ନୂଆଦିଲ୍ଲୀ,୨୮।୨: ଟି-୨୦ ବିଶ୍ୱକପ ୨୦୨୬ର ସେମିଫାଇନାଲ ଦୌଡ଼ ଏବେ ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି। ଗ୍ରୁପ-୨ରୁ ନ୍ୟୁଜିଲାଣ୍ଡ ଓ ପାକିସ୍ତାନ ମଧ୍ୟରୁ କିଏ ଶେଷ୍ଠ ୪ରେ ସ୍ଥାନ ପାଇବ, ତାହା ଆଜି(ଶନିବାର) ଖେଳାଯାଉଥିବା ମ୍ୟାଚ୍ରୁ ସ୍ପଷ୍ଟ ହେବ। ଏହି ଗୁରୁତ୍ୱପୂର୍ଣ୍ଣ ମୁକାବିଲାରେ ପାକିସ୍ତାନ ଦଳ ଏକ ବଡ଼ ପଦକ୍ଷେପ ନେଇ ଷ୍ଟାର୍ ବ୍ୟାଟର ବାବର ଆଜମଙ୍କୁ ଦଳରୁ ବାଦ ଦେଇଛି।
ପଲ୍ଲେକେଲେଠାରେ ଅନୁଷ୍ଠିତ ଏହି ମ୍ୟାଚ୍ରେ ଶ୍ରୀଲଙ୍କା ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛି। ଏହି ମ୍ୟାଚ୍ରେ ପାକିସ୍ତାନ ଦଳରେ ୩ଟି ପରିବର୍ତ୍ତନ ହୋଇଛି। ଖରାପ ଫର୍ମ ଦେଇ ଗତି କରୁଥିବା ବାବର ଆଜମଙ୍କ ସ୍ଥାନରେ ଖ୍ବାଜା ନଫେଙ୍କୁ ସୁଯୋଗ ମିଳିଛି। ବାବର ଚଳିତ ବିଶ୍ୱକପ୍ର ୪ଟି ଇନିଂସରେ ମାତ୍ର ୯୧ ରନ କରିଛନ୍ତି। ସେହିଭଳି ସାଇମ ଆୟୁବଙ୍କ ବଦଳରେ ସ୍ପିନର ଅବରାର ଅହମ୍ମଦ ଏବଂ ସଲମାନ ମିର୍ଜାଙ୍କ ସ୍ଥାନରେ ପେସର ନସିମ ଶାହଙ୍କୁ ଚୂଡ଼ାନ୍ତ ଏକାଦଶରେ ସାମିଲ କରାଯାଇଛି।
SL vs PAK ମ୍ୟାଚ୍ର ପ୍ଲେଇଂ-୧୧:
ଶ୍ରୀଲଙ୍କା: ଦାସୁନ ଶାନକା (ଅଧିନାୟକ), ପଥୁମ ନିଶଙ୍କା, ଚରିତ ଅସଲଙ୍କା, କାମିଲ ମିଶାରା, ପବନ ରତ୍ନାୟକେ, କାମିନ୍ଦୁ ମେଣ୍ଡିସ, ଜନିଥ ଲିୟାନଗେ, ଦୁନିଥ ୱେଲାଲାଗେ, ମହୀଶ ତୀକ୍ଷ୍ଣା, ଦୁଷ୍ମନ୍ତ ଚମୀରା ଏବଂ ଦିଲଶାନ ମଦୁଶଙ୍କା।
ପାକିସ୍ତାନ: ସଲମାନ ଅଲି ଆଗା (ଅଧିନାୟକ), ସାହିବଜାଦା ଫରହାନ, ଫଖର ଜମାନ, ଖ୍ୱାଜା ନଫେ, ଉସମାନ ଖାନ (ୱିକେଟକିପର), ଶାଦାବ ଖାନ, ମହମ୍ମଦ ନୱାଜ, ଶାହୀନ ଆଫ୍ରିଦି, ନସିମ ଶାହ, ଅବରାର ଅହମ୍ମଦ ଏବଂ ଉସମାନ ତାରିକ।