କୋଲକାତା,୨୮।୬: ଟି୨୦ ବିଶ୍ୱକପ୍ ୨୦୨୪ ଫାଇନାଲରେ ପ୍ରବେଶ କରିଛି ଟିମ୍ ଇଣ୍ଡିଆ। ଦଳ ଜୁନ ୨୯ରେ ଖେଳାଯିବାକୁ ଥିବା ଏହି ମ୍ୟାଚ୍ରେ ପ୍ରଥମ ଥର ପାଇଁ ଫାଇନାଲ ଖେଳୁଥିବା ଦକ୍ଷିଣ ଆଫ୍ରିକାକୁ ଭେଟିବ। ବିଶ୍ୱକପ୍ ଇତିହାସରେ ପ୍ରଥମ ଥର ପାଇଁ ଦୁଇ ଅଜେୟ ଟିମ୍ ମୁହାଁମୁହିଁ ହେବେ। ଏହାକୁ ନେଇ ଟିମ୍ ଇଣ୍ଡିଆର ପୂର୍ବତନ ଅଧିନାୟକ ସୌରଭ ଗାଙ୍ଗୁଲି ବଡ଼ ବୟାନ ଦେଇଛନ୍ତି।
କୋଲକାତାରେ ଗାଙ୍ଗୁଲି କହିଛନ୍ତି, ଭଲ କଥା ଯେ ଭାରତ ଫାଇନାଲ ଖେଳିବ। ଭାରତ ଭଲ ପ୍ରଦର୍ଶନ କରୁଛି, ଏହି ବିଶ୍ୱକପ୍ରେ ସବୁଠାରୁ ଉଲ୍ଲେଖନୀୟ ଟିମ୍ରେ ରହିଛି। ନିଜ ଅଧିନାୟକତ୍ୱରେ ରୋହିତ ୫ ଆଇପିଏଲ୍ ଟ୍ରଫି ଜିତିଛନ୍ତି। ଆଇପିଏଲ୍ ଜିତିବା ବିଶ୍ୱକପ୍ ଜିତିବାଠାରୁ ଅଧିକ ମୁସ୍କିଲ ନୁହେଁ। ଏଣୁ ଆଶା କରୁଛି ଯେ ରୋହିତ କାଲି ଭାରତ ପାଇଁ ବିଶ୍ୱକପ୍ ଜିତିବେ। କହିବାକୁ ଗଲେ ରୋହିତ ୭ ମାସରେ ଦୁଇଥର ଫାଇନାଲରେ ପରାଜିତ ହେବେ ବୋଲି ଲାଗୁ ନ ଥିବା ଗାଙ୍ଗୁଲି କହିଛନ୍ତି।
ଏହାଛଡ଼ା ୭ ମାସରେ ଦୁଇ ଥର ବିଶ୍ୱକପ୍ ଫାଇନାଲରେ ପ୍ରବେଶ କରିବାକୁ ନେଇ ଗାଙ୍ଗୁଲି କହିଛନ୍ତି ଯେ ଏହା ଦଳର ପାରିବାପଣ ଏବଂ ପରିଶ୍ରମକୁ ଦର୍ଶାଉଛି। ରୋହିତ ଫାଇନାଲରେ ନିଜର ଏକାଦଶରେ କୌଣସି ପରିବର୍ତ୍ତନ କରିବେ ନାହିଁ। ଏହା ହିଁ ତାଙ୍କ ଅଧିନାୟକତ୍ୱକୁ ସ୍ବତନ୍ତ୍ର କରେ ବୋଲି ସେ କହିଛନ୍ତି।