ନୂଆଦିଲ୍ଲୀ, ୧୩।୪ : ପାକିସ୍ତାନ ଜେଲରେ ୫୦ ବର୍ଷ ଧରି ବନ୍ଦୀ ଥିବା ମେଜର କନଓ୍ବଲଜିତ୍ ସିଂଙ୍କ ମୁକ୍ତି ନେଇ କେନ୍ଦ୍ର ସରକାରଙ୍କୁ ଜବାବ୍ ତଲବ କରିଛନ୍ତି ସୁପ୍ରିମ୍କୋର୍ଟ (ଏସ୍ସି)। ଏହାର ଶୁଣାଣି ୩ ସପ୍ତାହ ପରେ ହେବ ବୋଲି କୋର୍ଟ କହିଛନ୍ତି।
ବନ୍ଦୀ ମେଜର କନଓ୍ବଲଜିତ୍ଙ୍କ ସ୍ତ୍ରୀ ଜସବୀର କୌର ତାଙ୍କ ସ୍ବାମୀଙ୍କ ମୁକ୍ତି ଦାବି କରି ଏକ ପିଟିଶନ ଦାଖଲ କରିଥିଲେ। ବିଚାରପତି ଡି.ଓ୍ବାଇ. ଚନ୍ଦ୍ରଚୂଡ଼ ଏବଂ ସୂର୍ଯ୍ୟକାନ୍ତଙ୍କ ନେତୃତ୍ୱରେ ଗଠିତ ଖଣ୍ଡପୀଠ ଏହାର ଶୁଣାଣି କରି ଏଭଳି ନିର୍ଦ୍ଦେଶ ଜାରି କରିଛନ୍ତି।
୧୯୭୧ ଭାରତ ପାକିସ୍ତାନ ଯୁଦ୍ଧରେ ମେଜର କନଓ୍ବଲଜିତ୍ଙ୍କୁ ଯୁଦ୍ଧବନ୍ଦୀ ଭାବେ ପାକିସ୍ତାନ ସୈନ୍ୟ ଗିରଫ କରିଥିଲେ। ପାକିସ୍ତାନ ଜେଲରେ ଏବେ ମଧ୍ୟ ୧୯୭୧ ଯୁଦ୍ଧବନ୍ଦୀ ଭାବେ ୫୪ ଜଣ ଭାରତୀୟ ସୈନ୍ୟ ରହିଥିବା ପିଟିଶନ୍ରେ ଉଲ୍ଲେଖ କରାଯାଇଛି।