ।