ମୁମ୍ବାଇ,୧୨।୪: ଆରସିବି ବ୍ୟାଟ୍ସମ୍ୟାନ୍ ଦୀନେଶ କାର୍ତ୍ତିକ ଆଇପିଏଲ ପରେ ଅବସର ନେଇଥିବାର ସୂଚନା ଦେଇଛନ୍ତି, କିନ୍ତୁ ତାଙ୍କ ନିଷ୍ପତିରେ ପରିବର୍ତ୍ତନ ହୋଇପାରେ। ମୁମ୍ବାଇ ଇଣ୍ଡିଆନ୍ସ ବିପକ୍ଷ ମ୍ୟାଚ୍ ପରେ ଏହାର ସମ୍ଭାବନା ଆହୁରି ବଢିଛି। ଦୀନେଶ କାର୍ତ୍ତିକ ୩୮ ବର୍ଷ ବୟସରେ ଚମତ୍କାର ଇନିଂସ ଖେଳି କ୍ରିକେଟ୍ ପ୍ରଶଂସକଙ୍କୁ ତାଙ୍କର ପ୍ରଶଂସକ କରିଛନ୍ତି। ୨୩ ବଲରେ ୫୩ ରନର ଅପରାଜିତ ଇନିଂସ ଚର୍ଚ୍ଚା ବଢ଼ାଇଦେଇଛି। ଏପରିକି କୁହାଯାଉଛି ଯେ ତାଙ୍କୁ ଚଳିତ ବର୍ଷର ଟି -୨୦ ବିଶ୍ୱକପ ସହିତ ବିଦାୟ ଦିଆଯିବା ଉଚିତ। ଏବେ ରୋହିତ ଶର୍ମା ମଧ୍ୟ ତାଙ୍କ ଦାବିକୁ ନିଶ୍ଚିତ କରୁଥିବା ଦେଖିବାକୁ ମିଳିଛି।
ବାସ୍ତବରେ, ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ଖେଳାଯାଇଥିବା ମ୍ୟାଚରେ କାର୍ତ୍ତିକ ୨୩ ଟି ବଲରେ ୪ ଚୌକ ଓ ୫ ଛକା ମାରି ୨୩୦ ରୁ ଅଧିକ ଷ୍ଟ୍ରାଇକ ହାରରେ ଅପରାଜିତ ୫୩ ରନ ସ୍କୋର କରିଥିଲେ। ଏହି ସମୟରେ, ଯେତେବେଳେ ସେ ଷ୍ଟାଇଲିସ୍ ସଟ୍ ଖେଳିବା ଆରମ୍ଭ କରିଥିଲେ, ସେତେବେଳେ ରୋହିତ ଶର୍ମା ତାଙ୍କ ପାଖକୁ ଆସି କରତାଳି ଦେଇ କହିଥିଲେ – ”ୟା ମୁଣ୍ଡରେ ବିଶ୍ୱକପ ଚାଲିଛି, ବିଶ୍ୱକପ୍ ଚୟନ ପାଇଁ ତାକୁ ଉତ୍ସାହିତ କରିବାକୁ ପଡିବ, ସାବାସ କାର୍ତ୍ତିକ..ବିଶ୍ୱକପ.. ବିଶ୍ୱକପ। ”
କିଛି ସମୟ ଏହା କହିବା ପରେ ରୋହିତ ଫିଲ୍ଡିଂ ଆରମ୍ଭ କରିଥିଲେ। ତାଙ୍କର ଏହି ଭିଡିଓ ଦ୍ରୁତ ଗତିରେ ଭାଇରାଲ୍ ହେଉଛି। ଏହା ସହିତ ସେ ଦୀନେଶ କାର୍ତ୍ତିକଙ୍କ ନିକଟରେ ଠିଆ ହୋଇ ଥଟ୍ଟା କରୁଥିବା ମଧ୍ୟ ଦେଖିବାକୁ ମିଳିଥିଲା। ଯଦିଓ ରୋହିତ ଏହା ଏକ ହାସ୍ୟାସ୍ପଦ ଢଙ୍ଗରେ କହିଛନ୍ତି, କିନ୍ତୁ ପ୍ରଶଂସକମାନେ କହିଛନ୍ତି ଯେ ଯଦି କାର୍ତ୍ତିକ ଏହି ଢଙ୍ଗରେ ବ୍ୟାଟିଂ ଜାରି ରଖନ୍ତି ତେବେ ତାଙ୍କୁ ଦଳରେ ସୁଯୋଗ ଦିଆଯାଉ।
କାର୍ତ୍ତିକଙ୍କ ବିଷୟରେ କହିବାକୁ ଗଲେ ସେ ଜଣେ ଉତ୍ତମ ଫିନିସର୍। ଶେଷ ଓଭରରେ ତାଙ୍କର ଷ୍ଟ୍ରାଇକ୍ ହାର ୧୮୯ ରୁ ଅଧିକ ହୋଇଯାଏ। ଏଭଳି ପରିସ୍ଥିତିରେ କାର୍ତ୍ତିକଙ୍କୁ ତାଙ୍କ କ୍ୟାରିୟର ପାଇଁ ଶେଷ ସୁଯୋଗ ଦିଆଯାଇପାରେ ବୋଲି କହିବା ଭୁଲ ହେବ ନାହିଁ।