ଦିଗପହଣ୍ଡି,୧୭।୩(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ବ୍ଲକ ପ୍ରଶାସନ ପକ୍ଷରୁ ମଙ୍ଗଳବାର ବ୍ଳକସ୍ତରୀୟ ସାମାଜିକ ସମୀକ୍ଷା ଜନଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ବ୍ରହ୍ମପୁର ସହକାରୀ ଉପ ଜିଲାପାଳ ସୁବ୍ରତ ଶତପଥିଙ୍କ ଅଧ୍ୟକ୍ଷତାରେ ଆୟୋଜିତ ଜନଶୁଣାଣିରେ ଭୁବନେଶ୍ୱର ସ୍ଥିତ ଓଡ଼ିଶା ସାମାଜିକ ସମୀକ୍ଷା, ଉତ୍ତର ଦାୟିତ୍ୱ ଓ ସ୍ୱଚ୍ଛତା ସମିତି (ଓସାଟ) ର ସାମାଜିକ ସମୀକ୍ଷା ବିଶେଷଜ୍ଞ ଜ୍ୟୋତି ରଞ୍ଜନ ଶତପଥି , ବିଡ଼ିଓ ଅନାମିକା ପାଣ୍ଡେ , ବ୍ଳକ ଅଧ୍ୟକ୍ଷା ଯମୁନା ନାୟକ , ଜିଲା ସାମାଜିକ ସୁରକ୍ଷା ଅଧିକାରୀ ରବିନ୍ଦ୍ର ମଲାଣ , ବ୍ଳକ ସହକାରୀ ନିର୍ୱାହୀ ଯନ୍ତ୍ରୀ ଇଂ. ଅଶୋକ ଶତପଥି , ବ୍ଲକ ଶିକ୍ଷାଧିକାରୀ ସନ୍ତୋଷ କୁମାର ମହାପାତ୍ର ପ୍ରମୁଖ ମଞ୍ଚାସିନ ଥିଲେ । ଏହି ଜନଶୁଣାଣି ଶିବିରରେ ବ୍ଲକ ଅଧିନ ୨୫ ଟି ପଞ୍ଚାୟତରେ ଗତ ୨୦୨୫ ଏପ୍ରିଲ ୧ ତାରିଖ ଠାରୁ ୨୦୨୫ ସେପ୍ଟେମ୍ୱର ୩୦, ୬ ମାସ ମଧ୍ୟରେ ମହାତ୍ମାଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମନିଯୁକ୍ତି ଯୋଜନା ଅନ୍ତର୍ଗତ ପ୍ରକଳ୍ପର କାର୍ଯ୍ୟକାରିତା ସମେତ ସମଗ୍ର ଶିକ୍ଷା ଯୋଜନାରେ ବିଭିନ୍ନ ସ୍କୁଲର ଭିତ୍ତିଭୂମି ବିକାଶ ପାଇଁ ପ୍ରସ୍ତୁତ ଆକଳନ ରିପୋର୍ଟ ସମ୍ପର୍କରେ ଆଲୋକପାତ କରାଯାଇଥିଲା।
ବ୍ଳକ ସାମାଜିକ ସମୀକ୍ଷକ ଶଙ୍କର ମିଶ୍ର ଏମଜିଏନଆରଜିଏ ଯୋଜନାରେ କରାଯାଇଥିବା ବିଭିନ୍ନ ପ୍ରକଳ୍ପର କାର୍ଯ୍ୟକାରିତା ନେଇ ସମୀକ୍ଷା ରିପୋର୍ଟ ଉପସ୍ଥାପନ କରିଥିଲେ। ବଡ଼ଡୁମ୍ୱୁଳା ଗାଁ ରେ ସନ୍ତୋଷିନି ଜେନାଙ୍କ ନାଁରେ ଫାର୍ମପଣ୍ଡ ପ୍ରକଳ୍ପ ପାଇଁ ମଞ୍ଜୁର କରାଯାଇଥିବା ୨୧୪୦୦୦ ଟଙ୍କାରୁ ଆଦୌ କାମ କରାନଯାଇ ଅନ୍ୟ ଏକ ବହୁ ପୁରାତନ ପୋଖରୀର ଫୋଟ ଦାଖଲ କରି ୪୯୦୪୯ ଟଙ୍କା ଉଠାଣ କରାଯାଇଥିବା ନେଇ ସେ ତଦନ୍ତ ରିପୋର୍ଟ ପ୍ରଦାନ କରିବା ପରେ ତଦନ୍ତ କରାଯାଇ ଉକ୍ତ ଟଙ୍କା ଆଦାୟ କରାଯିବ ବୋଲି ବିଡ଼ିଓ କହିଥିଲେ। ଏହି ଜନଶୁଣାଣି ଶିବିରରେ ବ୍ଲକ ଏପିଓ ସନ୍ତୋଷ କୁମାର ସାହୁ , ପୂର୍ୱତନ ବ୍ଳକ ଅଧ୍ୟକ୍ଷ ତଥା ଜିଲା ପରିଷଦ ସଦସ୍ୟ ବିପିନ ଚନ୍ଦ୍ର ପ୍ରଧାନ , ବ୍ଳକ ଏମ.ପି ପ୍ରତିନିଧି କେ.ହରିବନ୍ଧୁ ରେଡ୍ଡୀ ,ସହକାରୀ ଗୋଷ୍ଠୀ ଶିକ୍ଷାଧିକାରୀ, ସହକାରୀ ଗୋଷ୍ଠୀ ଶିକ୍ଷାଧିକାରୀ ବାଳା ମାଝୀ, ବିଶ୍ରବା ପାଇକ,ରସାନନ୍ଦ ଘଡ଼େଇ, ଦିଗପହଣ୍ଡି ବନ ବିଭାଗ ପକ୍ଷରୁ ଫରେଷ୍ଟର ସନ୍ତୋଷ ବିଷୋୟୀରତ୍ନ, ସରପଞ୍ଚ ଫନିନ୍ଦ୍ର ଚନ୍ଦ୍ର ଗୋସ୍ୱାମୀ ,ବି. ଲିଙ୍ଗରାଜ ଦୋରା , ବିଜୟ ପ୍ରଧାନ , ମନୋରଞ୍ଜନ ଗୈାଡ , ଗୀତାଞ୍ଜଳି ଜାନୀ , ରଞ୍ଜନ କୁମାର ସାହୁ , ସଂଧ୍ୟାରାଣୀ ସୁବୁଦ୍ଧି , ସରପଞ୍ଚ ପ୍ରତିନିଧି ଶିବରାମ ପ୍ରଧାନ , ବିପ୍ରଚରଣ ସେଠୀ , ଚିତ୍ରସେନ ଗୈାଡ ,ରବିଚନ୍ଦ୍ର ଗୈାଡ , ପ୍ରଶାନ୍ତ ପ୍ରଧାନଙ୍କ ସମେତ ବହୁ ସଂଖ୍ୟକ ପ୍ରଧାନ ଶିକ୍ଷୟତ୍ରୀ, ପ୍ରଧାନ ଶିକ୍ଷକଙ୍କ ସମେତ ବିଭିନ୍ନ ବିଭାଗର ବହୁ ଅଧିକାରୀ ଉପସ୍ଥିତ ଥିଲେ । ତେବେ ଏହି ଜନଶୁଣାଣିରେ ଅର୍ଦ୍ଧାଧିକ ପଞ୍ଚାୟତର ନିର୍ୱାଚିତ ପ୍ରତିନିଧି ଅନୁପସ୍ଥିତ ରହିଥିବା ଦେଖିବାକୁ ମିଳିଥିଲା । ଏହି ଶିବିରରେ କେବଳ ମହାତ୍ମାଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମନିଯୁକ୍ତି ଯୋଜନାରେ କାର୍ଯ୍ୟରତ ଅଧିକାରୀ ବୃନ୍ଦ ଏବଂ ଶିକ୍ଷା ବିଭାଗ ଅଧିକାରୀ ବୃନ୍ଦ ଉପସ୍ଥିତ ଥିଲେ।